San Mateo 26:48 - El Nuevo Testamento y Salmos

⁴⁸ Ajta aꞌɨ́jna ɨ Judas ɨ tɨ tyuꞌtátuiireꞌsij ɨ Jesús, aꞌyaa pu arí anaquéej tyihuoꞌtéꞌexaatyaꞌcaꞌaj tɨjɨn: “Aꞌɨ́jna ɨ nyaj jiꞌtyápuɨꞌtzeꞌej, aꞌɨ́ɨ pu aꞌɨ́ɨn puéꞌeen, siataꞌaj jaatyéeviꞌ.”

San Mateo 26:48 ပူးပေါင်းရင်းမြစ်များ

SALMOS 28:3

Capáj anyojóojɨpuan huaꞌ jamuán ɨ maj jeꞌej puaꞌaj tyityetyúuchaꞌɨj, capáj tyiꞌtáꞌcareꞌen tɨꞌij aꞌyan chaꞌtánaꞌaj tyíꞌnyoorej tɨꞌɨj aꞌɨ́ɨjma ɨ maj jeꞌej puaꞌaj rɨcɨj, ɨ maj jéjristaꞌ aꞌyan tyúusejrataj cuxáa maj tyámuaꞌ tyíꞌtyetyeɨtyee ajta huaꞌ tzajtaꞌ pu jéehua séejreꞌ ɨ maj jɨn jeꞌej puaꞌaj tyíꞌuurej.

San Mateo 26:47

Óocheꞌ pu tyiꞌtyaxáatasimaꞌcaj ɨ Jesús, tɨꞌɨj ɨ Judas ajeꞌréꞌnyej, sɨ́ɨj tɨ aꞌɨ́ɨn puéꞌeen ɨ tɨ huaꞌ jitze ajtyámaꞌcan ɨ maj tamuáamuataꞌ japuan huaꞌpuaj aráꞌaxcaa, jéehua mu tyeɨ́tyee jamuán huajúꞌcaꞌaj náhuaaj metyuꞌɨ́ɨꞌsimaꞌaj majta séecan cɨyéj tyuɨ́ꞌɨsimaꞌaj ɨ maj jɨn huóocuiꞌnyij. Aꞌɨ́ɨmaj mu uhuojoꞌtaꞌítyacaꞌ ɨ maj tyihuáꞌijtyeꞌ ɨ puaaríij, majta ɨ huáasij aꞌáa maj tyityatatyíj a chájtaꞌ.

San Mateo 26:49

Aꞌyaa puꞌij tɨꞌɨj ajtyáxɨɨriacaꞌ ɨ Jesús jimi, aꞌyaa pu tyaatatyójtye tɨjɨn: —Jiꞌnye panaꞌaj Maeestro. Ajta jiꞌtyáapuɨꞌtzej.

San Marcos 14:44

Ajta ɨ Judas pu tyaꞌtóoratziiriꞌ jeꞌej tɨ yeꞌej huárɨnyij mej mij jáamuaꞌreej aꞌtɨ́j tɨ aꞌɨ́ɨn puéꞌeen ɨ Jesús, aꞌyan tɨjɨn: —Aꞌɨ́jna ɨ nyaj jiꞌtyápuɨꞌtzeꞌej, aꞌɨ́ɨ pu aꞌɨ́ɨn puéꞌeen, siataꞌaj jaatyéeviꞌ, siajta jaꞌajnáan, siaꞌnajɨ́ꞌqueꞌen tyámuaꞌ naa.