San Mateo 18:28 - El Nuevo Testamento y Salmos

²⁸ Tɨꞌɨj iirájraa aꞌɨ́jna ɨ tɨ jahuɨɨreꞌ, aj puꞌij séej huátyoj tɨ cɨ́ɨ tyéꞌchaꞌɨɨriaꞌcaꞌaj. Aꞌɨ́ɨ puꞌij jaatyéeviꞌ tɨꞌquij cɨjpáaraꞌan jitze jajvíꞌ, caꞌnyíin pu jɨn aꞌyan tyatajé tɨjɨn: “Tyinaanájchityeꞌ ɨ paj tyináꞌchaꞌɨɨreꞌ.”

San Mateo 18:28 ပူးပေါင်းရင်းမြစ်များ

San Mateo 18:27

Ajta aꞌɨ́jna ɨ tɨ jajijveꞌ, aꞌɨ́ɨ pu jaꞌancuꞌvaxɨj, aꞌɨ́j pu jɨn néijmiꞌi tyaatúꞌuunyiꞌriꞌ ɨ tɨ tyéꞌchaꞌɨɨriaꞌcaꞌaj tɨꞌquij jaatátoj.

San Mateo 18:29

Aj puꞌij tyítunutacaꞌ aꞌɨ́jna ɨ tɨ ajta jahuɨɨriaꞌcaꞌaj aꞌɨ́jcɨ ɨ rey, aꞌyaa pu tyaatáhuaviiriꞌ tɨjɨn: “Óocheꞌ naachoꞌveꞌ, nyáaj nu néijmiꞌi tyíꞌmuanajchityeꞌen.”

San Mateo 20:2

Aꞌyaa puꞌij tyihuoꞌxáꞌpuɨꞌɨntariꞌriꞌ tɨ aꞌyan tyihuoꞌnájchityeꞌen aꞌchu séej túmii jɨmeꞌ, tɨꞌquij huoꞌtaꞌítyacaꞌ maj jóꞌcɨɨnyej joꞌtɨj jaꞌhuiityiꞌ ɨ úuvaj.

San Marcos 14:5

Ɨꞌríitacaj pu maj jáatoonyijcheꞌ aꞌchu huéeicaj anxɨtyej ɨ túmii aráꞌaj, mej mij aꞌɨ́jna jɨn huoꞌtáhuɨɨreꞌen ɨ maj quee jeꞌej tyéejviicueꞌ. Aꞌɨ́ɨ mu mij jeꞌej puaꞌaj tyáꞌxajtacaꞌaj aꞌɨ́jcɨ ɨ íitaj.

San Marcos 6:37

Ajta ɨ Jesús pu aꞌyan tyihuoꞌtéꞌexaaj tɨjɨn: —Muaꞌaj setyihuóꞌcueꞌtyej. Aꞌyaa mu aꞌɨ́ɨmaj tyityaatanyúj tɨjɨn: —¿Nyi aꞌyan petyáꞌxɨeꞌveꞌ tyaj ujóꞌjuꞌ tyajta jeꞌen aꞌyan tyeetyáxɨjtyeꞌen ɨ túmii aꞌchu tɨ jumueꞌtɨj huaꞌpuaj anxɨtyej xɨcáj jitze tyej tyij ɨ páan huánanan tyej tyij tyihuóꞌcueꞌtyej?

San Lucas 10:35

Yaa ariáꞌpuaꞌaj, aꞌɨ́jna ɨ tɨ Samaaria jáꞌmaꞌcan, aꞌɨ́ɨ pu huaꞌpuácaa iitaꞌɨ́ꞌpuj ɨ túmii, ajta jaataꞌɨ́ꞌpuꞌuj aꞌɨ́jcɨ ɨ tɨ antyúumuaꞌreej aꞌɨ́jcɨ jɨmeꞌ ɨ chiꞌij, aꞌyaa pu tyaatéꞌexaa tɨjɨn: “Pataꞌaj tyámuaꞌ tyéechaꞌɨɨn, nyajta nyáaj nyatɨꞌɨj uvéꞌnyej, aj nu muaatáꞌsij néijmiꞌi aꞌchu paj jaaxɨ́jtye ɨ paj jáachaꞌɨj.”

San Lucas 7:41

Aj puꞌij Jesús aꞌyan tyaatéꞌexaa tɨjɨn: —Huaꞌpuaj mu ɨ tyétyacaa tyéꞌchaꞌɨɨriaꞌcaꞌaj aꞌɨ́jcɨ ɨ aꞌtɨ́j tɨ túmii huoꞌtanyéjtye. Sɨ́ɨj pu anxɨ́ anxɨtyej tyéꞌchaꞌɨɨriaꞌcaꞌaj, ajta ɨ sɨ́ɨj huáꞌpuatyej japuan tamuáamuataꞌ pu tyéꞌchaꞌɨɨriaꞌcaꞌaj,

San Juan 6:7

Felipe puꞌij aꞌyan tyuꞌtanyúj tɨjɨn: —Tɨ puaꞌaj aꞌyan tyetyíꞌtooveꞌej aꞌchu huaꞌpuaj anxɨtyej ɨ túmii, capu naꞌaj cɨꞌpej tyej tyij páan huánanan tyajta jeꞌen néijmiꞌcaa tyúꞌcueꞌtyej.