SALMOS 61:7 - El Nuevo Testamento y Salmos

⁷ ajta aꞌɨ́jna jɨn tyuꞌtaꞌíjtaj ɨ paj jɨn muáaj tyámuaꞌ tyaꞌtáꞌcaa. Tyámuaꞌ paj tyéechaꞌɨɨn aꞌɨ́jcɨ jɨmeꞌ ɨ paj taxɨeꞌveꞌ pajta ɨ paj jɨn tyámuaꞌ een,

SALMOS 61:7 ပူးပေါင်းရင်းမြစ်များ

SALMOS 21:5

Tyíꞌmuatyojtziꞌreꞌ aꞌɨ́jcɨ jɨmeꞌ paj jaatáhuɨɨ, ijíij pu vaꞌcán jɨn putyiꞌuurejve, muáaj paj jaatáꞌ mej mij jaatyátzaahuatyeꞌen ajta jeꞌen jɨꞌréenyeꞌej séejreꞌ.

SALMOS 40:11

Pajta muáaj, Tavástaraꞌ, capáj nyaꞌaviitzeꞌej ɨ paj jɨn tyámuaꞌ nyojoꞌmuaꞌraj. Aꞌnáj tɨnaꞌaj paj nyechaꞌɨɨj aꞌɨ́jcɨ jɨmeꞌ ɨ paj jɨn nyaxɨeꞌveꞌ ajta ɨ paj jɨn tyámuaꞌ een.

SALMOS 41:12

Ajta nyéetzij jɨmeꞌ, nyaj tyámuaꞌ tyiꞌtyínyechaꞌɨj nyajta quee tyiꞌtɨ́j jɨn áꞌɨtzeereꞌ, tyámuaꞌ paj tyíꞌnyeviꞌraj muaꞌ muácaꞌ jɨmeꞌ, nyej nyij aꞌnáj tɨnaꞌaj ajamuán ajaꞌ séjreꞌej.

SALMOS 43:3

Mujoꞌtaꞌítyij ɨ nyaj jɨn atányeerej ajta ɨ tɨ jɨꞌréꞌcan jɨmeꞌ, tɨꞌij aꞌɨ́ɨn naataséjratyeꞌen ɨ juyéj ɨ tɨ aꞌáa jóꞌnyee joꞌtɨj néijmiꞌi tyámuaꞌ tyejéꞌeen, aꞌájna joꞌpaj muáaj jaꞌchej.

SALMOS 57:3

Aꞌɨ́ɨ pu jútyeꞌ ɨmuáj uyoꞌtaꞌítyij ɨ tɨ jɨn taxɨeꞌveꞌ ajta ɨ tɨ jimi jɨꞌréꞌcan jɨmeꞌ, aꞌɨ́ɨ puꞌij nyajapuáj huatányuusij aꞌɨ́ɨjma jimi ɨ maj huápuɨꞌɨj jeꞌej puaꞌaj nyaꞌuurej.

San Lucas 1:33

aꞌɨ́ɨ puꞌij jusén jɨn tyuꞌtaꞌíjtaj aꞌɨ́ɨjma jimi ɨ maj Jacob jitze eerámaꞌcan. Ajta quee aꞌnáj antyipuaꞌrij ɨ tɨ jɨn tyuꞌtaꞌíjtaj.

Hebreos 9:24

Jiꞌnye ɨ Cɨríistuꞌ capu aꞌúun joꞌtyájrupij ɨ ɨnáamuaj tzajtaꞌ ɨ tyeɨ́tyee maj jaꞌajtaahuacaꞌ, tɨ ajta aꞌyan een tɨꞌɨj quéenyiꞌistariaꞌraꞌ aꞌɨ́jcɨ ɨ tɨ jútyeꞌ jáꞌsejreꞌ, sulu tajapuá pu joꞌtyájrupij ɨ Dios jimi taꞌaj ij tajapuá huatányuunyij.