San Mateo 16:14 - El Nuevo Testamento y Salmos

¹⁴ Aꞌyaa mu mij tyityaatanyúj tɨjɨn: —Séecan mu aꞌyan tyíꞌxaj paj aꞌɨ́ɨn puéꞌeen ɨ Juan ɨ tɨ huáꞌɨɨracaꞌaj, majta séecan aꞌyan tyíꞌxaj paj aꞌɨ́ɨn puéꞌeen ɨ Elías, majta séecan aꞌyan tɨjɨn aꞌɨ́ɨn paj puéꞌeen ɨ Jeremías, nusu sɨ́ɨj tɨ ɨ Dios jitze maꞌcan tyíꞌxajtacaꞌaj.

San Mateo 16:14 ပူးပေါင်းရင်းမြစ်များ

San Mateo 14:2

aj puꞌij aꞌyan tyihuoꞌtéꞌexaaj aꞌɨ́ɨjma ɨ maj jimi tyíꞌhuɨɨriaꞌcaꞌaj tɨjɨn: —Aꞌɨ́ɨ pu aꞌɨ́ɨn puéꞌeen ɨ Juan ɨ tɨ huáꞌɨɨracaꞌaj, aꞌɨ́ɨ pu huatájuuriacaꞌ. Aꞌɨ́j pu jɨn jaayíꞌtɨn tɨꞌij aꞌyan huárɨnyij ɨ tyaj jɨn jeꞌej tyoꞌtaséj.

San Mateo 16:15

Aj puꞌij aꞌyan tyihuoꞌtaꞌíhuoꞌriꞌ tɨjɨn: —Arí muaꞌaj, ¿jiꞌnye setyiꞌxaj aꞌtanyíj nyaj puéꞌeen?

San Mateo 17:10

Majta ɨ maj jamuán huacɨ́j, aꞌyaa mu tyaataꞌíhuoꞌriꞌ tɨjɨn: —¿Jiꞌnye een jɨmeꞌ aꞌyan metyíꞌxaj ɨ maj tyihuáꞌmuaꞌtyej ɨ yuꞌxarij jitze yee anaquéej pu juxɨeꞌveꞌ tɨ uvéꞌnyej aꞌɨ́jna ɨ Elías?

San Mateo 3:1

Aꞌájna ɨmuáj pu huataséjre aꞌɨ́jna ɨ Juan ɨ tɨ huáꞌɨɨracaꞌaj aꞌájna joꞌtɨj quee jáꞌtyiꞌtɨj a tɨ aꞌyan tyajaꞌrájtyapuaj tɨjɨn Judea.

San Marcos 6:15

Majta séecan aꞌyan tyíꞌxajtacaꞌaj tɨjɨn: —Aꞌɨ́ɨ pu aꞌɨ́ɨn puéꞌeen ɨ Elías ɨ Dios nyuucaaj tɨ xajtacaꞌaj. Majtáhuaꞌaj séecan aꞌyan tɨjɨn: —Aꞌɨ́ɨ pu aꞌɨ́ɨn puéꞌeen ɨ tɨ tyíꞌxaj ɨ Dios jitze maꞌcan, aꞌyájna matɨꞌɨj ɨ maj aráꞌtyeej tyíꞌxajtacaꞌaj.

San Marcos 8:28

Aj mu mij aꞌyan tyuꞌtaxájtacaꞌ tɨjɨn: —Séecan mu aꞌyan tyíꞌxaj paj muáaj aꞌɨ́ɨn puéꞌeen ɨ Juan ɨ tɨ huáꞌɨɨracaꞌaj, majta séecan aꞌyan tyíꞌxaj paj aꞌɨ́ɨn puéꞌeen ɨ Elías, majta séecan aꞌyan tyíꞌxaj paj sɨ́ɨj aꞌɨ́ɨn puéꞌeen ɨ tɨ Dios jitze maꞌcan tyíꞌxaj.

San Lucas 9:8

majta séecan aꞌyan tyíꞌxajtacaꞌaj tɨ aꞌɨ́ɨn huataséjre ɨ Elías, majta séecan aꞌyan tyíꞌxajtacaꞌaj tɨ sɨ́ɨj aꞌɨ́ɨn puéꞌeenyeꞌej ɨ tɨ aráꞌtyeej Dios jitze maꞌcan tyíꞌxaxaꞌtaꞌaj.

San Juan 1:21

Matɨꞌɨj mij majtáhuaꞌaj aꞌyan tyaataꞌíhuoꞌriꞌ tɨjɨn: —¿Aꞌtanyíj panaꞌaj puéꞌeen? ¿Nyi aꞌɨ́ɨn papuéꞌeen ɨ Elías? Juan pu aꞌyan tyuꞌtanyúj tɨjɨn: —Canu nyáaj aꞌɨ́ɨn puéꞌeen. Matɨꞌɨj mij caꞌnyíin jɨn aꞌyan tyaataꞌíhuoꞌriꞌ tɨjɨn: —¿Nyi aꞌɨ́ɨn paj puéꞌeen ɨ tyaj jachoꞌveꞌ ɨ tɨ Dios jitze maꞌcan tyitaatéꞌexaatyeꞌsij? Aꞌyaa pu tyuꞌtanyúj tɨjɨn: —Canu aꞌɨ́ɨn puéꞌeen.

San Juan 7:12

Jéehua mu ɨ tyeɨ́tyee jaxajtacaꞌaj aꞌɨ́jcɨ ɨ Jesús. Séecan mu aꞌyan tyíꞌxajtacaꞌaj tɨjɨn: “Tyámuaꞌ pu tyíꞌtyevij”, majta séecan aꞌyan tyíꞌxajtacaꞌaj tɨjɨn: “Capu tyámuaꞌ rɨcɨj, aꞌɨ́ɨ pu huáꞌcuanamuaj ɨ tyeɨ́tyee.”

San Juan 9:17

matɨꞌɨj mij majtáhuaꞌaj aꞌyan tyaataꞌíhuoꞌriꞌ aꞌɨ́jcɨ ɨ tɨ arácuunyicaꞌaj tɨjɨn: —Aꞌɨ́ɨ pu arí tyimuáahuaa pej pij atányeerij, ¿jiꞌnye petyíꞌxaj, aꞌtanyíj puéꞌeen aꞌɨ́jna? Aj puꞌij aꞌyan tyihuoꞌtéꞌexaaj tɨjɨn: —Aꞌɨ́ɨ pu aꞌɨ́ɨn puéꞌeen ɨ tɨ Dios jitze maꞌcan tyíꞌxaj.