San Mateo 26:31 - El Nuevo Testamento y Salmos

³¹ Aj puꞌij Jesús aꞌyan tyihuoꞌtéꞌexaaj tɨjɨn: —Néijmiꞌi xu muaꞌaj ijíij tɨ́caꞌ yoꞌrɨésij ɨ siaj jɨn nye jimi tyáꞌtzaahuatyeꞌ. Aꞌyaa pu tyéꞌyuꞌsiꞌ ɨ yuꞌxarij jitze tɨjɨn: “Nyéejeꞌcatan ɨ cányaꞌxɨɨ tɨ tyiséjra, majta ɨ cányaꞌxɨɨ joꞌxɨ́sij.”

San Mateo 26:31 ပူးပေါင်းရင်းမြစ်များ

SALMOS 38:11

Aꞌɨ́ɨmaj ɨ maj tyámuaꞌ naa tyiꞌnyaꞌamíincustyamuaꞌ, majta ɨ maj jeꞌej nyamuarimuaj, aa mu ɨmuáj joꞌtyúꞌuj, mej mij quee jaaséj ɨ nyaj jɨn tyíꞌcuiꞌ.

SALMOS 69:20

Puꞌríj nyatzájtaꞌ jeꞌej puaꞌaj náaruj ɨ maj jeꞌej puaꞌaj tyíꞌnyaxaj, ¡capu núꞌcaꞌnyistiꞌ nyajta quee cheꞌ nyacaꞌnyej! Chaꞌnaꞌaj nuꞌuj jahuoo aꞌɨ́jcɨ ɨ tɨ tyámuaꞌ tyinaatyéjeevej ajta náꞌancuꞌvaxɨꞌ.

SALMOS 88:18

Camu cheꞌ nye jimi yajáꞌhuaꞌ ɨ nyaꞌ amíincustyamuaꞌ nusu ɨ maj nyamuaꞌtyej, aꞌɨ́ɨ puꞌquij ɨ tɨ́caꞌrij nyajamuan yésejreꞌ.

San Mateo 11:6

Cheꞌ huatóotyamuaꞌveꞌen aꞌɨ́jna ɨ aꞌtɨ́j tɨ quee juhuáritaꞌ huaréꞌyiꞌij nye jimi aꞌɨ́jcɨ jɨmeꞌ tɨ quee cheꞌ tyéꞌviicueꞌ.

San Mateo 26:24

Aꞌyaa pu néijmiꞌi atyojoꞌréꞌnyesij nye jimi ɨ nyaj nyajta tyévij jitze huanɨeꞌhuacaꞌ jeꞌej tɨ tyéꞌyuꞌsiꞌ ɨ yuꞌxarij jitze, ajta aꞌɨ́jcɨ jimi ɨ tɨ nyéetzij tyuꞌtátuiireꞌsij, jéetzeꞌ pu jatyahuɨꞌrihuaꞌcaj tɨquee huanɨeꞌhuacajcheꞌ.

San Mateo 26:56

Ajta néijmiꞌi pu aꞌyan tyíꞌrɨnyij tɨꞌij aꞌyan tyaꞌróoꞌastej jeꞌej maj tyoꞌyúꞌxacaꞌ aꞌɨ́ɨmaj ɨ maj Dios jitze maꞌcan tyíꞌxajtacaꞌaj. Tɨꞌɨj aꞌyan tyíꞌrɨjcaa, néijmiꞌi mu ɨ maj jamuán huacɨ́j ɨ Jesús ayoorɨej matɨꞌɨj mij huatóoꞌuj.

San Juan 16:32

Puꞌríj ijíij tyaꞌráꞌaj, ijíij puꞌríj aꞌáan putyajáꞌrɨcɨj siatɨꞌɨj muaꞌaj joꞌcɨ́xɨꞌɨj sɨ́ɨj ajta sɨ́ɨj, jusén tacan xúsij yanuurɨésij. Ajta canu nyasɨ́ɨj huatyáꞌɨtzeereꞌej, jiꞌnye ɨ nyavástaraꞌ pu nyaj jamuán yésejreꞌ.