SALMOS 143:1 - El Nuevo Testamento y Salmos

¹ Tavástaraꞌ, huánamuajriꞌ jeꞌej nyaj aꞌ jimi tyiꞌtyényuusij, tyámuaꞌ paj tyáanamuaj jeꞌej nyaj tyáꞌhuoo. ¡Pajta naatájeevej, jiꞌnye muáaj paj tyámuaꞌ een pajta quee tyiꞌtɨ́j jɨn áꞌɨtzeereꞌ!

SALMOS 143:1 ပူးပေါင်းရင်းမြစ်များ

SALMOS 140:6

Aꞌyaa nu nyeríj tyaatéꞌexaa ɨ Tavástaraꞌ tɨjɨn: “Muáaj paj nyaj Dios puéꞌeen, ¡náanamuajriꞌ, jeꞌej nyej nyáaj aꞌ jimi jéehua tyáꞌhuoo!

SALMOS 17:1

Tavástaraꞌ, huánamuaj nyaj quee tyiꞌtɨ́j jɨn áꞌɨtzeereꞌ, pajta aꞌyan huárɨnyij jeꞌej nyaj tyíꞌmuahuaviij, tyámuaꞌ tyuꞌnamuaj jeꞌej nyaj aꞌ jimi tyáꞌhuoo, jiꞌnye capu tyenyij jitze éejnyinyii tɨ tyíꞌhueꞌtacaa.

SALMOS 31:1

Tavástaraꞌ, muéetzij jimi nu jahuoo paj naatyáhuɨɨreꞌen; ¡capáj aꞌnáj tyiꞌtáꞌcareꞌen nyej nyij tyéviꞌsiꞌ huataséjreꞌen! ¡Tyámuaꞌ paj tyinaatyáhuɨɨreꞌen, jiꞌnye muáaj paj quee tyiꞌtɨ́j jɨn áꞌɨtzeereꞌ!

SALMOS 71:2

¡Pataꞌaj nyajapuáj huatányuunyij, pajta jeꞌen tyámuaꞌ tyinaatyéchaꞌɨɨn, jiꞌnye muáaj paj néijmiꞌi jɨn tyámuaꞌ een! Aꞌtzúj cuiꞌ náanamuaj, pajta nyajapuáj huatányuunyij.

1 Juan 1:9

ajta tɨpuaꞌaj tyaataxáj ɨ tyaj jɨn ootyáꞌɨtzee ɨ Dios jimi, aꞌyaa pu tyíɨꞌrij tyaj jitzán tyúꞌcaꞌnyej ɨ Dios, tɨ tyámuaꞌ eenyeꞌ séejreꞌ, ajta aꞌɨ́ɨn tyitaatúꞌuunyiꞌraj ɨ tyaj jɨn ootyáꞌɨtzee ajta néijmiꞌi ɨ tyaj jɨn jeꞌej puaꞌaj huarɨ́j.