SALMOS 7:6 - El Nuevo Testamento y Salmos

⁶ ¡Pataꞌaj nyuꞌcamuɨꞌɨj ájchenyij, Tavástaraꞌ! ¡Nyuꞌcamuɨꞌɨj paj huatáꞌsejrataj aꞌɨ́ɨjma jimi ɨ maj nyéjchaꞌɨɨreꞌ! Muáaj, mu paj aꞌyan tyuꞌtaxájtacaꞌ paj tyámuaꞌ tyíꞌuuren, nyajamuan paj yésejriaꞌaj.

SALMOS 7:6 ပူးပေါင်းရင်းမြစ်များ

SALMOS 103:6

Tavástaraꞌ pu aꞌɨ́j jɨn huáꞌxɨjtyeꞌen ɨ tɨ jɨꞌréꞌcan jɨmeꞌ tyámuaꞌ naa tyáꞌxaꞌpuɨꞌɨntareꞌ aꞌɨ́ɨjma ɨ maj jájpuejtzij aꞌɨ́jcɨ jɨmeꞌ maj jeꞌej puaꞌaj huáꞌuurej.

SALMOS 12:5

Aꞌyaa pu tyuꞌtaxájtacaꞌ ɨ Tavástaraꞌ tɨjɨn: “Aꞌɨ́ɨmaj ɨ maj quee jeꞌej tyéejviicueꞌ majta ɨ maj quee jucaꞌnyej aꞌɨ́ɨjma mu jeꞌej puaꞌaj uurej majta puéjtzij huaꞌtáꞌcaa. Aꞌɨ́j nu jɨn ijíij ájchesij, nyajta aꞌyan tyihuoꞌtyáhuɨɨreꞌsij matɨꞌɨj aꞌɨ́ɨmaj jéehua tyáꞌxɨeꞌveꞌ.”

SALMOS 138:7

Tɨꞌɨjta jeꞌej puaꞌaj nye jimi tyíꞌrɨjcaj, muáaj paj nyechaꞌɨɨj puáꞌmej nyej nyij nyooj júurij; muáaj paj uyoꞌtaꞌítyij ɨ paj jɨn néijmiꞌi putyíꞌuurej pajta nyajapuáj huatányuusij aꞌɨ́jcɨ jimi ɨ maj jɨn nyajaaxɨejviꞌ aꞌɨ́ɨmaj ɨ maj nyéjchaꞌɨɨreꞌ.

SALMOS 143:3

Aꞌɨ́ɨmaj mu nyamuarityeꞌ ɨ maj nyéjchaꞌɨɨreꞌ, majta chóotaꞌ meríj naatzíinajraa, caꞌnyéjrij mu jɨn nyeꞌijtyeꞌ nyej nyij aꞌáa jaꞌchajca joꞌtɨj joꞌtɨ́caꞌ, aꞌyájna matɨꞌɨj ɨ maj meríj áꞌtyeej maj huácuij.

SALMOS 3:7

¡Ájchesij, Tavástaraꞌ! ¡Pataꞌaj nyaj japua huatányuunyij, nyaj Dios! Muáaj paj huaꞌ nyéerimij jitze huaꞌrávaxɨꞌɨj ɨ maj nyéjchaꞌɨɨreꞌ, ¡pajta huaꞌ tamej eecátaaraxɨꞌɨj ɨ maj jeꞌej puaꞌaj tyityetyúuchaꞌɨj!

SALMOS 35:1

Tavástaraꞌ, pataꞌaj huaꞌajchaꞌɨɨreꞌej aꞌɨ́ɨjma ɨ maj nyéetzij nyéjchaꞌɨɨreꞌ; pajta huoꞌtanyóꞌsiꞌtyeꞌen aꞌɨ́ɨjma ɨ maj nyéetzij nyenyoꞌsiꞌtyeꞌej.

SALMOS 35:23

Ájchesij, Tavástaraꞌ nyaj Dios, ¡huájɨsij! Pataꞌaj noꞌxáꞌpuɨꞌɨntariꞌtzeꞌen, nyajamuan paj séjreꞌej.

SALMOS 44:23

¿Jiꞌnye pej pij tyácusij, Tavástaraꞌ? ¡Huájɨsij, huájɨsij! ¡Capáj jusén jɨmeꞌ matúujɨpuan!

SALMOS 44:26

¡Ájchesij, pataꞌaj mujoꞌvéꞌmeꞌen pej pij taatáhuɨɨreꞌen pajta tajapuá huatányuunyij aꞌɨ́jcɨ jɨmeꞌ ɨ paj vaꞌcán jɨn taxɨeꞌveꞌ!

SALMOS 59:5

Muáaj, Tavástaraꞌ, Dios mu paj néijmiꞌi putyíꞌuurej, pajta huaꞌ Dios aꞌɨ́ɨjma ɨ maj Israel jitze ajtyámaꞌcan, huájɨsij pajta puéjtzij huoꞌtáꞌan aꞌɨ́ɨjma ɨ maj quee tyáꞌtzaahuatyeꞌ, capáj huaꞌcuꞌvej aꞌɨ́ɨjma ɨ maj jeꞌej puaꞌaj tyityetyúuchaꞌɨj.

SALMOS 73:20

Patɨꞌɨj muáaj, Tavástaraꞌ, ájchenyij, aꞌyájna tɨꞌɨj sɨ́ɨj tɨ huájɨj tɨ tyácusimaꞌaj, pahuoꞌtyáxaahuataj ɨ maj hueꞌtzij jɨn jusejrataj.

SALMOS 74:3

Mupoꞌvéꞌmeꞌ pej pij jaaséj aꞌíjcɨ ɨ tɨ quee jeꞌej huaséꞌrin; aꞌɨ́jna ɨ tɨ tájchaꞌɨɨreꞌ pu arí néijmiꞌi tyuꞌtyáꞌuj aꞌ tyeyúuj tzajtaꞌ.

SALMOS 78:65

Ajta ɨ Tavástaraꞌ pu huájɨj, tɨꞌɨj ɨ tɨ tyiꞌtyámaarasimaꞌaj, tɨꞌɨj ɨ tɨ nyoꞌsii tɨ huatyájtahue ajta jeꞌen arí otóomuaꞌreeriꞌ,