SALMOS 53:3 - El Nuevo Testamento y Salmos

³ Majta néijmiꞌi mu meríj yaa pujmuaꞌ huárupij, néijmiꞌi mu juxaꞌaj tyiꞌtɨ́j jɨn meríj jeꞌej puaꞌaj huarɨ́j. ¡Capu cheꞌ sɨ́ɨj séejreꞌ tɨ tyámuaꞌ tyiꞌtyúuchaꞌɨɨcaj! ¡Capu naꞌaj sɨ́ɨj maꞌ jáꞌsejreꞌ!

SALMOS 53:3 ပူးပေါင်းရင်းမြစ်များ

SALMOS 14:3

Ajta néijmiꞌi mu meríj aꞌɨ́j jitze ucájrupij ɨ juyéj tɨ jeꞌej puaꞌaj een, néijmiꞌi mu juxaꞌaj tyiꞌtɨ́j jɨn meríj jeꞌej puaꞌaj huarɨ́j. ¡Capu cheꞌ sɨ́ɨj séejreꞌ tɨ tyámuaꞌ tyiꞌtyúuchaꞌɨɨcaj! ¡Capu naꞌaj sɨ́ɨj maꞌ jáꞌsejreꞌ!

Romanos 3:12

Néijmiꞌi mu meríj jeꞌej puaꞌaj huarɨ́j, majta néijmiꞌi meríj huóoxanaꞌcɨrej. Capu maꞌ aꞌtɨ́j tɨ tyámuaꞌ tyiꞌtyúuchaꞌɨɨj. Capu naꞌaj sɨ́ɨj aꞌtɨ́j maꞌ jáꞌsejreꞌ.

2 Corintios 7:1

Aꞌyaa puꞌij, taꞌihuáamuaꞌ mu tyaj jáꞌmuaxɨeꞌveꞌ, aꞌíi pu aꞌɨ́ɨn puéꞌeen ɨ Dios tɨ jɨn tyaꞌtóoratziiriꞌ. Aꞌɨ́j pu jɨn tyicheꞌ tyámuaꞌ eenyeꞌ ɨ tatyévij jitze tyajta ɨ tajúuricamej jitze, aꞌyaa tu tzáahuatyiꞌraꞌaj tyiꞌijchaꞌɨ́ɨj ɨ Dios jimi tyetyíꞌtyeseꞌ tyej tyij jɨꞌréꞌnyeꞌej huatyáꞌɨtzeereꞌen.

1 Juan 2:29

Jiꞌnye muaꞌaj xu aꞌyan tyáꞌmuaꞌreej tɨ ɨ Cɨríistuꞌ jɨꞌréenyeꞌej séejreꞌ, ajta aꞌyan tyúuxɨeꞌveꞌ siaj jamuaꞌreej tɨjɨn aꞌɨ́ɨmaj ɨ maj xáꞌpuɨꞌ rɨcɨj, aꞌɨ́ɨ mu yójmuaꞌmuaꞌ puéꞌeen ɨ Dios.

3 Juan 1:11

Nyeꞌihuáaraꞌ mu nyaj muaxɨeꞌveꞌ, capáj tyiꞌtɨ́j jɨn jeꞌej puaꞌaj rɨjcaj, sulu pataꞌaj tyámuaꞌ tyiꞌtyíaꞌchaꞌɨj. Aꞌɨ́jna ɨ tɨ tyámuaꞌ tyiꞌtyúuchaꞌɨj Dios pu jitze ajtyámaꞌcan, ajta ɨ tɨ jeꞌej puaꞌaj rɨcɨj, capu jamuaꞌtyej ɨ Dios.

El Apocalipsis 22:11

Ajta aꞌɨ́jna ɨ tɨ jeꞌej puaꞌaj tyiꞌtyúuchaꞌɨj, cheꞌ ooj jeꞌej puaꞌaj tyiꞌtyúuchaꞌɨɨj, ajta ɨ tɨ xánaꞌviꞌreꞌ, cheꞌ ooj xánaꞌvisiꞌ séjreꞌej, ajta ɨ tɨ jɨꞌréenyeꞌej séejreꞌ ɨ Dios jimi, cheꞌ ooj tyámuaꞌ tyíꞌsejriaꞌaj.