SALMOS 57:7 - El Nuevo Testamento y Salmos

⁷ Ɨ nyaj xɨéjnyuꞌcaa pu néijmiꞌi jɨn óocaꞌnyej, nyaj Dios, ɨ nyaxɨéjnyuꞌcaa pu tyámuaꞌ een tɨꞌij aꞌjimi tyuꞌtáchuiicaj.

SALMOS 57:7 ပူးပေါင်းရင်းမြစ်များ

SALMOS 112:7

Capu tyíꞌtzɨɨnyeꞌ tɨpuaꞌaj tyiꞌtɨ́j jeꞌej puaꞌaj tyíꞌnamuajreꞌej; xɨéjnyuꞌcariaꞌraꞌ pu tyámuaꞌ een, ajta ɨ Tavástaraꞌ jitze tyíꞌcaꞌnyej.

SALMOS 119:110

Aꞌɨ́ɨmaj ɨ maj jeꞌej puaꞌaj tyityetyúuchaꞌɨj mu jaxɨeꞌveꞌ maj naatyéeviꞌ, ajta nyáaj canu ajtayiꞌij aꞌɨ́jcɨ jitze ɨ nyúucarij muáaj paj jaatyájtoo.

SALMOS 140:6

Aꞌyaa nu nyeríj tyaatéꞌexaa ɨ Tavástaraꞌ tɨjɨn: “Muáaj paj nyaj Dios puéꞌeen, ¡náanamuajriꞌ, jeꞌej nyej nyáaj aꞌ jimi jéehua tyáꞌhuoo!

SALMOS 141:9

Pajta nyajapuáj huatányuunyij tyiꞌtɨ́j maj jɨn jaxɨeꞌveꞌ maj náacuanamuaj; pajta nyajapuáj huatányuunyij aꞌɨ́ɨjma jimi ɨ maj jeꞌej puaꞌaj tyityetyúuchaꞌɨj.

SALMOS 34:4

Tavástaraꞌ nu jimi jaatáhuoj tɨꞌij naatáhuɨɨreꞌen, aꞌɨ́ɨ puꞌij náanamuajriꞌ, ajta jeꞌen nyaj japua huatanyúj aꞌɨ́jcɨ jɨmeꞌ nyej nyáaj tyíꞌtzɨɨnyaꞌcaꞌaj,

SALMOS 35:7

Canu jeꞌej huaꞌuuriáacaj matɨꞌɨj aꞌɨ́ɨmaj avíitzij jɨn jaxɨeꞌvaꞌcaꞌaj maj naatyéeviꞌ; canu nyajta jeꞌej huaꞌuuriáacaj matɨꞌɨj aꞌɨ́ɨmaj jaꞌtyáacuj nyej nyij nyáaj aꞌáa jaꞌtyéjvetyij.

SALMOS 7:16

¡Aꞌɨ́jna ɨ tɨ jɨn jeꞌej puaꞌaj rɨcɨj ajta ɨ tɨ jɨn nyoꞌseꞌ aꞌɨ́ɨ pu jitzán tyiꞌráꞌeexaj!

Romanos 5:3

Ajta quee aꞌɨ́ɨ naꞌaj, sulu aꞌɨ́j tu tyajta jɨn tatyamuaꞌveꞌ ɨ tyaj jajpuéjtzij, jiꞌnye aꞌyaa tu tyáꞌmuaꞌreej tɨjɨn aꞌɨ́ɨ pu caꞌnyíjraꞌaj tatáꞌcaa tyej tyij tyoꞌtáviicueꞌ,

Efesios 5:20

Aꞌnáj tɨnaꞌaj xu tyéꞌtyojtziꞌreꞌej ɨ Dios ɨ tɨ néijmiꞌi tyúꞌtaahuacaꞌ tɨꞌɨj naꞌaj íiyan tɨ tyíꞌsejreꞌ, nyúucaritzeꞌ ɨ tavástaraꞌ Jesús tɨ ajta Cɨríistuꞌ puéꞌeen.