SALMOS 132:9 - El Nuevo Testamento y Salmos

⁹ Micheꞌ tyámuaꞌ tyityatóosejrata aꞌɨ́ɨmaj ɨ maj aꞌjimi tyíꞌhuɨɨreꞌ, majta jutyamuaꞌveꞌej huajíjhua ɨ maj aꞌjimi tyámuaꞌ een.

SALMOS 132:9 ပူးပေါင်းရင်းမြစ်များ

SALMOS 104:1

¡Tyámuaꞌ nu tyeetyátoosij ɨ Tavástaraꞌ néijmiꞌi ɨ nyajúuricamej jɨmeꞌ! ¡Vaꞌcán paj jɨn séejreꞌ, Tavástaraꞌ pajta nyaj Dios! Aꞌɨ́j paj períj tyuꞌtyéꞌchejtyej ɨ tɨ naa tyuꞌséꞌrin ajta tyaꞌtátaavej;

SALMOS 132:16

Aꞌɨ́j nu tyihuoꞌtyéchejtyeꞌsij ɨ maj jɨn jaꞌmua japua huatányuunyij aꞌɨ́ɨmaj ɨ maj jaꞌmua jimi tyíꞌhuɨɨreꞌ nyajta nu tyuꞌtáꞌsij mej mij jutyamuaꞌveꞌej muaajíjhuaj ɨ maj jimi tyámuaꞌ een.

SALMOS 149:5

Siataꞌaj huatóotyamuaꞌveꞌen mu siaj quee tyiꞌtɨ́j jɨn áꞌɨtzeereꞌ aꞌɨ́jcɨ jɨmeꞌ siaj tyuꞌtyámueꞌtɨj, tyij siajta siooj tyácuꞌtzisimeꞌen xuutyámuaꞌveꞌej xu tyíꞌchuiicaj.

SALMOS 47:1

¡Siahuóotyamuaꞌveꞌ, néijmiꞌqueꞌ tɨꞌɨj naꞌaj tyiꞌchájtaꞌnajmee! ¡Siajta huatyényuunyij ɨ Dios jimi siajíihuaj aꞌɨ́jcɨ jɨmeꞌ siaj jutyamuaꞌveꞌ!

SALMOS 68:3

Majta aꞌɨ́ɨ mu huatóotyamuaꞌveꞌsij ɨ maj tyámuaꞌ tyityetyúuchaꞌɨj, ɨ Dios jimi mu jéehua jutyamuaꞌveꞌ, ¡majta tyítzunaxɨꞌɨj muutyámuaꞌveꞌej!

SALMOS 70:4

Ajta micheꞌ néijmiꞌi ɨ maj muahuoo jéehua huatóotyamuaꞌveꞌen, ajta ɨ maj jaxɨeꞌveꞌ paj huaꞌ japua huatányuunyij micheꞌ jusén jɨmeꞌ aꞌyan tyíꞌxajtaj tɨjɨn: “¡Dios pu vaꞌcán jɨn antyúumuaꞌreej!”

SALMOS 93:1

¡Tavástaraꞌ pu Rey puéꞌeen! ¡Tavástaraꞌ pu arí aꞌɨ́j tyuꞌtyóochejtyej ɨ tɨ naa tyuꞌséꞌrin ajta aꞌɨ́jna jɨn curioonaj ɨ tɨ néijmiꞌi jɨn putyíꞌuurej! Aꞌɨ́ɨ pu tyámuaꞌ jáaruuj ɨ cháanacaj, tɨꞌij quee táhuaanyeꞌen.

Romanos 13:14

Sulu tyicheꞌ tyámuaꞌ tyityahuátachaꞌɨɨn aꞌyájna tɨꞌɨj tyiꞌtyúuchaꞌɨɨcaꞌaj ɨ tavástaraꞌ, aꞌɨ́jna ɨ Jesús tɨ ajta Cɨríistuꞌ puéꞌeen, caxu aꞌɨ́jna huoocaj siaj sij aꞌɨ́j aráꞌastijreꞌen ɨ tɨ jeꞌej puaꞌaj een ɨ tɨ jáꞌmuatzajtaꞌ eerányinyii.

1 Pedro 5:5

Aꞌyaa xu chaꞌtaj sianaꞌaj muaꞌaj mu siaj tyáamua, siataꞌaj huaꞌráꞌastijreꞌen ɨ huáasij. Siataꞌaj néijmiꞌi jɨn aꞌyan huárɨnyij, siaj sij quee ootzáahuatyeꞌej siahuaꞌráꞌastijreꞌ, jiꞌnye aꞌyaa pu tyéꞌyuꞌsiꞌ tɨjɨn: Dios pu quee huaꞌxɨeꞌveꞌ aꞌɨ́ɨjma ɨ maj óotzaahuatyeꞌ, ajta aꞌɨ́ɨ pu tyámuaꞌ tyihuáꞌhuɨɨreꞌ aꞌɨ́ɨmaj ɨ maj quee óotzaahuatyeꞌ.

El Apocalipsis 19:8

Aꞌyaa mu tyaatáꞌ tɨ aꞌɨ́jna tyuꞌtyóochejtyej ɨ cáanarij tɨ meꞌestíj tɨ ajta naa een, tɨ tyamaꞌastájyiꞌij tɨ quee choomua. Jiꞌnye aꞌɨ́jna ɨ cáanarij tɨ naa een, aꞌɨ́ɨ pu puéꞌeen ɨ maj jɨn tyámuaꞌ tyityetyúuchaꞌɨɨcaꞌaj aꞌɨ́ɨmaj ɨ tyeɨ́tyeristyamuaꞌmeꞌen ɨ Dios.