SALMOS 5:12 - El Nuevo Testamento y Salmos

¹² jiꞌnye muáaj, Tavástaraꞌ, aꞌɨ́j paj tyámuaꞌ tyuꞌtyátoosij ɨ tɨ tyámuaꞌ tyiꞌtyúuchaꞌɨj; muáaj paj aꞌɨ́jna jɨn jacánasij ɨ paj jɨn jaxɨeꞌveꞌ.

SALMOS 5:12 ပူးပေါင်းရင်းမြစ်များ

SALMOS 112:1

¡Alelúuyaj! Cheꞌ huatóotyamuaꞌveꞌen ɨ tyévij tɨ tzáahuatyiꞌraꞌaj tyíchaꞌɨj ɨ Tavástaraꞌ jimi ajta aꞌɨ́j jitze jutyamuaꞌveꞌ jeꞌej tɨ aꞌɨ́ɨn tyuꞌtaꞌíjtacaꞌ.

SALMOS 115:13

tyámuaꞌ pu tyihuoꞌtyátoosij aꞌɨ́ɨjma ɨ maj tzáahuatyiꞌraꞌaj jimi tyíchaꞌɨj, aꞌɨ́ɨjma ɨ maj óotzaahuatyeꞌ ajta ɨ maj tyóoxaahuaj.

SALMOS 118:15

Aꞌájna joꞌmaj jaꞌchej ɨ tyeɨ́tyee maj tyámuaꞌ tyityetyúuchaꞌɨj aꞌáa mu jutyamuaꞌveꞌej metyiꞌchuíicaj aꞌɨ́jcɨ jɨmeꞌ maj tyuꞌtyáamueꞌtɨj. “¡Aꞌɨ́jna ɨ Tavástaraꞌ tɨ néijmiꞌi jɨn putyíꞌuurej aꞌɨ́ɨ pu néijmiꞌi tyuꞌtyáamueꞌtɨj!

SALMOS 119:132

Naaséj, pajta jeꞌen náꞌancuꞌvaxɨꞌ nyéetzij, aꞌyájna patɨꞌɨj rɨcɨj aꞌɨ́ɨjma jimi ɨ maj muaxɨeꞌveꞌ.

SALMOS 29:11

Tavástaraꞌ pu caꞌnyíjraꞌaj huoꞌtaꞌsij ɨ jutyéɨtyeristyamuaꞌ, Tavástaraꞌ pu tyámuaꞌ tyihuoꞌtyátoosij ajta tyámuaꞌ naa tyihuoꞌtyéjeevij ɨ maj jitzán ajtyámaꞌcan.

SALMOS 3:3

Pajta muáaj, nyavástaraꞌ, aꞌɨ́ɨ paj puéꞌeen ɨ tɨ nyacánasij tɨꞌij naatyáhuɨɨreꞌen, aꞌɨ́ɨ paj puéꞌeen ɨ nyaj jɨn naa huaséꞌrin, aꞌɨ́ɨ paj puéꞌeen ɨ caꞌnyíjraꞌaj tɨ nyatáꞌcaa.

SALMOS 3:8

Muáaj, Tavástaraꞌ, aꞌɨ́ɨ paj puéꞌeen ɨ tɨ tajapuá huatányuusij, ¡pataꞌaj tyámuaꞌ tyihuoꞌtyátoonyij, aꞌɨ́ɨjma ɨ maj aꞌáa joꞌcháatɨmee aꞌchájtaꞌnaj jitze!

SALMOS 32:10

Jéehua mu tyíꞌcucuiꞌ aꞌɨ́ɨmaj ɨ maj jeꞌej puaꞌaj tyityetyúuchaꞌɨj, ajta aꞌɨ́jna ɨ tɨ jɨn tyúꞌxɨeꞌveꞌ ɨ Tavástaraꞌ aꞌɨ́j pu jɨn néijmiꞌcaa eeriáꞌnasij aꞌɨ́ɨjma ɨ maj jitzán tyíꞌcaꞌnyej.

SALMOS 32:7

Muáaj paj aꞌɨ́ɨn puéꞌeen ɨ paj naatyáhuɨɨreꞌej: muáaj paj nyechaꞌɨj tɨꞌij quee tyiꞌtɨ́j jeꞌej nyoorej, muáaj paj aꞌɨ́jna jɨn nɨeꞌcánasij ɨ chuíicarij ɨ paj jɨn tyuꞌtyámueꞌtɨj.

SALMOS 68:4

Muaꞌaj xu ɨ Dios jimi tyuꞌtáchuiicaj, setyuꞌtáchuiicaj aꞌɨ́jcɨ jitze maꞌcan ɨ tɨ jɨn ántyapuaj; setyuꞌtatyójtziꞌreꞌ aꞌɨ́jcɨ ɨ tɨ aveꞌquéej aꞌáa jaꞌyiꞌvej ɨ jéetɨrij japua. ¡Xatóotyamuaꞌveꞌ ɨ Tavástaraꞌ jimi! ¡Xatóotyamuaꞌveꞌ joꞌtɨj aꞌɨ́ɨn jáꞌsejreꞌ!

SALMOS 84:11

Jiꞌnye aꞌɨ́jna ɨ Dios ɨ tɨ Tavástaraꞌ puéꞌeen aꞌɨ́ɨ pu tatatzaviꞌtyeꞌ ajta tyámuaꞌ tyíꞌtaꞌchaꞌɨj, Tavástaraꞌ pu huaꞌxɨeꞌveꞌ ajta huoꞌtyátzaahuatyeꞌsij aꞌɨ́ɨjma ɨ maj quee tyiꞌtɨ́j jɨn áꞌɨtzeereꞌ, ajta néijmiꞌi tyihuoꞌtáꞌsij ɨ tɨ tyámuaꞌ tyíꞌeen.