SALMOS 67:2 - El Nuevo Testamento y Salmos

² mej mij néijmiꞌi ɨ maj aꞌyan huacháatɨmee ɨ cháanacaj japua jáamuaꞌreej jeꞌej tɨ aꞌɨ́ɨn tyaꞌajxɨéꞌviꞌraꞌ ajta ɨ tɨ jɨn tajapuá huatányuusij.

SALMOS 67:2 ပူးပေါင်းရင်းမြစ်များ

SALMOS 117:2

jiꞌnye aꞌɨ́jna ɨ tɨ jɨn taxɨeꞌveꞌ vaꞌtɨ́j pu séejreꞌ, ¡aꞌɨ́jna ɨ tɨ jɨn tyámuaꞌ een ɨ Tavástaraꞌ jusén pu jɨn séejreꞌ! ¡Alelúuyaj!

SALMOS 4:7

Muáaj paj jéehua naatáꞌ ɨ nyaxɨéjnyuꞌcaa tzajtaꞌ ɨ nyaj jɨn nyetyamuaꞌveꞌ pequee aꞌyan aꞌɨ́ɨjma jimi ɨ maj jéehua ɨ tyeríicuj tyíchaꞌɨj majta jéehua ɨ nahuáj.

SALMOS 41:5

Aꞌɨ́ɨmaj ɨ maj nyéjchaꞌɨɨreꞌ aꞌyaa mu tyáꞌxɨeꞌveꞌ tɨꞌij jeꞌej puaꞌaj tyíꞌnyaꞌuurej, aꞌyaa mu tyíꞌxaj tɨjɨn: “¿Aꞌnajnyí muɨꞌnyij tyej tyij quee cheꞌ jaꞌtamuáꞌreꞌrihuaꞌan?”

SALMOS 43:5

¿Jiꞌnye nyij tyiꞌtɨ́j jɨn tyíꞌnyaxaahuataj? ¿Jiꞌnye nyij tyiꞌtɨ́j jɨn jeꞌej tyéꞌnyamuaꞌastɨj naꞌmej? Nyáaj nu nyeríj ɨ Dios jitze tyíꞌcaꞌnyej, aꞌɨ́jcɨ ɨ nyej nyooj tyeꞌtyóotziꞌreꞌej naꞌmej. ¡Aꞌɨ́ɨ pu nyaj Dios puéꞌeen ajta ɨ tɨ nyaj japua huatányuusij!

San Mateo 28:19

Siataꞌaj sij joꞌcɨ́xɨꞌɨn néijmiꞌqueꞌ ɨ cháanacaj japua siaj sij huóꞌixaatyeꞌen ɨ tyeɨ́tyee mej mij naꞌráꞌastijreꞌen, siajta huóꞌɨɨraj nyúucaritzeꞌ ɨ tɨ nyavástaraꞌ, siajta nyúucaritzeꞌ ɨ yójraꞌ, siajta nyúucaritzeꞌ ɨ júuricamaꞌraꞌ ɨ Dios,

San Lucas 3:6

Néijmiꞌi ɨ maj aꞌyan séejreꞌ ɨ cháanacaj japua, aꞌɨ́ɨ mu jaséjran aꞌɨ́jcɨ ɨ tɨ Dios jɨn tajapuá huatányuusij.”

Hechos 13:10

Tɨꞌquij aꞌyan tyaatéꞌexaa tɨjɨn: —Muáaj mu paj tyíꞌhueꞌtacaa, pajta jeꞌej puaꞌaj metyóomuaꞌrej, tyiyáaruꞌ pu atáataj, muáaj paj quee janamuajramuɨꞌ ɨ tɨ naa een. ¿Jiꞌnye petyihuaꞌantyiúꞌnyiꞌraj ɨ maj aꞌyan rɨcɨj jeꞌej tɨ tyáꞌxɨeꞌveꞌ ɨ Dios?

Hechos 18:25

Naa pu tyúꞌmuaꞌreeriacaꞌaj jeꞌej tɨ tyáꞌxɨeꞌveꞌ ɨ tavástaraꞌ, ajta naa tyuutyámuaꞌveꞌej tyihuáꞌixaatyacaꞌaj, tyámuaꞌ pu tyihuáꞌmuaꞌtyajcaꞌaj aꞌɨ́jcɨ jitze maꞌcan ɨ Jesús, ajta aꞌɨ́j puꞌuj muaꞌreeriacaꞌaj ɨ tɨ jɨn ɨ Juan huoꞌɨɨriꞌ.

Hechos 22:4

Jájcuaj ɨmuáj nu aꞌyan tyihuáꞌhuoocaꞌaj nyej nyij huóꞌcuiꞌnyij aꞌɨ́ɨjma ɨ maj jájcuan jɨn tyáꞌtzaahuatyeꞌ, nyajta néijmiꞌcaa huavíviꞌ ɨ tyétyacaa, nyajta ɨ maj úucaa nyej nyij hueꞌtyáanaj.

Hechos 9:31

Matɨꞌɨj manaꞌaj ɨ maj tyáꞌtzaahuatyeꞌ, aꞌáa maj huacháatɨmee aꞌájna a Judea, ajta Galileea, ajta a Samaaria, néijmiꞌi mu tyámuaꞌ tyíꞌtyechajcaꞌaj, majta aꞌɨ́jcɨ jitze aróocaꞌnyajcaꞌaj ɨ júuricamaꞌraꞌ ɨ Dios. Meꞌtyesaꞌcaꞌaj aꞌɨ́jcɨ ɨ tavástaraꞌ maj tyiꞌtɨ́j jɨn ootyáꞌɨtzeereꞌen jimi, majta aꞌɨ́jna jitze aróocaꞌnyajcaꞌaj ɨ júuricamaꞌraꞌ ɨ Dios, aꞌɨ́j mu jɨn támuiꞌrisimaꞌaj.

Tito 2:11

Jiꞌnye aꞌyaa pu ɨ Dios tyaatasérajtacaꞌ ɨ tɨ jɨn táꞌcuꞌvej néijmiꞌcaa ɨ tyeɨ́tyee.