SALMOS 17:8 - El Nuevo Testamento y Salmos

⁸ Aꞌyaa paj tyináachaꞌɨɨn tɨꞌɨj aꞌyóoj paj huápuɨꞌɨj jaxɨeꞌveꞌ, micheꞌ aꞌɨ́ɨmaj tyámuaꞌ tyináachaꞌɨɨn ɨ maj aꞌ jimi tyíꞌhuɨɨreꞌ

SALMOS 17:8 ပူးပေါင်းရင်းမြစ်များ

SALMOS 16:1

¡Nyéetzij náachaꞌɨj, Dios, jiꞌnye muéetzij nu jimi jahuoo pej pij naatyáhuɨɨreꞌen!

SALMOS 36:7

¡Dios, huápuɨꞌɨj pu naa huaséꞌrin ɨ paj jɨn taxɨeꞌveꞌ! Muéetzij mu jimi jahuoo, aꞌɨ́ɨmaj ɨ tyeɨ́tyee mej mij huatyóohuɨɨreꞌen.

SALMOS 36:8

Tyámuaꞌ mu naa tyityaatajúꞌxaj aꞌɨ́jcɨ jɨmeꞌ ɨ tɨ jéehua ɨ cueꞌráj tyíꞌsejreꞌ aꞌájna joꞌpaj jaꞌchej, muáaj paj huaꞌtáꞌcaa mej mij huayeꞌen aꞌɨ́jcɨ jitze ɨ játyaꞌnaj tɨ naa éenyeꞌej muɨꞌyej,

SALMOS 57:1

Náꞌancuꞌvaxɨꞌ nyéetzij, nyaj Dios, náꞌancuꞌvaxɨꞌ nyéetzij, jiꞌnye muéetzij jimi nu jahuoo pej pij naatyáhuɨɨreꞌen. Aꞌyaa nu tyáꞌxɨeꞌveꞌ nyaj aꞌ anáj jityej huatyényaꞌavaaj, ꞌasta naꞌaj quee néijmiꞌi mutyojoꞌmeꞌen.

SALMOS 57:2

Aꞌɨ́j nu jimi huatyényuusij ɨ Dios jútyeꞌ ɨmuáj tɨ jáꞌsejreꞌ, aꞌɨ́jcɨ jimi ɨ Dios ɨ tɨ néijmiꞌi jɨn nyahuɨɨreꞌ.

SALMOS 61:4

Nyáaxɨeꞌveꞌ nyaj jusén jɨn aꞌáa joꞌquéej náꞌraꞌnyij joꞌpaj muáaj jaꞌchej, tyámuaꞌ nyetyiꞌchaꞌɨɨriꞌhuaj aꞌ anáj jityej muéetzij.

SALMOS 61:5

Muáaj, nyaj Dios, papuꞌríj jáanamuajriꞌ jeꞌej nyaj tyaꞌtányaratziiriꞌ, pajta naatáꞌ aꞌɨ́jna ɨ tɨ nyéetzij nyacɨꞌpuaj ɨ paj tyámuaꞌ jáaruuj aꞌɨ́ɨjma jimi ɨ maj muéetzij muaꞌtzaahuatyeꞌ.

SALMOS 63:7

jiꞌnye muáaj paj aꞌɨ́ɨn puéꞌeen ɨ tɨ nyahuɨɨreꞌ. ¡Aꞌ anáj jityej nu nyetyamuaꞌveꞌ!

SALMOS 91:1

Aꞌɨ́jna ɨ tɨ jitzán séejreꞌ ɨ tɨ tyámuaꞌ tyéꞌchaꞌɨj aꞌɨ́j tɨ jimi jáꞌmaꞌcan ɨ jútyeꞌ ɨmuáj tɨ jáꞌsejreꞌ ɨ tɨ néijmiꞌi putyíꞌuurej ajta néijmiꞌi jɨn antyúumuaꞌreej,

SALMOS 91:4

jiꞌnye aꞌɨ́ɨ pu tyámuaꞌ naa tyimueꞌcánasij, jityán pej pij tyámuaꞌ tyíꞌchaꞌɨɨriꞌhuaj puáꞌmej. ¡Aꞌɨ́j pu jɨn muacánasij ɨ tɨ jɨn tyámuaꞌ een!

San Mateo 23:37

’Jerusalén, Jerusalén siaj huacháatɨmee, muaꞌaj xu huáꞌcuiꞌcaa aꞌɨ́ɨjma ɨ maj Dios jitze maꞌcan tyíꞌxaj, siajta huoꞌtyátoꞌsixɨj aꞌɨ́ɨjma ɨ Dios tɨ jaꞌmua jimi huoꞌtaꞌítyacaꞌ mej mij tyajamuáamuaꞌtyej. Mueꞌtɨ́j nu aꞌyan tyáꞌxɨeꞌvaꞌcaꞌaj nyaj tyámuaꞌ tyajamuáachaꞌɨɨn, nyej nyij jaꞌmua japua huatányuunyij, aꞌyájna tɨꞌɨj ɨ tyacuáarɨeꞌ tɨ huaꞌantyásɨɨrej ɨ xɨ́ɨpiriꞌij tɨꞌij huaꞌváꞌnaj ɨ juꞌ anáj jɨmeꞌ, siajta muaꞌaj, caxu aꞌyan tyaataxɨeꞌvej.

San Lucas 13:34

’Muaꞌaj mu siaj Jerusalén jaꞌchej, mu siaj Jerusalén jáꞌmaꞌcan, muaꞌaj xu huáꞌcuiꞌcaa aꞌɨ́ɨjma ɨ maj Dios jitze maꞌcan tyíꞌxaxaꞌaj, siajta huaꞌtoꞌxacaa tyetyéj jɨmeꞌ aꞌɨ́ɨjma ɨ Dios tɨ uhuojoꞌtaꞌítyacaꞌ jaꞌmua jimi. Mueꞌtɨ́j nu aꞌyan tyáꞌxɨeꞌvaꞌcaꞌaj nyaj huáꞌajsɨɨreꞌen ɨ jáꞌmuayojmuaꞌ nyej nyij huóꞌchaꞌɨɨn aꞌyájna tɨꞌɨj tyacuáarɨeꞌ tɨ huáꞌchaꞌɨj ɨ juyójmuaꞌ, tɨ hueꞌcánaamuaj ɨ juꞌ anáj jɨmeꞌ. Siajta muaꞌaj, caxu aꞌyan tyáꞌxɨeꞌveꞌ.