SALMOS 10:2 - El Nuevo Testamento y Salmos

² Jéehua pu ootzáahuatyeꞌ, aꞌɨ́jna ɨ tɨ jeꞌej puaꞌaj tyiꞌtyúuchaꞌɨj, ajta huápuɨꞌɨj nyuꞌcamuɨꞌɨj jamuarityeꞌ aꞌɨ́jcɨ ɨ tɨ tyóoxaahuaj, ajta aꞌɨ́ɨ pu huatyéviꞌriꞌhuaj aꞌɨ́jcɨ jɨmeꞌ aꞌɨ́ɨn tɨ tyámuaꞌ jáaruuj tɨꞌij aꞌɨ́ɨn séecan huavíviꞌ.

SALMOS 10:2 ပူးပေါင်းရင်းမြစ်များ

SALMOS 109:16

Capu aꞌnáj aꞌyan tyiꞌriáꞌmuaꞌaj tɨꞌij tyihuaꞌcuꞌvej, ɨ maj quee jeꞌej tyéejviicueꞌ ɨ maj quee óotzaahuatyeꞌ ajta ɨ maj jeꞌej tyityóomuajtyej aꞌɨ́ɨjma pu huatavéen ꞌasta naꞌaj quee huoꞌcuij.

SALMOS 119:122

Muáaj paj aꞌɨ́j jɨn antyíaꞌmuaꞌreeriaj tɨꞌij nye jimi tyámuaꞌ tyíꞌeenyeꞌ, micheꞌ quee jeꞌej puaꞌaj nyaꞌuuriaj ɨ maj jeꞌej puaꞌaj tyíꞌjepeꞌ.

SALMOS 119:5

¡Aꞌyaa nu nyáaj tyáꞌxɨeꞌveꞌ nyaj tyámuaꞌ tyíꞌsejriaꞌaj aꞌɨ́jcɨ jɨmeꞌ nyaj jaꞌráꞌastej jeꞌej paj muáaj tyuꞌtaꞌíjtacaꞌ!

SALMOS 119:69

Ɨ maj axáa tyíꞌjepeꞌ mu hueꞌtzij jɨn chaꞌmanaꞌaj náꞌxɨjtyeꞌ, ajta nyáaj nu néijmiꞌi ɨ nyaxɨéjnyuꞌcaa jɨn jaꞌastej ɨ nyúucarij muáaj paj jɨn tyíꞌijta.

SALMOS 119:85

Tyeɨ́tyee maj axáa tyíꞌjepeꞌ maj quee aꞌyan tyityaajúꞌ patɨꞌɨj muáaj tyíꞌtamuaꞌtyej aꞌɨ́ɨ mu meríj avíitzij jɨn tyámuaꞌ huóoruuj mej mij naatyéeviꞌ jóꞌnyaj jooméj.

SALMOS 140:5

Aꞌɨ́ɨmaj ɨ maj óotzaahuatyeꞌ aꞌɨ́ɨ mu tyiꞌtɨ́j jɨn nyacuanamuaj, majta meríj tyámuaꞌ tyúꞌruuj ɨ maj jɨn naatyéeviꞌ majta jeꞌen naatyájɨꞌqueꞌen, aꞌáa mu meríj tyámuaꞌ jaꞌhuooruj jóꞌnyaj joꞌréꞌnyinyiij.

SALMOS 31:18

Cheꞌ quee namuajriaꞌaj jeꞌej maj tyíꞌxaj aꞌɨ́ɨmaj ɨ maj tyíꞌhueꞌtacaa, ɨ maj tyáꞌxaahuataj metyíꞌxaj majta tyúꞌxanaꞌveꞌ, majta jeꞌej puaꞌaj tyáꞌxaj aꞌɨ́jcɨ ɨ tyáataj tɨ quee tyiꞌtɨ́j jɨn áꞌɨtzeereꞌ.

SALMOS 36:11

Capáj tyiꞌtáꞌcareꞌen maj naatzíinajyiꞌcan aꞌɨ́ɨmaj ɨ maj óotzaahuatyeꞌ nusu maj aꞌɨ́ɨmaj nyenyoꞌsiꞌtyaꞌaj ɨ maj jeꞌej puaꞌaj tyityetyúuchaꞌɨj.

SALMOS 59:12

Aꞌɨ́j mu jɨn atyáꞌɨtzeꞌrii néijmiꞌi jɨmeꞌ jeꞌej maj tyíꞌxaj; ¡micheꞌ aꞌɨ́jna jɨn huavíviꞌriꞌhuaj tyiꞌtɨ́j maj jujɨ́ɨmuaꞌaj jɨn óotzaahuatyeꞌ majta tyiꞌtɨ́j maj hueꞌtzij jɨn tyaꞌtóoratziꞌraj!

SALMOS 7:16

¡Aꞌɨ́jna ɨ tɨ jɨn jeꞌej puaꞌaj rɨcɨj ajta ɨ tɨ jɨn nyoꞌseꞌ aꞌɨ́ɨ pu jitzán tyiꞌráꞌeexaj!