SALMOS 113:5 - El Nuevo Testamento y Salmos

⁵ Capu aꞌtɨ́j aꞌyan ajtáhuaꞌaj een tɨꞌɨj ɨ Tavástaraꞌ taj Dios, aꞌáa tɨ tyejéꞌijtaj jútyeꞌ ɨmuáj,

SALMOS 113:5 ပူးပေါင်းရင်းမြစ်များ

SALMOS 103:19

Tavástaraꞌ pu arí ɨ juꞌɨpuáa tyámuaꞌ huáruuj aꞌájna u tajapuá, ajta ɨ tɨ jɨn tyíꞌijta pu néijmiꞌqueꞌ antyúumuaꞌreej.

SALMOS 11:4

Tavástaraꞌ pu aꞌúu jáꞌsejreꞌ ɨ ju tyeyúuj tzajtaꞌ tɨ tyámuaꞌ een. Ajta aꞌɨ́jna ɨ ɨpuariáaraꞌan ɨ Tavástaraꞌ tajapuá pu jáꞌsejreꞌ, ajta tyámuaꞌ naa tyaꞌtányeerij tyámuaꞌ puꞌij naa tyihuáꞌsej aꞌɨ́ɨjma ɨ tyeɨ́tyee.

SALMOS 35:10

Nyaxɨéjnyuꞌcaa nu jɨn aꞌyan tyuꞌtaxájtaj tɨjɨn: “¿Aꞌtanyíj ajtáhuaꞌaj séejreꞌ tɨ aꞌyan een patɨꞌɨj muáaj Tavástaraꞌ? Muáaj paj huaꞌ japua huatányuusij aꞌɨ́ɨjma ɨ maj quee jeꞌej tyéejviicueꞌ aꞌɨ́ɨjma jimi ɨ maj jéetzeꞌ uhuácacaꞌnyeꞌ mequee aꞌɨ́ɨmaj, ɨ maj majta jeꞌej puaꞌaj huáꞌuurej.”

SALMOS 89:6

¡Capu sɨ́ɨj dios ajtáhuaꞌaj séejreꞌ, aꞌújna u tajapuá tɨꞌij aꞌyan eenyeꞌ patɨꞌɨj muáaj, Tavástaraꞌ!

SALMOS 89:7

Dios paj vaꞌcán jɨn antyíaꞌmuaꞌreej pajta áꞌtyesiꞌreꞌ, aꞌɨ́ɨmaj mu muéetzij jimi ataváatɨmee ɨ maj muahuɨɨreꞌ.

SALMOS 89:8

Tavástaraꞌ, Dios mu paj néijmiꞌi putyíꞌuurej pajta néijmiꞌi jɨn antyíaꞌmuaꞌreej. Néijmiꞌi pu muéetzij muaꞌ aꞌrij ɨ paj jɨn putyíꞌuurej pajta aꞌɨ́j jɨn cánamiꞌ ɨ tɨ jɨꞌréꞌcan jɨmeꞌ; ¡capu sɨ́ɨj ajtáhuaꞌaj séejreꞌ aꞌyájna patɨꞌɨj muáaj!

SALMOS 89:9

Muáaj paj pújoorej paj jaatyápuaꞌrityeꞌen ɨ jájrij tɨ áꞌxɨreꞌej caꞌnyíin jɨmeꞌ pajta jaatyápuaꞌrityeꞌsij ɨ tɨ jéehua atyúutaꞌhuaꞌaj,