SALMOS 40:2 - El Nuevo Testamento y Salmos

² nyajapuáj pu huatanyúj nyej nyij quee huámuɨꞌnyij aꞌájna joꞌtɨj jaꞌtyácun, capu tyuꞌtáꞌ nyej nyij atyájcataj joꞌtɨj jéehua joꞌjéxaj. Aꞌáa pu nyajaꞌráꞌɨɨcatyej joꞌtɨj tyámuaꞌ naa tyojoꞌtoonyij, tyámuaꞌ pu tyíꞌuurej jóꞌnyaj jooméj.

SALMOS 40:2 ပူးပေါင်းရင်းမြစ်များ

SALMOS 116:3

Aꞌɨ́ɨ pu naatyáajɨꞌquej ɨ tɨ tyeꞌentyípuaapuaꞌrityee, nyajta tɨn aꞌáa joꞌtyáꞌɨtzee joꞌmaj tyityajáꞌavaꞌtacaa nyatɨꞌɨj quee jeꞌej jájtyooveꞌej aꞌɨ́ɨ pu ajta naatyáajɨꞌquej ɨ nyaj jɨn tyuꞌtátzɨɨn ajta ɨ tɨ nyetyácuiꞌnyisimeꞌej.

SALMOS 119:133

Naatáꞌ nyej nyij aꞌyan tyuꞌméꞌen tɨꞌɨj tyiꞌhuóoxɨeꞌveꞌ aꞌnyúucaa jitze; capáj tyiꞌtáꞌcareꞌen tɨꞌij aꞌɨ́ɨn tyíꞌnyeꞌijtyeꞌej ɨ tɨ jeꞌej puaꞌaj een.

SALMOS 143:3

Aꞌɨ́ɨmaj mu nyamuarityeꞌ ɨ maj nyéjchaꞌɨɨreꞌ, majta chóotaꞌ meríj naatzíinajraa, caꞌnyéjrij mu jɨn nyeꞌijtyeꞌ nyej nyij aꞌáa jaꞌchajca joꞌtɨj joꞌtɨ́caꞌ, aꞌyájna matɨꞌɨj ɨ maj meríj áꞌtyeej maj huácuij.

SALMOS 17:5

Tyámuaꞌ nu naa tyuꞌméj aꞌ juyéj jitze, canu aꞌnáj ajtáraa aꞌɨ́jcɨ jitze aꞌnyúucaa ɨ paj jɨn tyuꞌtaꞌíjtacaꞌ.

SALMOS 18:36

Tyámuaꞌ paj tyúꞌruuj ɨ nyajuyéj jitze tɨꞌij quee tyiꞌtɨ́j nyetyesiꞌhuarityeꞌ, canu nyij tyiꞌtɨ́j jitze éejcataj ɨ nyaꞌ ɨ́ɨcaj jɨmeꞌ.

SALMOS 18:7

Aj puꞌij huápuɨꞌɨj caꞌnyíin jɨn huatóocaꞌtzɨj ɨ chuéj, aꞌɨ́ɨ pu néijmiꞌqueꞌ tyuꞌtóocaꞌtzɨj ɨ jɨríj, aꞌɨ́j pu jɨn tyuꞌtáhuaaxɨj ɨ Tavástaraꞌ tɨ nyúꞌcamuɨꞌ,

SALMOS 27:5

Tɨꞌɨj aꞌájna atyojoꞌréꞌnyej ɨ xɨcáaraꞌ tɨ jitzán jeꞌej puaꞌaj tyiꞌéenyeꞌej jaꞌmej, aꞌɨ́ɨ pu ɨ Tavástaraꞌ nyechaꞌɨɨj jaꞌmej ɨ ju tyeyúuj tzajtaꞌ, nyáaj nu jityán jaꞌséeriaꞌaj naꞌmej. ¡Ajta tyiꞌtɨ́j jitze tɨ ájtyeej tyámuaꞌ tyiꞌnyechaꞌɨ́ɨj jaꞌmej!

SALMOS 37:23

Tavástaraꞌ pu tyámuaꞌ naa tyéeviꞌtɨj aꞌɨ́jcɨ ɨ tyáataj ajta aꞌɨ́j jitze jáaviꞌtɨj ɨ juyéj aꞌɨ́j tɨ aráanajchi,

SALMOS 61:2

Muéetzij jimi nu huatyéenyuj aꞌájna ɨmuáj joꞌtɨj ɨ chuéj jóoꞌasej, jiꞌnye ɨ nyaxɨéjnyuꞌcaa pu quee cheꞌ jucaꞌnyej. Aꞌáa paj tyámuaꞌ tyinyojóꞌchaꞌɨɨn joꞌpaj muáaj jáꞌsejreꞌ,

SALMOS 69:2

nuꞌríj ajoꞌcárutyij aꞌájna joꞌtɨj vaꞌtɨ́j jaꞌajréxaj ajta quee jeꞌej tyíɨꞌrij jóꞌnyaj jaꞌrányacaꞌnyej. Aꞌáa nuꞌríj jaꞌráꞌaj joꞌtɨj jéetzeꞌ jaꞌtyáatɨꞌ ajta arí tɨn nɨeꞌtarɨésij ɨ tɨ caꞌnyíin jɨn muɨꞌyej.

SALMOS 71:20

Tyij pajta períj naatáꞌ nyej nyij jaaséj ɨ tɨ jéehua jeꞌej puaꞌaj tyíꞌrɨcɨj ajta jéehua ɨ xaamújriraꞌaj, pajtáhuaꞌaj paj naatáꞌsij nyej nyij júurij náꞌraꞌnyij, pajtáhuaꞌaj paj naꞌajriásij tyétyeꞌ ɨmuáj ɨ chuéj tzajtaꞌ,

SALMOS 86:13

¡Vaꞌtɨ́j pu nye jitze séejreꞌ ɨ paj jɨn nyaxɨeꞌveꞌ! ¡Nyaj japua paj huatanyúj nyej nyij quee aꞌáa joꞌtyáꞌɨtzeereꞌen joꞌmaj tyityajáꞌavaꞌtacaa!

San Mateo 13:50

aj mu mij aꞌáa huojoꞌcáhuaꞌxɨj ɨ oornaj tzajtaꞌ aꞌɨ́ɨjma ɨ maj jeꞌej puaꞌaj rɨcɨj. Aj mu mij juyiinyixɨꞌɨn, majta jéehua jajpuéetzij muáꞌjuꞌun.

Hechos 2:24

Ajta ɨ Dios pu jaatájuurityej, aꞌɨ́ɨ pu ajta japuan huatanyúj ɨ tɨ jɨn jajpuéjtzicaꞌaj aꞌɨ́jna ɨ Jesús, aꞌyaa pu huarɨ́j, jiꞌnye capu huatáɨꞌriitariacaꞌ tɨ aꞌáa jaꞌséeriaꞌaj jáꞌraꞌnyij muɨꞌchítyee tzajtaꞌ.