San Mateo 15:33 - El Nuevo Testamento y Salmos

³³ Majta ɨ maj jamuán huacɨ́j, aꞌyaa mu tyaatéꞌexaa tɨjɨn: —¿Joꞌnyij jáaɨꞌrij tyaj jaatáhuoonyij ɨ páan tɨꞌij néijmiꞌcaa huácɨꞌtyij ɨ tyeɨ́tyee, aꞌyájna joꞌtɨj quee aꞌtɨ́j jaꞌchej?

San Mateo 15:33 ပူးပေါင်းရင်းမြစ်များ

San Mateo 14:15

Tɨꞌɨj huaréꞌchumuaꞌriacaꞌ, aj mu mij aveꞌréꞌnyej jimi ɨ maj jamuán huacɨ́j, matɨꞌɨj mij aꞌyan tyaatéꞌexaa tɨjɨn: —Puꞌríj tyéchumuaꞌrij, ajta capu aꞌtɨ́j yaꞌ jaꞌchej iiyeꞌej. Pataꞌaj huaꞌréꞌityixɨꞌɨn mej mij joꞌcɨ́xɨꞌɨn majáꞌhuaꞌ chájtaꞌ mataꞌaj tyiꞌtɨ́j huánanan ɨ maj jáacuaꞌnyij.

San Mateo 15:32

Aj puꞌij ɨ Jesús huoꞌtajé aꞌɨ́ɨjma ɨ maj jamuán huacɨ́j, tɨꞌquij aꞌyan tyihuoꞌtéꞌexaaj tɨjɨn: —Nyahuáꞌcuꞌvej aꞌíijma ɨ tyeɨ́tyee, jiꞌnye muꞌríj huéeicaj xɨcáj áꞌtyeej maj nyaj jamuán yahuatyúꞌuj, majta quee tyiꞌtɨ́j tyíchaꞌɨj ɨ maj jáacuaꞌnyij. Canu jaxɨeꞌveꞌ maj quee tyuꞌcuáꞌan moꞌcɨ́xɨꞌɨn, jiꞌnye camu tyoꞌtáviicueꞌraj ɨ juyéj jitze.

San Mateo 15:34

Aj puꞌij Jesús aꞌyan tyihuoꞌtaꞌíhuoꞌriꞌ tɨjɨn: —¿Aꞌchunyéj sianaꞌaj puaꞌmácan huaɨ́ꞌpuꞌsij ɨ páan? Aj mu mij aꞌyan tyaatéꞌexaa tɨjɨn: —Arahuaꞌpuácaa ɨ páan, tyajta cɨ́ɨ caa ɨ hueꞌtyée.

San Marcos 6:37

Ajta ɨ Jesús pu aꞌyan tyihuoꞌtéꞌexaaj tɨjɨn: —Muaꞌaj setyihuóꞌcueꞌtyej. Aꞌyaa mu aꞌɨ́ɨmaj tyityaatanyúj tɨjɨn: —¿Nyi aꞌyan petyáꞌxɨeꞌveꞌ tyaj ujóꞌjuꞌ tyajta jeꞌen aꞌyan tyeetyáxɨjtyeꞌen ɨ túmii aꞌchu tɨ jumueꞌtɨj huaꞌpuaj anxɨtyej xɨcáj jitze tyej tyij ɨ páan huánanan tyej tyij tyihuóꞌcueꞌtyej?

San Lucas 9:13

Jesús pu aꞌyan tyihuoꞌtéꞌexaaj tɨjɨn: —Siataꞌaj muaꞌaj tyihuóꞌcueꞌtyej. Matɨꞌɨj mij aꞌyan tyaatéꞌexaa tɨjɨn: —Aꞌíj tuꞌuj tyíꞌchaꞌɨɨj anxɨ́vicaa ɨ páan, tyajta huaꞌpuácaa ɨ hueꞌtyée, naꞌríij utyóꞌjuꞌun tyej tyij utyojoꞌváꞌnanan cueꞌráj mej mij néijmiꞌi tyúꞌcuaꞌnyij ɨ tyeɨ́tyee.