SALMOS 61:2 - El Nuevo Testamento y Salmos

² Muéetzij jimi nu huatyéenyuj aꞌájna ɨmuáj joꞌtɨj ɨ chuéj jóoꞌasej, jiꞌnye ɨ nyaxɨéjnyuꞌcaa pu quee cheꞌ jucaꞌnyej. Aꞌáa paj tyámuaꞌ tyinyojóꞌchaꞌɨɨn joꞌpaj muáaj jáꞌsejreꞌ,

SALMOS 61:2 ပူးပေါင်းရင်းမြစ်များ

SALMOS 142:3

nyatɨꞌɨjta huápuɨꞌɨj quee jeꞌej tyéejtyooveꞌen. Tavástaraꞌ, muáaj paj jamuaꞌtyej ɨ nyaj juyéj, aꞌɨ́jcɨ ɨ juyéj nyaj jitzán huaméj, aꞌáa mu tyiꞌtɨ́j tyámuaꞌ jóꞌruuj mej mij naatyéeviꞌ.

SALMOS 143:4

Huápuɨꞌɨj nu quee cheꞌ jeꞌej tyéejtyoovej, ajta ɨ nyaxɨéjnyuꞌcaa quee cheꞌ jeꞌej jájtyoovej.

SALMOS 17:1

Tavástaraꞌ, huánamuaj nyaj quee tyiꞌtɨ́j jɨn áꞌɨtzeereꞌ, pajta aꞌyan huárɨnyij jeꞌej nyaj tyíꞌmuahuaviij, tyámuaꞌ tyuꞌnamuaj jeꞌej nyaj aꞌ jimi tyáꞌhuoo, jiꞌnye capu tyenyij jitze éejnyinyii tɨ tyíꞌhueꞌtacaa.

SALMOS 18:2

Muáaj paj naatyáhuɨɨreꞌej, aꞌɨ́ɨ paj puéꞌeen ɨ tɨ nɨeꞌcánasij, ɨ tɨ nyajapuáj huatányuusij, nyaj Dios, ɨ tyetyéj tɨ nyéetzij naatyánasij, ɨ nyaj jɨn huatyényanaj, ɨ tɨ néijmiꞌi putyíꞌuurej tɨꞌij nyajapuáj huatányuunyij, ajta ɨ tɨ jitzán ɨꞌríj nyaj huatyényaꞌavaaj jútyeꞌ ɨmuáj.

SALMOS 18:46

¡Cheꞌ jusén jɨn séjreꞌej ɨ Tavástara! ¡Cheꞌ tyámuaꞌ eenyeꞌ ɨ tɨ nyechaꞌɨj! ¡Nyicheꞌ vaꞌcán jɨn tyámuaꞌ tyeetyátoonyij ɨ Dios tɨ nyaj japua huatányuusij!

SALMOS 27:5

Tɨꞌɨj aꞌájna atyojoꞌréꞌnyej ɨ xɨcáaraꞌ tɨ jitzán jeꞌej puaꞌaj tyiꞌéenyeꞌej jaꞌmej, aꞌɨ́ɨ pu ɨ Tavástaraꞌ nyechaꞌɨɨj jaꞌmej ɨ ju tyeyúuj tzajtaꞌ, nyáaj nu jityán jaꞌséeriaꞌaj naꞌmej. ¡Ajta tyiꞌtɨ́j jitze tɨ ájtyeej tyámuaꞌ tyiꞌnyechaꞌɨ́ɨj jaꞌmej!

SALMOS 40:2

nyajapuáj pu huatanyúj nyej nyij quee huámuɨꞌnyij aꞌájna joꞌtɨj jaꞌtyácun, capu tyuꞌtáꞌ nyej nyij atyájcataj joꞌtɨj jéehua joꞌjéxaj. Aꞌáa pu nyajaꞌráꞌɨɨcatyej joꞌtɨj tyámuaꞌ naa tyojoꞌtoonyij, tyámuaꞌ pu tyíꞌuurej jóꞌnyaj jooméj.

SALMOS 42:6

Jéehua pu quee núꞌcaꞌnyistiꞌ. Aꞌɨ́j nu jɨn huápuɨꞌɨj muéetzij jitze tyiꞌriáꞌmuaꞌsij tɨꞌɨj naꞌaj aꞌájna ɨ játyaꞌnaj jitze Jordán tɨ ántyapuaj, tɨꞌɨj naꞌaj aꞌájna a jɨríj tɨ joꞌquéetɨmee aꞌ tɨ aꞌyan tyajaꞌrájtyapuaj tɨjɨn Hermón ajta a Misar.

SALMOS 43:5

¿Jiꞌnye nyij tyiꞌtɨ́j jɨn tyíꞌnyaxaahuataj? ¿Jiꞌnye nyij tyiꞌtɨ́j jɨn jeꞌej tyéꞌnyamuaꞌastɨj naꞌmej? Nyáaj nu nyeríj ɨ Dios jitze tyíꞌcaꞌnyej, aꞌɨ́jcɨ ɨ nyej nyooj tyeꞌtyóotziꞌreꞌej naꞌmej. ¡Aꞌɨ́ɨ pu nyaj Dios puéꞌeen ajta ɨ tɨ nyaj japua huatányuusij!

SALMOS 55:5

Huápuɨꞌɨj nu tyíꞌtzɨɨnyeꞌ yunyatzájtaꞌ, nyetyényeviveesij aꞌɨ́jcɨ jɨmeꞌ nyaj tyíꞌtzɨɨnyeꞌ.

SALMOS 62:2

Aꞌɨ́ɨ puꞌuj naatyáhuɨɨreꞌej ajta tyámuaꞌ tyíꞌnyechaꞌɨj. Canu tyiꞌtɨ́j jɨn ootyáꞌɨtzeereꞌej, jiꞌnye aꞌɨ́ɨ pu aꞌɨ́ɨn puéꞌeen ɨ tɨ naatyáhuɨɨreꞌej.

SALMOS 62:6

Aꞌɨ́ɨ puꞌuj naatyáhuɨɨreꞌej ajta tyámuaꞌ tyíꞌnyechaꞌɨj. Canu tyiꞌtɨ́j jɨn ootyáꞌɨtzeereꞌej, jiꞌnye aꞌɨ́ɨ pu aꞌɨ́ɨn puéꞌeen ɨ tɨ nyahuɨɨreꞌ.

SALMOS 77:3

Aꞌɨ́j nu ootámuaꞌreerij ɨ Dios, nyajta jeꞌen nyeyiinyen, nyajta jeꞌen uhuányamuaꞌtzɨj, aj nu nyij tányij huatányaxaahuataj.

San Lucas 22:44

Ajta ɨ Jesús, jéehua pu tyíꞌmuaꞌajcaa, aꞌɨ́j pu jɨn jéetzeꞌ huatyéenyuj, jéehua pu cámuɨꞌyacaꞌaj ɨ tɨéexɨꞌmuarij, aꞌyaa pu huaséꞌrihuaꞌaj tɨꞌɨj xúureꞌej tɨ ajaꞌrátzunyaa a chóotaꞌ.