SALMOS 66:7 - El Nuevo Testamento y Salmos

⁷ Aꞌɨ́jcɨ jɨmeꞌ ɨ tɨ néijmiꞌi jɨn putyíꞌuurej, aꞌɨ́j pu jusén jɨn tyíꞌijta, tyámuaꞌ pu naa tyihuáꞌsej ɨ maj séej chuéj japua joꞌcháatɨmee, mataꞌaj mij aꞌɨ́ɨmaj ɨ maj quee tyihuojóꞌitej tyámuaꞌ juꞌuuriaj mej mij jaatyényoꞌsiꞌtyeꞌen.

SALMOS 66:7 ပူးပေါင်းရင်းမြစ်များ

SALMOS 11:4

Tavástaraꞌ pu aꞌúu jáꞌsejreꞌ ɨ ju tyeyúuj tzajtaꞌ tɨ tyámuaꞌ een. Ajta aꞌɨ́jna ɨ ɨpuariáaraꞌan ɨ Tavástaraꞌ tajapuá pu jáꞌsejreꞌ, ajta tyámuaꞌ naa tyaꞌtányeerij tyámuaꞌ puꞌij naa tyihuáꞌsej aꞌɨ́ɨjma ɨ tyeɨ́tyee.

SALMOS 140:8

Tavástaraꞌ, capáj tyiꞌtáꞌcareꞌen tɨꞌij aꞌyan tyáꞌraꞌnyij jeꞌej tɨ aꞌɨ́ɨn tyáꞌxɨeꞌveꞌ ɨ tɨ jeꞌej puaꞌaj rɨcɨj; capáj tyiꞌtáꞌcareꞌen tɨ aꞌyan atyojoꞌréꞌnyinyiicaꞌan jeꞌej tɨ arí aꞌɨ́ɨn tyaaxáꞌpuɨꞌɨntarej. Aꞌɨ́ɨmaj ɨ maj nyájnaamuaj aꞌɨ́ɨ mu nye jimi eecámuꞌvajra, cheꞌ aꞌɨ́ɨjma japua rájvetyij ɨ maj jɨn jaxɨeꞌveꞌ mej mij nyéetzij jeꞌej puaꞌaj náaꞌuurej.

SALMOS 145:13

Aꞌɨ́jna ɨ paj jɨn tyíꞌijta aꞌɨ́j paj jɨn jusén tyuꞌtaꞌíjtaj, ajta ɨ paj jɨn antyíaꞌmuaꞌreej jusén jɨmeꞌ pu séeriaꞌaj jaꞌmej.

SALMOS 33:13

Tavástaraꞌ pu taséj jútyeꞌ ɨmuáj ajta néijmiꞌcaa tyámuaꞌ tyíꞌsej ɨ tyeɨ́tyee,

SALMOS 62:11

Nuꞌríj mueꞌtɨ́j aꞌyan tyáanamuajriꞌ aꞌíjna ɨ Dios tɨ aꞌyan tyaataxájtacaꞌ tɨjɨn: aꞌɨ́jna ɨ tɨ néijmiꞌi putyíꞌuurej ajta ɨ tɨ jɨn taxɨeꞌveꞌ aꞌɨ́ɨ pu jaꞌaꞌrij, tɨ ajta aꞌɨ́ɨn aꞌyan tyihuáꞌnajchityeꞌen séej ajta séej jeꞌej tɨ sɨ́ɨj tyiꞌtɨ́j jɨn huarɨ́j.

SALMOS 75:6

Jiꞌnye capu ɨ puéjtzij aꞌáa jeꞌréꞌnyesij aꞌájna joꞌtɨj ɨ xɨcáj jéꞌejnyinyiij nusu joꞌtɨj jaꞌancáruꞌpij, capu ajta aꞌájna joꞌtɨj quee jáꞌtyiꞌtɨj nusu a jɨríj tzajtaꞌ,

San Mateo 28:18

Aj puꞌij Jesús ajtyáxɨɨriacaꞌ huaꞌ jimi tɨꞌquij aꞌyan tyihuoꞌtéꞌexaaj tɨjɨn: —Dios pu arí néijmiꞌi tyinaatáꞌ nyej nyij néijmiꞌi jɨn antyínyamuaꞌreeriaj u tajapuá nyajta íiyan cháanacaj japua.

San Mateo 6:13

Capáj tyiꞌtáꞌcareꞌen tɨ taamuéꞌtɨn aꞌɨ́jna ɨ tɨ quee xáꞌpuɨꞌ, sulu pataꞌaj tajapuá huatányuunyij. Jiꞌnye muáaj paj tyíꞌijta, pajta néijmiꞌi putyíꞌuurej, aꞌɨ́j paj jɨn jusén jɨmeꞌ séejreꞌ.