SALMOS 140:12 - El Nuevo Testamento y Salmos

¹² Nyáaj nu jamuaꞌreej tɨ ɨ Tavástaraꞌ jáꞌxaꞌpuɨꞌɨntariꞌtzeꞌen aꞌɨ́jcɨ ɨ tɨquee jeꞌej tyéejviicueꞌ ajta japuan huatányuusij aꞌɨ́jcɨ ɨ tɨ quee jeꞌej jájtyoovej.

SALMOS 140:12 ပူးပေါင်းရင်းမြစ်များ

SALMOS 102:17

tɨꞌɨj jáanamuaj jeꞌej tɨ tyuꞌtyéenyuj aꞌɨ́jna ɨ tɨ quee jeꞌej jájtyoovej ajta jeꞌen néijmiꞌi jɨn aꞌyan huárɨnyij jeꞌej tɨ jéehua tyáꞌhuaviij.

SALMOS 12:3

Tavástaraꞌ, pataꞌaj jeꞌejcuuxɨj ɨ huaꞌnaanaꞌ aꞌɨ́ɨjma ɨ maj jeꞌej puaꞌaj tyíꞌjepeꞌ majta óotzaahuatyeꞌ,

SALMOS 12:4

ɨ maj aꞌyan tyíꞌxaj tɨjɨn: “Aꞌɨ́ɨ puꞌuj tajitzé juxɨeꞌveꞌ ɨ tatyényij, tanyanúu pu tajapuá huatányuusij. ¿Aꞌtanyíj óocaꞌnyej tɨꞌij tyitaataꞌíjtyeꞌen?”

SALMOS 22:24

Jiꞌnye capu aꞌɨ́ɨn séej huatyáxaahuataj capu ajta séej quee namuajran aꞌɨ́ɨmaj ɨ maj quee jeꞌej tyéejviicueꞌ maj jɨn japuéjtzitarej, capu ajta aꞌɨ́ɨjma jimi huatyóoꞌavaataj. ¡Aꞌɨ́ɨ pu huáꞌnamuaj matɨꞌɨjta jimi jahuoocaj tɨꞌij huoꞌtyáhuɨɨreꞌen!

SALMOS 35:10

Nyaxɨéjnyuꞌcaa nu jɨn aꞌyan tyuꞌtaxájtaj tɨjɨn: “¿Aꞌtanyíj ajtáhuaꞌaj séejreꞌ tɨ aꞌyan een patɨꞌɨj muáaj Tavástaraꞌ? Muáaj paj huaꞌ japua huatányuusij aꞌɨ́ɨjma ɨ maj quee jeꞌej tyéejviicueꞌ aꞌɨ́ɨjma jimi ɨ maj jéetzeꞌ uhuácacaꞌnyeꞌ mequee aꞌɨ́ɨmaj, ɨ maj majta jeꞌej puaꞌaj huáꞌuurej.”

SALMOS 72:4

¡Cheꞌ aꞌɨ́jna ɨ rey tyámuaꞌ tyihuoꞌxáꞌpuɨꞌɨntariꞌtzeꞌen aꞌɨ́ɨjma ɨ maj quee jeꞌej tyéejviicueꞌ! ¡Cheꞌ huaꞌ japua huatányuunyij huaꞌ yojmuaꞌ ɨ maj jajpuéjtzij ajta huoꞌtzíinajraꞌnyij aꞌɨ́ɨjma ɨ maj jeꞌej puaꞌaj huáꞌuurej!

SALMOS 9:4

Muáaj paj juées puéꞌeen ɨ tɨ quee tyiꞌtɨ́j jɨn áꞌɨtzeereꞌ, papuꞌríj acáayixɨj aꞌ ɨpuáaj jitze, pej pij tyámuaꞌ tyinoꞌxáꞌpuɨꞌɨntariꞌtzeꞌen.

San Mateo 11:5

Siataꞌaj jaatéꞌexaatyeꞌen maj meríj atanyéjnyeꞌ ɨ maj aracúcuꞌnyijmaꞌcaa, majta meríj rácɨjcɨꞌnyiveꞌ ɨ maj quee rácɨjcɨꞌnyiveꞌej, majta aꞌɨ́ɨmaj meríj huarúj ɨ maj tyíꞌcucuiꞌ aꞌɨ́jcɨ jɨmeꞌ ɨ maj cáꞌatzaj ɨ juhuéꞌraꞌ jitze, majta ɨ maj nácuxɨeꞌejmaꞌcaa meríj iityanamuáarajmee, majta meríj huatájuuriacaꞌ ɨ maj meríj huácuiꞌijcaa, majta ɨ maj quee jeꞌej tyéejviicueꞌ muꞌríj jáanamuajriꞌ ɨ nyúucariaꞌraꞌ ɨ Dios.