SALMOS 148:5 - El Nuevo Testamento y Salmos

⁵ Setyuꞌtatyójtziꞌreꞌ ɨ tɨ jɨn ántyapuaj ɨ Tavástaraꞌ, jiꞌnye aꞌɨ́ɨ pu séej naꞌaj jɨn tyuꞌtaꞌíjtacaꞌ aj puꞌij néijmiꞌi tyúꞌtaavijhuacaꞌ;

SALMOS 148:5 ပူးပေါင်းရင်းမြစ်များ

SALMOS 103:20

¡Tyámuaꞌ xu tyeetyátoonyij ɨ Tavástaraꞌ, tajapuá siaj néijmiꞌi putyíꞌuurej! Muaꞌaj, mu siaj aꞌyan rɨcɨj jeꞌej tɨ aꞌɨ́ɨn tyíꞌijta, siaj tyámuaꞌ tyáꞌnamuaj siajta aꞌyan rɨcɨj tɨꞌɨj aꞌɨ́ɨn tyíꞌijta.

SALMOS 95:5

Aꞌɨ́ɨ pu ajta jaꞌaꞌrij ɨ jájrij, jiꞌnye aꞌɨ́ɨ pu jaatyátaahuacaꞌ, jumuácaꞌ pu jɨn jaatyátaahuacaꞌ aꞌɨ́jcɨ ɨ chuéj tɨ huáchij.

El Apocalipsis 4:11

Aꞌyaa pu tyimuaavíjtyeꞌ muéetzij, mu paj tavástaraꞌ puéꞌeen, pajta taj Dios puéꞌeen, tyej tyij tyimuaatatyójtziꞌreꞌen, tyajta muatyáanajchej ɨ paj jɨn néijmiꞌi putyíꞌuurej, jiꞌnye muáaj paj néijmiꞌi tyúꞌtaahuacaꞌ, ɨ tɨ aꞌyan tyíꞌsejreꞌ, muáaj paj aꞌyan tyaꞌajxɨéꞌviꞌracaꞌaj aꞌɨ́j pu jɨn néijmiꞌi tyúꞌtaavijhuacaꞌ.