SALMOS 42:4 - El Nuevo Testamento y Salmos

⁴ Nyatɨꞌɨjta aꞌíjcɨ jitze tyiꞌriáꞌmuaꞌsimeꞌen, aj nu nyij tyiꞌtáꞌcaa tɨꞌij jéehua jeꞌej puaꞌaj nye jimi tyíꞌrɨjcaa. Nyaꞌtamuaꞌreꞌrii nyatɨꞌɨj huaꞌ jamuán ɨ tyeɨ́tyee ajoomaꞌcaj, nyáaj nu ahuojóoviꞌtɨsimaꞌaj joꞌtɨj joꞌtyéjvee ɨ tyeyúujraꞌ ɨ Dios tyejíihuaj aꞌɨ́jcɨ jɨmeꞌ tyaj tatyamuaꞌveꞌ tyajta tyiꞌmuatyóotziꞌreꞌej. ¡Vaꞌcán tu jɨn tyámuaꞌ naa tyíꞌyeꞌestyahuaꞌaj!

SALMOS 42:4 ပူးပေါင်းရင်းမြစ်များ

SALMOS 100:4

Musioꞌváꞌjuꞌ joꞌtɨj jaꞌpueertaj aꞌájna joꞌtɨj jaꞌrájtaꞌcuaj ɨ tyeyúujraꞌ tzajtaꞌ aꞌɨ́j setyiꞌchuíicaj ɨ siaj jɨn tyaatatyójtziꞌreꞌen. ¡Setyuꞌtatyójtziꞌreꞌ, siajta tyámuaꞌ tyeetyátoonyij ɨ tɨ jɨn ántyapuaj!

SALMOS 102:10

aꞌɨ́jcɨ jɨmeꞌ paj nyúꞌcamuɨꞌ ajta ɨ tɨ muajaaxɨejtyeꞌ, jiꞌnye muáaj paj naꞌajriáj pej pij majcaꞌhuáyee naꞌantyipuáꞌrityeꞌen.

SALMOS 115:2

¿Jiꞌnye mej mij aꞌyan tyíꞌihuoꞌ ɨ maj quee tyáꞌtzaahuatyeꞌ yee joꞌnyij jeꞌej jeꞌen ɨ jaꞌmua Dios?

SALMOS 122:1

¡Jéehua nu huatányetyamuaꞌveꞌsij matɨꞌɨjta aꞌyan tyinaatéꞌexaatyeꞌen tɨjɨn: “Cheꞌréj aꞌájna joꞌtɨj joꞌtyéjvee ɨ tyeyúujraꞌ ɨ Tavástaraꞌ”!

SALMOS 122:8

Ajta ijíij, aꞌɨ́ɨjma jitze maꞌcan ɨ nyeꞌihuáamuaꞌ majta ɨ maj nyamuaꞌtyej aꞌyaa nu tyuꞌtaxájtaj tɨjɨn: “Cheꞌ néijmiꞌi tyámuaꞌ tyíꞌeenyeꞌ muéetzij jimi.

SALMOS 55:14

ɨ tyaj néemiꞌij aꞌáa jáꞌtasɨꞌrihuaꞌaj ɨ tyeyúujraꞌ tzajtaꞌ ɨ Dios tyej tyij tyámuaꞌ naa tyiꞌhuátaꞌixaatyeꞌen, tyajta tu néemiꞌij cɨɨnyacaꞌaj huaꞌ tzajtaꞌ ɨ tyeɨ́tyee!

SALMOS 62:8

¡Nye chájtaꞌnaj siaj jitze ajtyámaꞌcan, aꞌnáj tɨnaꞌaj xu aꞌɨ́j jitze tyúꞌcaꞌnyej! ¡Siajta jimi huatyényuunyij tyámuaꞌ naa jitzán setyiꞌcaꞌnyéej! ¡Dios pu aꞌɨ́ɨn puéꞌeen ɨ tɨ taatyáhuɨɨreꞌej!

SALMOS 79:10

Capu juxɨeꞌveꞌ maj aꞌyan tyíꞌxajtaj ɨ maj quee tyáꞌtzaahuatyeꞌ yee: “¿Joꞌnyij jeꞌej jeꞌen ɨ huaꞌ Dios?” ¡Taatáꞌ tyej tyij jaaséj ɨ paj jɨn tyoꞌriáꞌrɨeeraj aꞌɨ́jcɨ jɨmeꞌ maj huoꞌcuij ɨ maj muéetzij muahuɨɨreꞌ! ¡Micheꞌ aꞌɨ́ɨmaj majta jáamuaꞌreej ɨ maj quee tyáꞌtzaahuatyeꞌ!

SALMOS 80:6

Aꞌyaa paj tyuꞌtáꞌ mej mij aꞌɨ́ɨmaj taatyáꞌaꞌtzej ɨ maj tajimí véjriꞌ antacháatɨmee, aꞌɨ́ɨmaj mu majta taꞌaꞌtzej ɨ maj tájchaꞌɨɨreꞌ.

San Lucas 16:25

Ajta aꞌɨ́jna ɨ Abraham, aꞌyaa pu tyuꞌtanyúj tɨjɨn: “Nyiyóoj, ¿nyij pequee jamuaꞌreej jeꞌej paj jéehua tyiꞌhuáꞌtyamuaꞌvej patɨꞌɨj pooj júuricaꞌaj ɨ cháanacaj japua? Ajta aꞌmújna mu Lázaro, jéehua pu jaapuéjtzitariacaꞌ. Ajta ijíij aꞌɨ́ɨ pu jutyamuaꞌveꞌ aꞌyájna, pajta muáaj, ijíij paj jajpuéetzij puáꞌmej.