SALMOS 69:20 - El Nuevo Testamento y Salmos

²⁰ Puꞌríj nyatzájtaꞌ jeꞌej puaꞌaj náaruj ɨ maj jeꞌej puaꞌaj tyíꞌnyaxaj, ¡capu núꞌcaꞌnyistiꞌ nyajta quee cheꞌ nyacaꞌnyej! Chaꞌnaꞌaj nuꞌuj jahuoo aꞌɨ́jcɨ ɨ tɨ tyámuaꞌ tyinaatyéjeevej ajta náꞌancuꞌvaxɨꞌ.

SALMOS 69:20 ပူးပေါင်းရင်းမြစ်များ

SALMOS 123:4

¡Tuꞌríj jéehua jaapuéjtzitariacaꞌ aꞌɨ́ɨmaj maj jeꞌej puaꞌaj tyíꞌtaxaj ɨ maj chíjtyaanyiꞌij puéꞌeen majta mu aꞌɨ́ɨmaj taxanaꞌveꞌ ɨ maj jéehua óotzaahuatyeꞌ!

SALMOS 142:4

Nyajta aꞌáa jóonyeerij aꞌ nyamuácaꞌtaꞌ pujmuaꞌ ajta quee aꞌtɨ́j ajaꞌveꞌmej tɨꞌij naatáhuɨɨreꞌen. ¡Capu maꞌ aꞌtɨ́j tɨꞌij nyajapuáj huatányuunyij! ¡Capu maꞌ aꞌtɨ́j nyej nyáaj jitzán juxɨéꞌvaꞌaj!

SALMOS 42:10

Ɨ nyacaríj pu ajta nyacuiꞌ aꞌɨ́jcɨ jɨmeꞌ maj jeꞌej puaꞌaj tyíꞌnyaxaj ɨ maj nyéjchaꞌɨɨreꞌ, ɨ maj aꞌnáj tɨnaꞌaj aꞌyan tyíꞌnyeꞌihuoꞌ tɨjɨn: “¿Joꞌnyij jeꞌej jéꞌeen aꞌ Dios?”

SALMOS 42:6

Jéehua pu quee núꞌcaꞌnyistiꞌ. Aꞌɨ́j nu jɨn huápuɨꞌɨj muéetzij jitze tyiꞌriáꞌmuaꞌsij tɨꞌɨj naꞌaj aꞌájna ɨ játyaꞌnaj jitze Jordán tɨ ántyapuaj, tɨꞌɨj naꞌaj aꞌájna a jɨríj tɨ joꞌquéetɨmee aꞌ tɨ aꞌyan tyajaꞌrájtyapuaj tɨjɨn Hermón ajta a Misar.

San Mateo 26:56

Ajta néijmiꞌi pu aꞌyan tyíꞌrɨnyij tɨꞌij aꞌyan tyaꞌróoꞌastej jeꞌej maj tyoꞌyúꞌxacaꞌ aꞌɨ́ɨmaj ɨ maj Dios jitze maꞌcan tyíꞌxajtacaꞌaj. Tɨꞌɨj aꞌyan tyíꞌrɨjcaa, néijmiꞌi mu ɨ maj jamuán huacɨ́j ɨ Jesús ayoorɨej matɨꞌɨj mij huatóoꞌuj.

San Marcos 14:37

Aj puꞌij téꞌej ajeꞌréꞌnyej joꞌmaj jaꞌajtyáꞌcaꞌaj ɨ maj jamuán huacɨ́j, aꞌáa puꞌij huojoꞌtyoj tɨpuaꞌaj meríj tyácuꞌtzij. Aꞌyaa pu tyaatéꞌexaa aꞌɨ́jcɨ ɨ Pedro tɨjɨn: —Simón, ¿nyi petyácusij? ¿Nyi pequee tyoꞌtáviicueꞌriꞌ paj séej ooraj atányeerij?

San Marcos 14:50

Majta aꞌɨ́ɨmaj ɨ maj jamuán huacɨ́j néijmiꞌi mu huatóoꞌuj, aa muꞌuj mij yoorɨéej ɨ Jesús.

San Juan 12:27

’Jéehua pu jeꞌej puaꞌaj nyaꞌasej yu nyatzájtaꞌ. ¿Ajta jiꞌnye nyij tyuꞌtaxájtaj? ¿Nyiquij aꞌyan nyetyuꞌtaxájta yee: “Nyavástaraꞌ, capáj tyiꞌtáꞌcareꞌen tɨꞌij aꞌyan tyináacɨꞌtyij jeꞌej tɨ arí atyojoꞌréꞌnyesij”? Canu aꞌyan tyuꞌtaxájtaj, jiꞌnye aꞌɨ́j nu jɨn mujoꞌvéꞌmej tɨꞌij nye jimi aꞌyan tyáꞌraꞌnyij.

San Juan 16:32

Puꞌríj ijíij tyaꞌráꞌaj, ijíij puꞌríj aꞌáan putyajáꞌrɨcɨj siatɨꞌɨj muaꞌaj joꞌcɨ́xɨꞌɨj sɨ́ɨj ajta sɨ́ɨj, jusén tacan xúsij yanuurɨésij. Ajta canu nyasɨ́ɨj huatyáꞌɨtzeereꞌej, jiꞌnye ɨ nyavástaraꞌ pu nyaj jamuán yésejreꞌ.

Hebreos 11:36

Majta séecan aꞌɨ́jna jɨn jaapuéjtzitariacaꞌ ɨ maj jeꞌej puaꞌaj tyihuáꞌjeevacaꞌaj, nusu ɨ maj huoꞌtyáavaxɨj, majta huaꞌnájɨꞌcaꞌxɨj cadéenaj jɨmeꞌ, naꞌríij maj hueꞌtyáanaj.