San Mateo 17:20 - El Nuevo Testamento y Salmos

²⁰ Aj puꞌij Jesús aꞌyan tyihuoꞌtéꞌexaaj tɨjɨn: —Jiꞌnye caxu aꞌchu tyáꞌtzaahuatyeꞌ. Aꞌyaa nu tyajáꞌmuaꞌixaatyeꞌ tɨjɨn tɨpuaꞌaj setyáꞌtzaahuatyeꞌej, tyij siajta cɨ́ɨ sianaꞌaj tyáꞌtzaahuatyeꞌej, aꞌyaa pu tyíɨꞌrij siaj aꞌyan tyaatéꞌexaatyeꞌen mu jɨríj yee: “Tyíchesij aꞌyájna áricuj ajcaꞌhuáye”; ajta ɨ jɨríj aꞌyaa pu rɨnyij. Capu ij tyiꞌtɨ́j jaꞌmuamuárɨeꞌristyaꞌaj jaꞌmej.

San Mateo 17:20 ပူးပေါင်းရင်းမြစ်များ

San Mateo 13:31

Jesús pu ajtáhuaꞌaj séej nyúucarij huoꞌtéꞌexaa aꞌyaa pu tɨjɨn: —Aꞌyaa pu tyíꞌeen ɨ Dios jimi tɨꞌɨj tuꞌpíj tyiꞌtɨ́j tɨ aꞌyan ántyapuaj tɨjɨn mostáasaj, aꞌtɨ́j tɨ jaahuástej ɨ játzaꞌraꞌan aꞌájna joꞌtɨj tyajaꞌtachuéj.

San Mateo 14:29

Aj puꞌij Jesús aꞌyan tyaatéꞌexaa tɨjɨn: —Mujoꞌtéꞌyiꞌij, tɨꞌɨj ij eetáraj ɨ báarcuj jitze, aj puꞌij aꞌuriáꞌrupij ɨ jájtyij japua, aꞌáa pu joomáꞌcaj joꞌtɨj jeꞌej jéꞌeenyeꞌej ɨ Jesús.

San Mateo 17:17

Jesús pu aꞌyan tyuꞌtanyúj tɨjɨn: —Muaꞌaj mu siaj quee tyáꞌtzaahuatyeꞌ, siajta quee tyiꞌtɨ́j muaꞌreej. ¿Aꞌchunyéj óocheꞌ áꞌɨtzeereꞌ nyaj yahuatyávaacaj jaꞌmua jamuán? ¿Aꞌchunyéj ooj áꞌɨtzeereꞌ nyej nyij jaꞌmua jɨmeꞌ áꞌviicueꞌriaꞌaj? Meseꞌvéꞌviꞌtɨj mu tyamuéej.

San Mateo 17:19

Matɨꞌɨjta mij aꞌɨ́ɨmaj ɨ maj jamuán huacɨ́j, jujɨ́meꞌ mu jamuán tyuꞌtaxájtacaꞌ aꞌɨ́jcɨ ɨ Jesús, aꞌyaa mu tyaataꞌíhuoꞌriꞌ tɨjɨn: —¿Jiꞌnye tyej tyij quee ityáj pu jáaruuj tyaj jaatamuárityeꞌen aꞌɨ́jcɨ ɨ tyiyáaruꞌ?

San Mateo 17:9

Matɨꞌɨj aj jeꞌcajuꞌcaj ɨ jɨríj jitze, Jesús pu aꞌyan tyihuoꞌtaꞌíj tɨjɨn: —Caxu aꞌtɨ́j ixaatyeꞌej jeꞌej siaj tyiꞌtɨ́j tyuꞌséj, ꞌasta naꞌaj quee huatájuurej aꞌɨ́jna ɨ tɨ ajta tyévij jitze huanɨeꞌhuacaꞌ.

San Mateo 21:21

Aj puꞌij Jesús aꞌyan tyihuoꞌtéꞌexaaj tɨjɨn: —Aꞌyaa nu tyajáꞌmuaꞌixaatyeꞌ tɨjɨn tɨpuaꞌaj setyáꞌtzaahuatyeꞌej tɨ aꞌyan tyeꞌmej jeꞌej siaj tyiꞌtɨ́j tyuꞌtaxájtaj, aꞌyaa pu tyíꞌrɨnyij, siajta quee aꞌɨ́j sianaꞌaj huayíꞌtɨhuaꞌaj xáꞌjuꞌun siaj aꞌyan jáaꞌuurej aꞌmújcɨj mu xápuaꞌ nyatɨꞌɨj nyeríj jáaruuj, Sulu siajta xu jaayíꞌtɨhuaꞌaj xáꞌjuꞌun siaj aꞌyan tyaataꞌíjtyeꞌen aꞌmújcɨj mu jɨríj tɨjɨn: “Tyíchesij, atyájraꞌ a jájritzeꞌ”, aꞌyaa puꞌij ajta tyeꞌmej.

San Mateo 8:26

Aj puꞌij aꞌyan tyihuoꞌtéꞌexaaj tɨjɨn: —¿Jiꞌnye siaj sij huápuɨꞌɨj tyíꞌtzɨɨnyeꞌ? Muaꞌaj siaj quee aꞌchu tyáꞌtzaahuatyeꞌ. Tɨꞌɨj aꞌyan tyuꞌtaxáataj, aj puꞌij ájchej, tɨꞌquij jaatáꞌijmuejriꞌ ɨ áacaj, ajta ɨ jájtyij, aj puꞌij huatyápuaꞌriacaꞌ ɨ áacaj, ajta naa ooreꞌ éenyeꞌej taꞌraa ɨ jájtyij.

San Marcos 11:22

Jesús pu aꞌyan tyihuoꞌtéꞌexaaj tɨjɨn: —Setyáꞌantzaahuatyeꞌ ɨ Dios jimi.

San Marcos 11:23

Jiꞌnye aꞌyaa nu tyajáꞌmuaꞌixaatyeꞌ tɨpuaꞌaj aꞌtɨ́j aꞌyan tyaatéꞌexaatyeꞌen ɨ jɨríj yee: “Tyíchesij aꞌmájna atyájrutyij ɨ jájritzeꞌ”, ajta quee seequéj tyiꞌmuaꞌastɨ́j, sulu tɨ tyáꞌtzaahuatyeꞌej tɨ aꞌyan tyeꞌmej, aj puꞌij aꞌyan tyeꞌmej.

San Marcos 4:31

Aꞌyaa pu een tɨꞌɨj ɨ mostáasaj jatzeꞌ tɨ ɨ chóotaꞌ atyáhuastiꞌhuacaꞌ. Aꞌɨ́ɨ pu aꞌɨ́ɨn puéꞌeen ɨ jatzíj tɨ jéetzeꞌ cɨ́leen tɨ íiyan séejreꞌ ɨ cháanacaj japua,

San Marcos 9:23

Jesús pu aꞌyan tyaatéꞌexaa tɨjɨn: —¿Jiꞌnye pej pij aꞌyan tyíꞌxaj yee: tɨpuaꞌaj peeyíꞌtɨhuaꞌan? Néijmiꞌi pu tyíɨꞌrij aꞌɨ́jcɨ jimi ɨ tɨ tyáꞌtzaahuatyeꞌ.

San Lucas 1:37

Capu tyiꞌtɨ́j muárɨeꞌrij ɨ Dios jimi.

San Lucas 17:6

Aj puꞌij Jesús aꞌyan tyihuoꞌtéꞌexaaj tɨjɨn: —Aꞌɨ́ɨ puꞌuj juxɨeꞌveꞌ siaj tyáꞌtzaahuatyeꞌej, tɨpuaꞌaj cɨ́ɨ setyáꞌtzaahuatyeꞌej, aꞌyaa pu tyuꞌtáɨꞌriitarij siaj aꞌyan tyaataꞌíjtyeꞌen aꞌɨ́jcɨ ɨ xápuaꞌ tɨ eetácutyej, tɨ aꞌáa jéꞌtaꞌ jáataꞌ jaꞌtyóohuiityeꞌen jusɨ́ɨj, ajta ɨ xápuaꞌ, aꞌyaa pu rɨnyij jeꞌej siaj tyaataꞌíjtyeꞌsij.

San Lucas 18:27

Jesús pu aꞌyan tyihuoꞌtéꞌexaaj tɨjɨn: —Aꞌɨ́ɨjma jimi ɨ tyétyacaa, capu jeꞌej tyíɨꞌrij, ajta Dios jimi néijmiꞌi pu tyíɨꞌrij.

San Juan 11:40

Jesús pu aꞌyan tyaatéꞌexaa tɨjɨn: —¿Nyi nyequee aꞌyan tyimuaatéꞌexaaj paj jaséjran ɨ tɨ jɨn huápuɨꞌɨj naa huaséꞌrin ɨ Dios, tɨpuaꞌaj petyáꞌantzaahuatyeꞌen?

1 Corintios 12:9

Séecan mu aꞌɨ́jna ancuriáaꞌsij mej mij jéehua tyáꞌantzaahuatyeꞌen, aꞌɨ́jcɨ jitze maꞌcan ɨ júuricamaꞌraꞌ ɨ Dios, majta séecan aꞌɨ́j ancuriáaꞌsij mej mij jaayíꞌtɨhuaꞌan maj tyihuóꞌhuaatyeꞌen ɨ maj tyíꞌcucuiꞌ.

1 Corintios 13:2

Ajta tɨpuaꞌaj nyeeyíꞌtɨhuaꞌan nyej tyuꞌtaxáj Dios jitze maꞌcan, nyajta néijmiꞌi tyojóꞌiteej jeꞌej tɨ tyíꞌeen ɨ Dios jimi, nyajta néijmiꞌi tyíꞌmuaꞌreej, nyajta jéehua tyáꞌtzaahuatyeꞌ tɨꞌij nyaɨꞌríityeꞌej nyaj aꞌyan tyaataꞌíjtyeꞌen ɨ jɨríj tɨ tyíchenyij joꞌtɨj joꞌtácaj, nyajta quee tyámuaꞌ tyihuojóꞌmuaꞌraj, canu tyiꞌtɨ́j jeꞌej tyíꞌhuɨɨreꞌ.

Hebreos 3:19

Aꞌyaa pu tyiꞌjaꞌyájna, aꞌyaa tu tyáꞌmuaꞌreej tɨquee aꞌyan tyihuoꞌcɨꞌɨj maj ujoꞌtyájrutyej, jiꞌnye camu tyáꞌantzaahuaj.