SALMOS 40:5 - El Nuevo Testamento y Salmos

⁵ Nyavástaraꞌ ajta nyaj Dios, jéehua pu tyíꞌsejreꞌ ɨ tɨ naa tyuꞌséꞌrin muáaj paj tyúꞌtaahuacaꞌ ajta jeꞌej paj jéehua ityájma tyitáꞌcuꞌvej. ¡Capu tyiꞌtɨ́j séejreꞌ tɨ aꞌyan huaséꞌrihuaꞌan patɨꞌɨj muáaj! Nyáaxɨeꞌveꞌ nyaj huoꞌréꞌixaatyeꞌen, nyaj aꞌɨ́j tyuꞌtaxáj, ajta canu pújoorej nyej nyij néijmiꞌi tyuꞌtaxáj.

SALMOS 40:5 ပူးပေါင်းရင်းမြစ်များ

SALMOS 136:4

Aꞌɨ́jcɨ ɨ tɨ aꞌɨ́ɨ naꞌaj vaꞌcán jɨmeꞌ tyámuaꞌ tyíꞌuurej, jiꞌnye capu aꞌnáj antyipuaꞌrij ɨ tɨ jɨn taxɨeꞌveꞌ.

SALMOS 139:6

Capu nye jitze séejreꞌ ɨ nyaj jɨn néijmiꞌi tyuꞌyíꞌtɨhuaꞌan, ¡huápuɨꞌɨj pu nyetyesiꞌhuarityeꞌ nyej nyij yoꞌitéej náꞌraꞌnyij!

SALMOS 71:15

aꞌnáj tɨnaꞌaj nu muéetzij muaxáataj naꞌmej ɨ nye tyenyij jɨmeꞌ paj muáaj tajapuá huatanyúj pajta néijmiꞌi jɨn tyámuaꞌ tyitoꞌxáꞌpuɨꞌɨntariꞌtzej. ¡Aꞌíi pu aꞌɨ́ɨ puéꞌeen ɨ tɨ quee nyaɨꞌriityeꞌ nyej nyij yoꞌitéej náꞌraꞌnyij!

SALMOS 73:28

Ajta nyáaj nu ajtyáxɨɨrij ɨ Dios jimi, jiꞌnye aꞌɨ́ɨ pu nye jimi jéetzeꞌ tyámuaꞌ een. Muáaj, Tavástaraꞌ nyaj Dios, aꞌɨ́ɨ paj puéꞌeen ɨ tɨ naatyáhuɨɨreꞌej, nyáaj nu nyij néijmiꞌi huataxájta tyiꞌtɨ́j paj jeꞌej huáruuj.

SALMOS 92:5

Muáaj paj Tavástaraꞌ puéꞌeen, ¡vaꞌcán paj jɨn tyíꞌmuarɨeꞌ!, ¡pajta huápuɨꞌɨj jaayíꞌtɨn jeꞌej paj yeꞌej tyámuaꞌ tyúꞌmuaꞌtyij!