SALMOS 66:5 - El Nuevo Testamento y Salmos

⁵ Musioꞌváꞌjuꞌ siajta jaaséj jeꞌej tɨ ɨ Dios tyíꞌmuarɨeꞌ, jeꞌej tɨ tyámuaꞌ tyúꞌruuj aꞌɨ́jna jɨmeꞌ ɨ tɨ naa tyihuáꞌsejratyeꞌ aꞌɨ́ɨjma jimi ɨ tyeɨ́tyee,

SALMOS 66:5 ပူးပေါင်းရင်းမြစ်များ

SALMOS 106:22

ajta jéehua tyámuaꞌ tyúꞌruuj ɨ tɨ naa tyuꞌséꞌrin aꞌɨ́jcɨ japua ɨ chuéj tɨ aꞌyan tyajaꞌrájtyapuaj tɨjɨn Cam ajta ɨ maj jɨn jeꞌen tyoꞌtaséj aꞌájna a jájritzeꞌ tɨ poꞌvij.

SALMOS 111:2

Vaꞌcán pu jɨn tyíꞌmuarɨeꞌ ɨ Tavástaraꞌ, majta ɨ maj jaxɨeꞌveꞌ, aꞌɨ́j mu jitze tyúumuaꞌtyej.

SALMOS 46:8

Musioꞌváꞌjuꞌ siataꞌaj tyuꞌséj ɨ tɨ huápuɨꞌɨj naa tyuꞌséꞌrin aꞌɨ́jna ɨ Tavástaraꞌ tɨ tyúꞌtaahuacaꞌ ɨ cháanacaj japua,

SALMOS 46:9

puꞌríj jaꞌantyipuáꞌrij ɨ maj junyoꞌsiꞌtyaꞌcaꞌaj néijmiꞌqueꞌ joꞌtɨj jooꞌástɨmee ɨ cháanacaj, puꞌríj tyuꞌtyáanaꞌxɨj ɨ túꞌnamuaꞌaj, puꞌríj tyiꞌijnáꞌxɨj ɨ tyapúustiꞌij tɨ tyeꞌentyipityíijmee ɨ maj jɨn nyoꞌsii, ¡ajta tyuꞌtyáatɨej ɨ cariáataꞌ ɨ maj jitzán nyoꞌsii!

SALMOS 47:3

Huaꞌajtaviꞌtɨj ɨ maj chájtaꞌ joꞌcháatɨmee ajta aꞌɨ́ɨjma ɨ maj séej chuéj japua jáꞌmaꞌcan ajta jeꞌen huoꞌtaꞌíj mej mij ityájma taꞌráꞌastijreꞌen.

SALMOS 66:16

¡Siataꞌaj néijmiꞌi muaꞌaj mujoꞌváꞌjuꞌun, mu siaj tzáahuatyiꞌraꞌaj jimi tyíchaꞌɨj ɨ Dios! ¡Xáanamuajriꞌ, ɨ nyaj jamuaatéꞌexaatyeꞌsij aꞌɨ́jcɨ jɨmeꞌ jeꞌej tɨ tyiꞌtɨ́j huáruuj nye jimi!

SALMOS 66:3

Aꞌyaa xu tyaatéꞌexaatyeꞌen ɨ Dios tɨjɨn: “Naa pu tyihuáꞌsejratyeꞌ muáaj paj tyúꞌtaahuacaꞌ. Aꞌɨ́jcɨ jɨmeꞌ ɨ paj néijmiꞌi jɨn putyíꞌuurej aꞌɨ́ɨ mu muéetzij jimi eetávitzej metyiꞌtzɨ́ɨnyeꞌej ɨ maj muájchaꞌɨɨreꞌ,

SALMOS 99:3

Cheꞌ tyámuaꞌ eenyeꞌ ɨ tɨ jɨn ántyapuaj, vaꞌcán pu jɨn séejreꞌ ajta tzáahuatyiꞌreꞌ; ¡Dios pu néijmiꞌi jɨn tyámuaꞌ een!