SALMOS 18:2 - El Nuevo Testamento y Salmos

² Muáaj paj naatyáhuɨɨreꞌej, aꞌɨ́ɨ paj puéꞌeen ɨ tɨ nɨeꞌcánasij, ɨ tɨ nyajapuáj huatányuusij, nyaj Dios, ɨ tyetyéj tɨ nyéetzij naatyánasij, ɨ nyaj jɨn huatyényanaj, ɨ tɨ néijmiꞌi putyíꞌuurej tɨꞌij nyajapuáj huatányuunyij, ajta ɨ tɨ jitzán ɨꞌríj nyaj huatyényaꞌavaaj jútyeꞌ ɨmuáj.

SALMOS 18:2 ပူးပေါင်းရင်းမြစ်များ

SALMOS 116:1

Nyáaxɨeꞌveꞌ ɨ Tavástaraꞌ jiꞌnye aꞌɨ́ɨ pu náanamuajriꞌ nyatɨꞌɨj jimi huatyéenyuj,

SALMOS 132:17

Aꞌáa nu nyij tyuꞌtáꞌsij tɨꞌij huataséjreꞌen ɨ David tɨ jɨn antyúumuaꞌreej. Nuꞌríj ɨ tatzárij tyámuaꞌ huáruuj aꞌɨ́j nu nyij jimi jaatyátoosij ɨ rey nyaj nyeríj jaꞌantyíhuoj.

SALMOS 144:2

aꞌɨ́ɨ pu nyaꞌ amíincuj puéꞌeen tɨ quee tyiꞌtɨ́j jɨn áꞌɨtzeereꞌ, aꞌɨ́j nu jimi tyámuaꞌ tyíꞌchaꞌɨɨriꞌhuaj; ɨ tɨ jéetzeꞌ jútyeꞌ ɨmuáj jáꞌsejreꞌ nyej nyij jitzán huatyényaꞌavaaj, ɨ tɨ nyajapuáj huatányuusij, aꞌɨ́ɨ pu aꞌɨ́ɨn puéꞌeen ɨ tɨ nyacánasij, aꞌɨ́j nu nyij jɨn huatyényanasij; aꞌɨ́ɨ pu tyuꞌtáꞌsij nyej nyij tyihuoꞌtaꞌíjtyeꞌen aꞌ chájtaꞌ maj joꞌcháatɨmee.

SALMOS 19:14

Cheꞌ tyámuaꞌ eenyeꞌ muéetzij jimi ɨ nyenyúucaa ajta jeꞌej nyaj tyíꞌmuaꞌtzej, Nyavástaraꞌ, muáaj paj nyahuɨɨreꞌ pajta nyajapuáj huatányuusij.

SALMOS 28:1

Tavástaraꞌ, muáaj paj tyámuaꞌ tyíꞌnyechaꞌɨj, muéetzij nu jimi huatyényuusij. Pataꞌaj naatájeevej nyatɨꞌɨj muéetzij jimi huatyényuunyij. Jiꞌnye tɨpuaꞌaj pequee náanamuaj, puꞌríj nyej nyij aꞌɨ́ɨjma jimi huatyényeꞌiteen ɨ muɨꞌchítyee.

SALMOS 59:11

Capáj huaꞌcuꞌvej aꞌɨ́ɨjma, mataꞌaj mij aꞌɨ́ɨmaj aꞌnáj tɨnaꞌaj jamuaꞌreeriaj ɨ maj nye chájtaꞌnaj puéꞌeen; huoꞌtamuárityeꞌ aꞌɨ́jcɨ jɨmeꞌ ɨ paj néijmiꞌi jɨn putyíꞌuurej, pajta huoꞌtyáxaahuataj. ¡Tavástaraꞌ pu aꞌɨ́ɨn puéꞌeen ɨ tɨ tyámuaꞌ naa tyíꞌtachaꞌɨj!

SALMOS 62:2

Aꞌɨ́ɨ puꞌuj naatyáhuɨɨreꞌej ajta tyámuaꞌ tyíꞌnyechaꞌɨj. Canu tyiꞌtɨ́j jɨn ootyáꞌɨtzeereꞌej, jiꞌnye aꞌɨ́ɨ pu aꞌɨ́ɨn puéꞌeen ɨ tɨ naatyáhuɨɨreꞌej.

SALMOS 62:7

Dios pu jimi jáꞌmaꞌcan ɨ tɨ nyahuɨɨreꞌ ajta ɨ nyaj jɨn nyáaj tyámuaꞌ een; aꞌɨ́ɨ pu aꞌɨ́ɨn puéꞌeen ɨ tɨ tyámuaꞌ tyíꞌnyechaꞌɨj ajta ɨ tɨ naatyáhuɨɨreꞌej.

SALMOS 75:10

jiꞌnye aꞌɨ́ɨ pu jaꞌantyipuáꞌrityeꞌsij ɨ maj jɨn óotzaahuatyeꞌ aꞌɨ́ɨmaj ɨ maj jeꞌej puaꞌaj rɨcɨj; ajta jéetzeꞌ pu tyámuaꞌ tyeetyátoosij aꞌɨ́jcɨ ɨ tyáataj tɨ tyámuaꞌ tyíꞌtyevij.

SALMOS 91:2

aꞌyaa pu tyéꞌixaatyeꞌ ɨ Tavástaraꞌ tɨjɨn: “Muáaj paj nyechaꞌɨj, ɨ nyaj jitzán nyacaꞌnyej, nyaj Dios, ɨ nyaj jitzán tyíꞌcaꞌnyej.”

SALMOS 91:4

jiꞌnye aꞌɨ́ɨ pu tyámuaꞌ naa tyimueꞌcánasij, jityán pej pij tyámuaꞌ tyíꞌchaꞌɨɨriꞌhuaj puáꞌmej. ¡Aꞌɨ́j pu jɨn muacánasij ɨ tɨ jɨn tyámuaꞌ een!

Hebreos 2:13

Aꞌyaa pu ajta tyíꞌxaj tɨjɨn: Aꞌɨ́j nu jitze tyiꞌijchóꞌveꞌej naꞌmej. Ajtáhuaꞌaj aꞌyan tɨjɨn: Yáꞌnyaj huatyéjve, huaꞌ jamuán ɨ yójmuaꞌtyee ɨ Dios tɨ naatáviꞌtɨstej.