SALMOS 3:8 - El Nuevo Testamento y Salmos

⁸ Muáaj, Tavástaraꞌ, aꞌɨ́ɨ paj puéꞌeen ɨ tɨ tajapuá huatányuusij, ¡pataꞌaj tyámuaꞌ tyihuoꞌtyátoonyij, aꞌɨ́ɨjma ɨ maj aꞌáa joꞌcháatɨmee aꞌchájtaꞌnaj jitze!

SALMOS 3:8 ပူးပေါင်းရင်းမြစ်များ

SALMOS 119:94

¡Nyajapuáj paj huatányuunyij, jiꞌnye aꞌ jitze nu ajtyámaꞌcan nyajta aꞌyan tyuꞌméj patɨꞌɨj muáaj tyuꞌtaꞌíjtacaꞌ!

SALMOS 29:11

Tavástaraꞌ pu caꞌnyíjraꞌaj huoꞌtaꞌsij ɨ jutyéɨtyeristyamuaꞌ, Tavástaraꞌ pu tyámuaꞌ tyihuoꞌtyátoosij ajta tyámuaꞌ naa tyihuoꞌtyéjeevij ɨ maj jitzán ajtyámaꞌcan.

SALMOS 31:16

Pataꞌaj jaataxɨéꞌveꞌen aꞌíjna ɨ tɨ muéetzij muahuɨɨreꞌ, pajta nyaj japua huatányuunyij, aꞌɨ́jcɨ jɨmeꞌ ɨ paj nyaxɨeꞌveꞌ.

SALMOS 58:7

Micheꞌ aꞌhuóopuaꞌrixɨꞌɨn, tɨꞌɨj ɨ jájtyij tɨ tyixɨ́reꞌen, micheꞌ huariaꞌhuaj, aꞌyájna tɨꞌɨj ɨ tuꞌpíj juyéj jitze tɨ tyuꞌuj,

SALMOS 72:17

¡Cheꞌ jusén jɨmeꞌ séjreꞌej jeꞌej tɨ ántyapuaj aꞌɨ́jna ɨ rey, ajta jeꞌen aꞌyan áꞌtyeeviꞌin tɨꞌɨj ɨ xɨcáj áꞌtyeeren! ¡Micheꞌ néijmiꞌi ɨ maj aꞌyan huacháatɨmee ɨ cháanacaj japua aꞌɨ́j jitze maꞌcan tyaꞌancuriáan ɨ maj jɨn tyámuaꞌ tyityeetyátuiihuaj! ¡Majta jeꞌen néijmiꞌi ɨ maj séej chuéj japua joꞌcháatɨmee jimi huatóotyamuaꞌveꞌen!

SALMOS 9:20

Aꞌyaa paj huóꞌuurej mej mij tyuꞌtátzɨɨnyeꞌen, Tavástaraꞌ, ¡huoꞌtaꞌ mej mij uhuóomuaꞌtzɨj maj tyétyecaa manaꞌaj puéꞌeen!

Hechos 3:26

Tɨꞌɨj ɨ Dios jaatájuurij aꞌɨ́jcɨ ɨ Jesús, aꞌɨ́ɨ pu anaquéej uyoꞌtaꞌítyacaꞌ jaꞌmua jimi, tɨꞌij aꞌɨ́ɨn tyámuaꞌ tyajamuaatáꞌan, siaj sij néijmiꞌi jaatapuáꞌcɨtaj ɨ tɨ jeꞌej puaꞌaj een.

Hechos 4:12

Capu máaj aꞌtɨ́j séejreꞌ tɨꞌij táahuɨɨreꞌen, jiꞌnye néijmiꞌqueꞌ ɨ cháanacaj japua capu máaj séej ujeꞌcáꞌityacaꞌ ɨ Dios, tyej tyij jitzán huatyátahuɨɨreꞌen.

Efesios 1:3

Tyicheꞌ tyaatatyójtziꞌreꞌen ɨ Dios ɨ tɨ yoꞌpuáaraꞌan puéꞌeen ɨ tavástaraꞌ ɨ Jesús tɨ ajta Cɨríistuꞌ puéꞌeen, jiꞌnye aꞌɨ́j pu jitze ɨ Cɨríistuꞌ tyitaatapuéjvej néijmiꞌi ɨ tajapuá tɨ tyejéꞌsejreꞌ.

Hebreos 6:14

aꞌyaa pu tyaatéꞌexaa tɨjɨn: “Nyáaj nu jéehua muaatyáhuɨɨreꞌej, nyajta huoꞌtámuiꞌrej aꞌɨ́ɨjma ɨ maj muéetzij jitze eeramaꞌcáantaj muáꞌjuꞌun.”

1 Pedro 3:9

Caxu jeꞌej puaꞌaj jaꞌuurej tɨpuaꞌaj aꞌtɨ́j jeꞌej puaꞌaj jáꞌmuaꞌuurej, caxu siajta aꞌtɨ́j jeꞌej puaꞌaj tyíꞌxajtaj tɨpuaꞌaj aꞌɨ́ɨn jeꞌej puaꞌaj tyajaꞌmuaxajtaj. Sulu siataꞌaj tyámuaꞌ tyihuoꞌtyéjeevej, jiꞌnye aꞌɨ́j pu jɨn ɨ Dios jamuaatajé siaj sij jéehua jimi tyaꞌancuriáan.

El Apocalipsis 19:1

Aj nu nyij tányij huóꞌnamuajriꞌ ɨ maj tajapuá caꞌnyíin jɨn muiꞌtɨ́j tyajáꞌxajtacaꞌaj, aꞌyaa mu tɨjɨn: ¡Alelúuyaj! Tyicheꞌ tyaatatyójtziꞌreꞌen ɨ Dios, jiꞌnye aꞌɨ́ɨ pu tajapuá huatanyúj, aꞌɨ́j pu ajta jimi jáꞌmaꞌcan ɨ tɨ naa huaséꞌrin, ajta ɨ tɨ jɨn néijmiꞌi putyíꞌuurej,

El Apocalipsis 7:10

Néijmiꞌi mu caꞌnyíin jɨn aꞌyan tyíꞌtyejijhuacaꞌaj tɨjɨn: Aꞌɨ́jna ɨ tɨ jɨn tajapuá huanyú, aꞌɨ́j pu jimi jáꞌmaꞌcan ɨ taj Dios ɨ tɨ acájca ɨ ɨpuárij jitze, ajta aꞌɨ́jna jimi ɨ cányaꞌaj.