SALMOS 69:4 - El Nuevo Testamento y Salmos

⁴ Muꞌríj jéetzeꞌ huatámuiꞌriacaꞌ ɨ maj chaꞌmanaꞌaj tyiꞌtɨ́j jɨn nyaxanaꞌveꞌej quee aꞌchu nyaj puaꞌmácan cájcɨpuaj ɨ nyamuꞌuj jitze, muꞌríj huatámuiꞌriacaꞌ ɨ maj nyéjchaꞌɨɨreꞌ, ɨ maj chaꞌmanaꞌaj naꞌantyipuáꞌrityaꞌmuꞌ majta nyahuavii nyaj huoꞌtátuiireꞌen tyiꞌtɨ́j nyaj quee huanáhuaj.

SALMOS 69:4 ပူးပေါင်းရင်းမြစ်များ

SALMOS 35:19

Micheꞌ quee nyéetzij jɨn jutyamuaꞌveꞌej aꞌɨ́ɨmaj ɨ maj nyéjchaꞌɨɨreꞌ, micheꞌ quee jutyamuaꞌveꞌej aꞌɨ́jcɨ jɨmeꞌ nyej nyáaj nyaxaamujrityeꞌ aꞌɨ́ɨmaj ɨ maj chaꞌmanaꞌaj tyiꞌtɨ́j jɨn nyajaaxɨejviꞌ.

SALMOS 40:12

Jiꞌnye jéehua pu jeꞌej puaꞌaj tyíꞌnyaꞌuurej ajta quee ɨꞌríj nyaj jaatyéꞌiten aꞌchu tɨ arí puaꞌmáj jeꞌej puaꞌaj tyináaruuj. Aꞌɨ́ɨ pu arí nyeriaꞌnaj ɨ nyaj jɨn jeꞌej puaꞌaj huarɨ́j, canu nyij nyajta cheꞌ tyámuaꞌ metyóonyeej. Puꞌríj jéetzeꞌ aráꞌasej quee ɨ nyaj cɨpuáj, capu ij ajta cheꞌ nyacaꞌnyistiꞌ.

SALMOS 59:3

jiꞌnye tyétyacaa mu séejreꞌ maj uhuácacaꞌnyeꞌ majta aꞌɨ́j manaꞌaj tyichoꞌveꞌej aꞌtzáaj maj naajéꞌcaj. Tavástaraꞌ, canu aꞌɨ́ɨn puéꞌeen ɨ tɨ quee tyihuojóꞌitej canu nyajta huányaxanaꞌcɨrej;

SALMOS 6:7

Canu cheꞌ tyámuaꞌ metyóonyeej aꞌɨ́jcɨ jɨmeꞌ ɨ tɨ tyinyetyáacuiꞌ, ¡canu cheꞌ tyámuaꞌ metyóonyeej aꞌɨ́ɨ mej mij puéꞌeenyeꞌ ɨ maj nyéjchaꞌɨɨreꞌ!

San Juan 15:25

Ajta aꞌyaa pu tyíꞌrɨcɨj, jiꞌnye aꞌyaa pu tyúuxɨeꞌveꞌ tɨ aróoꞌastej jeꞌej tɨ tyéꞌyuꞌsiꞌ ɨ yuꞌxarij jitze ɨ maj jɨn tyíꞌijta tɨ aꞌyan tɨjɨn: “Aꞌɨ́ɨmaj mu naataxánaꞌvej ajta canu tyiꞌtɨ́j jɨn ootyáꞌɨtzee.”

2 Corintios 5:21

Ajta ɨ Cɨríistuꞌ capu tyiꞌtɨ́j jɨn ootyáꞌɨtzee, tajitzé maꞌcan pu ɨ Dios aꞌyan jáaruuj tyej tyij jamuán ɨ Cɨríistuꞌ jɨꞌréenyeꞌqueꞌ huatyáꞌɨtzeereꞌen.

1 Pedro 2:22

Capu ɨ Cɨríistuꞌ tyiꞌtɨ́j jɨn ootyáꞌɨtzee, capu ajta aꞌnáj aꞌtɨ́j huácuanamuaj.

1 Pedro 2:24

Aꞌɨ́ɨ pu tajitzé maꞌcan jaapuéjtzitariacaꞌ ɨ cúruuj jitze, ajta néijmiꞌi tyitacáaꞌriꞌriꞌ ɨ tyaj jɨn áꞌɨtzeeriaꞌcaꞌaj, tyej tyij tyámuaꞌ éenyeꞌej táꞌraꞌnyij. Cɨríistuꞌ pu tyuꞌpuéjtyiꞌhuacaꞌ tyej tyij ityáj néijmiꞌi jɨn tyúꞌhuaatyiꞌhuaj.

1 Pedro 3:18

Jiꞌnye ɨ Cɨríistuꞌ pu séej naꞌaj tajitzé maꞌcan huamuɨ́ꞌ, taꞌaj ij jusén jɨn tyitaatúꞌuunyiꞌ ɨ tyaj jɨn ootyáꞌɨtzee. Aꞌɨ́ɨ pu quee tyiꞌtɨ́j jɨn ootyáꞌɨtzeerej, ajta aꞌyan tyaapuéjtzitariacaꞌ aꞌɨ́ɨjma jitze maꞌcan ɨ maj jeꞌej puaꞌaj tyityetyúuchaꞌɨj, taꞌaj ij muaꞌajmaj jamuáꞌanviꞌtɨj ɨ Dios jimi. Aꞌɨ́j pu jitze ɨ jutyévij huamuɨ́ꞌ, ajta ɨ Dios pu jaatájuurityej ɨ ju júuricamej jɨmeꞌ,