San Mateo 18:27 - El Nuevo Testamento y Salmos

²⁷ Ajta aꞌɨ́jna ɨ tɨ jajijveꞌ, aꞌɨ́ɨ pu jaꞌancuꞌvaxɨj, aꞌɨ́j pu jɨn néijmiꞌi tyaatúꞌuunyiꞌriꞌ ɨ tɨ tyéꞌchaꞌɨɨriaꞌcaꞌaj tɨꞌquij jaatátoj.

San Mateo 18:27 ပူးပေါင်းရင်းမြစ်များ

SALMOS 145:8

Tavástaraꞌ pu naa tyihuojóꞌmuaꞌraj ajta tyihuaꞌcuꞌvej, capu jiyeꞌtzín tyoꞌcájaaxɨejveꞌ ajta jéehua taxɨeꞌveꞌ.

SALMOS 78:38

Ajta ɨ Dios pu huaꞌcuꞌvajcaꞌaj, ajta tyihuáꞌuunyiꞌracaꞌaj ɨ maj jɨn jeꞌej puaꞌaj rɨjcaa ajta quee huaꞌantyipuaꞌrityahuaꞌaj, mueꞌtɨ́j pu quee jaataxɨéꞌvej tɨ huaꞌ jimi tyinyúꞌcaj ajta quee tyuꞌtáꞌ tɨ aꞌɨ́ɨn jaatyámueꞌtɨn ɨ tɨ jɨn nyúꞌcamuɨꞌ.

SALMOS 86:15

Pajta muáaj, Tavástaraꞌ, Dios paj puéꞌeen tɨ tyámuaꞌ tyihuojóꞌmuaꞌraj pajta tyihuaꞌcuꞌvej, pajta quee jiyeꞌtzín tyinyúꞌcacaa, muáaj paj jɨꞌréꞌcan jɨn taxɨeꞌveꞌ.

SALMOS 86:5

Jiꞌnye muáaj, Tavástaraꞌ, tyámuaꞌ paj tyihuojóꞌmuaꞌraj pajta tyúꞌuunyiꞌ; néijmiꞌi paj jɨn huaꞌxɨeꞌveꞌ aꞌɨ́ɨjma ɨ maj muéetzij jimi jahuoo.

San Mateo 18:28

Tɨꞌɨj iirájraa aꞌɨ́jna ɨ tɨ jahuɨɨreꞌ, aj puꞌij séej huátyoj tɨ cɨ́ɨ tyéꞌchaꞌɨɨriaꞌcaꞌaj. Aꞌɨ́ɨ puꞌij jaatyéeviꞌ tɨꞌquij cɨjpáaraꞌan jitze jajvíꞌ, caꞌnyíin pu jɨn aꞌyan tyatajé tɨjɨn: “Tyinaanájchityeꞌ ɨ paj tyináꞌchaꞌɨɨreꞌ.”

San Mateo 18:32

Aj puꞌij ɨ rey tyuꞌtaꞌíjtacaꞌ maj uyoꞌtájeevej aꞌɨ́jcɨ ɨ tɨ jahuɨɨreꞌ, tɨꞌquij aꞌyan tyaatéꞌexaa tɨjɨn: “Muáaj mu paj huápuɨꞌɨj jeꞌej puaꞌaj tyíꞌtyevij. Nyáaj nu tyimuaatúꞌuunyiꞌriꞌ néijmiꞌi jɨmeꞌ aꞌchu paj tyináꞌchaꞌɨɨriaꞌcaꞌaj, jiꞌnye aꞌyaa paj tyinaatáhuaviiriꞌ.

San Lucas 7:42

ajta camu pújooriajvaꞌaj mej mij tyaanájchityeꞌen, aꞌɨ́jna ɨ tɨ huoꞌtanyéjtye ɨ túmii, aꞌɨ́ɨ pu tyihuoꞌtúꞌuunyiꞌriꞌ aꞌɨ́ɨjma ɨ maj huaꞌpuaj. Ijíij naatéꞌexaatyeꞌ, ¿aꞌtanyíj jéetzeꞌ jaxɨeꞌvaꞌaj jaꞌmej aꞌɨ́ɨmaj ɨ maj huaꞌpuaj?

San Lucas 7:43

Ajta aꞌɨ́jna ɨ Simón aꞌyaa pu tyuꞌtanyúj tɨjɨn: —Aꞌyaa pu tyináꞌmiteerasteꞌ tɨjɨn aꞌɨ́jna ɨ tɨ jéetzeꞌ tyéꞌchaꞌɨɨriaꞌcaꞌaj, jiꞌnye jéetzeꞌ pu aꞌɨ́j tyuꞌtúꞌuunyiꞌriꞌ. Jesús pu aꞌyan tyaatéꞌexaa tɨjɨn: —Xáꞌpuɨꞌ paj tyuꞌtaxájtacaꞌ.