SALMOS 121:5 - El Nuevo Testamento y Salmos

⁵ Tavástaraꞌ pu aꞌɨ́ɨn puéꞌeen ɨ tɨ muachaꞌɨj; Tavástaraꞌ pu aꞌɨ́ɨn puéꞌeen ɨ tɨ quee tyuꞌtáꞌsij tɨꞌij tyiꞌtɨ́j jeꞌej muaꞌuurej, ɨ tɨ véjriꞌ aꞌjimi séejreꞌ tɨꞌij muaatáhuɨɨreꞌen.

SALMOS 121:5 ပူးပေါင်းရင်းမြစ်များ

SALMOS 91:1

Aꞌɨ́jna ɨ tɨ jitzán séejreꞌ ɨ tɨ tyámuaꞌ tyéꞌchaꞌɨj aꞌɨ́j tɨ jimi jáꞌmaꞌcan ɨ jútyeꞌ ɨmuáj tɨ jáꞌsejreꞌ ɨ tɨ néijmiꞌi putyíꞌuurej ajta néijmiꞌi jɨn antyúumuaꞌreej,

SALMOS 16:8

Aꞌnáj tɨnaꞌaj nu tyámuaꞌ tyáꞌmuaꞌreej tɨ ɨ Tavástaraꞌ nye jimi yésejreꞌ, aꞌɨ́ɨ pu nyamuácaꞌtaꞌ pujmuaꞌ séejreꞌ, canu nyij tyiꞌtɨ́j jɨn ootyáꞌɨtzeereꞌej.

SALMOS 109:31

Jiꞌnye aꞌɨ́ɨ pu japuan huatányuusij ɨ tɨ quee jeꞌej tyéejviicueꞌ aꞌɨ́ɨ puꞌij jaatyáhuɨɨreꞌej aꞌɨ́ɨjma jimi ɨ maj jeꞌej puaꞌaj jaꞌuurej.

San Mateo 23:37

’Jerusalén, Jerusalén siaj huacháatɨmee, muaꞌaj xu huáꞌcuiꞌcaa aꞌɨ́ɨjma ɨ maj Dios jitze maꞌcan tyíꞌxaj, siajta huoꞌtyátoꞌsixɨj aꞌɨ́ɨjma ɨ Dios tɨ jaꞌmua jimi huoꞌtaꞌítyacaꞌ mej mij tyajamuáamuaꞌtyej. Mueꞌtɨ́j nu aꞌyan tyáꞌxɨeꞌvaꞌcaꞌaj nyaj tyámuaꞌ tyajamuáachaꞌɨɨn, nyej nyij jaꞌmua japua huatányuunyij, aꞌyájna tɨꞌɨj ɨ tyacuáarɨeꞌ tɨ huaꞌantyásɨɨrej ɨ xɨ́ɨpiriꞌij tɨꞌij huaꞌváꞌnaj ɨ juꞌ anáj jɨmeꞌ, siajta muaꞌaj, caxu aꞌyan tyaataxɨeꞌvej.