SALMOS 32:7 - El Nuevo Testamento y Salmos

⁷ Muáaj paj aꞌɨ́ɨn puéꞌeen ɨ paj naatyáhuɨɨreꞌej: muáaj paj nyechaꞌɨj tɨꞌij quee tyiꞌtɨ́j jeꞌej nyoorej, muáaj paj aꞌɨ́jna jɨn nɨeꞌcánasij ɨ chuíicarij ɨ paj jɨn tyuꞌtyámueꞌtɨj.

SALMOS 32:7 ပူးပေါင်းရင်းမြစ်များ

SALMOS 91:1

Aꞌɨ́jna ɨ tɨ jitzán séejreꞌ ɨ tɨ tyámuaꞌ tyéꞌchaꞌɨj aꞌɨ́j tɨ jimi jáꞌmaꞌcan ɨ jútyeꞌ ɨmuáj tɨ jáꞌsejreꞌ ɨ tɨ néijmiꞌi putyíꞌuurej ajta néijmiꞌi jɨn antyúumuaꞌreej,

SALMOS 119:114

Muáaj paj aꞌɨ́ɨn puéꞌeen ɨ tɨ nyajapuáj huatányuusij pajta nyechaꞌɨj; aꞌɨ́j nu jitze tyiꞌijchóꞌveꞌ ɨ nyúucarij muáaj paj jaatyájtoo.

SALMOS 27:5

Tɨꞌɨj aꞌájna atyojoꞌréꞌnyej ɨ xɨcáaraꞌ tɨ jitzán jeꞌej puaꞌaj tyiꞌéenyeꞌej jaꞌmej, aꞌɨ́ɨ pu ɨ Tavástaraꞌ nyechaꞌɨɨj jaꞌmej ɨ ju tyeyúuj tzajtaꞌ, nyáaj nu jityán jaꞌséeriaꞌaj naꞌmej. ¡Ajta tyiꞌtɨ́j jitze tɨ ájtyeej tyámuaꞌ tyiꞌnyechaꞌɨ́ɨj jaꞌmej!

SALMOS 9:9

Tavástaraꞌ pu tyámuaꞌ naa tyihuáꞌchaꞌɨj aꞌɨ́ɨjma ɨ maj quee cheꞌ jeꞌej jájtyoovej; aꞌɨ́ɨ pu tyámuaꞌ tyihuáꞌchaꞌɨj matɨꞌɨjta jeꞌej tyityóomuajtyaj.

SALMOS 31:20

Huaꞌ jamuán paj séeriaꞌaj puáꞌmej pajta tyámuaꞌ tyihuoꞌtyéchaꞌɨɨsij pajta quee tyuꞌtáꞌsij tɨꞌij aꞌyan tyáꞌraꞌnyij jeꞌej maj aꞌɨ́ɨmaj tyáꞌxɨeꞌveꞌ ɨ tyétyacaa ɨ maj jeꞌej puaꞌaj tyityetyúuchaꞌɨj; muáaj paj huaꞌchaꞌɨ́ɨj puáꞌmej aꞌájna joꞌpaj muáaj jáꞌsejreꞌ mej mij quee jeꞌej puaꞌaj tyihuáꞌjeevej aꞌɨ́ɨmaj ɨ maj huaꞌajchaꞌɨɨreꞌ.

SALMOS 143:9

Nyajapuáj paj huatányuunyij, Tavástaraꞌ, aꞌɨ́ɨjma jimi ɨ maj nyéjchaꞌɨɨreꞌ, jiꞌnye muéetzij jimi nu jahuoo paj naatyáhuɨɨreꞌen.

SALMOS 98:1

¡Siataꞌaj jájcuacan tyuꞌtáchuiicaj ɨ Tavástaraꞌ jimi, jiꞌnye tyámuaꞌ pu vaꞌcán jɨn tyúꞌruuj tajimí ɨ tyaj jɨn jeꞌej tyoꞌtaséj! ¡Puꞌríj jatáaꞌsacaꞌ ɨ tɨ jɨn tyuꞌtyámueꞌtɨn aꞌɨ́jcɨ jɨmeꞌ ɨ tɨ néijmiꞌi jɨn putyíꞌuurej, ajta ɨ jumuácaꞌ jɨmeꞌ tɨ tyámuaꞌ een!

SALMOS 40:3

Aꞌɨ́ɨ pu naatáꞌ nyej nyij jájcuacan tyuꞌtáchuiicaj, aꞌɨ́jcɨ ɨ chuíicarij ɨ nyaj jɨn tyámuaꞌ tyaatáꞌan ɨ Dios. Mamueꞌtɨ́j mu, matɨꞌɨj aꞌíj huaséj, aj mu mij tyuꞌtyátzaahuatyej matɨꞌɨj mij aꞌɨ́j jitze tyuꞌtyáacaꞌan ɨ Tavástaraꞌ.

El Apocalipsis 7:10

Néijmiꞌi mu caꞌnyíin jɨn aꞌyan tyíꞌtyejijhuacaꞌaj tɨjɨn: Aꞌɨ́jna ɨ tɨ jɨn tajapuá huanyú, aꞌɨ́j pu jimi jáꞌmaꞌcan ɨ taj Dios ɨ tɨ acájca ɨ ɨpuárij jitze, ajta aꞌɨ́jna jimi ɨ cányaꞌaj.

SALMOS 32:10

Jéehua mu tyíꞌcucuiꞌ aꞌɨ́ɨmaj ɨ maj jeꞌej puaꞌaj tyityetyúuchaꞌɨj, ajta aꞌɨ́jna ɨ tɨ jɨn tyúꞌxɨeꞌveꞌ ɨ Tavástaraꞌ aꞌɨ́j pu jɨn néijmiꞌcaa eeriáꞌnasij aꞌɨ́ɨjma ɨ maj jitzán tyíꞌcaꞌnyej.

Colosenses 3:3

Jiꞌnye muaꞌaj xuꞌríj huácuij ɨ Cɨríistuꞌ jamuán, ajta ɨ Dios pu jamuaatáꞌsij siaj sij ɨ Cɨríistuꞌ jamuán jaꞌséeriaꞌaj xáꞌraꞌnyij.

SALMOS 5:12

jiꞌnye muáaj, Tavástaraꞌ, aꞌɨ́j paj tyámuaꞌ tyuꞌtyátoosij ɨ tɨ tyámuaꞌ tyiꞌtyúuchaꞌɨj; muáaj paj aꞌɨ́jna jɨn jacánasij ɨ paj jɨn jaxɨeꞌveꞌ.

SALMOS 18:5

Aꞌɨ́jna ɨ tɨ tyeꞌentyípuaapuaꞌrityee pu nyojoꞌrɨej, ¡aꞌɨ́ɨ pu naatyáajɨꞌquej tɨꞌij naajéꞌcaj!