San Marcos 9:22 - El Nuevo Testamento y Salmos

²² Aꞌɨ́jna ɨ tyiyáaruꞌ tɨ tzajtaꞌ séejreꞌ, mueꞌtɨ́j pu áan yoꞌtyájrɨej ɨ tɨéj tzajtaꞌ ajta a jáataꞌ, tɨꞌij jaajéꞌcaj. Aꞌyaa puꞌij, tɨpuaꞌaj peeyíꞌtɨhuaꞌan paj tyáahuaatyeꞌen, táꞌancuꞌvaxɨꞌ ityájma pajta taatáhuɨɨreꞌen.

San Marcos 9:22 ပူးပေါင်းရင်းမြစ်များ

San Mateo 14:31

Tɨꞌɨj ij ɨ Jesús jaꞌuméjcaꞌtacaꞌ, jajvíꞌ aꞌɨ́jcɨ ɨ Pedro ɨ muácaꞌraꞌan jitze, aj puꞌij aꞌyan tyaatéꞌexaa tɨjɨn: —Capáj aꞌchu tyáꞌtzaahuatyeꞌ. ¿Jiꞌnye een jɨmeꞌ petyuꞌtátzɨɨn?

San Mateo 17:15

—Nyavástaraꞌ, áncuꞌvajxɨꞌ ɨ nyiyóoj, jiꞌnye tyóotɨmueꞌracaa, puꞌríj áꞌtyeej tɨ jajpuéjtzij, mueꞌtɨ́j pu anájve ɨ tɨéj jitze ajta a jáataꞌ.

San Mateo 20:34

Aj puꞌij Jesús huaꞌancuꞌvajxɨ, ajta jeꞌen huaꞌrámuarɨeꞌxɨj ɨ huaꞌjɨꞌsij jitze. Tɨꞌɨj huaꞌrámuarɨeꞌxɨj aj mu mij huarúj, matɨꞌɨj mij atanyéenyeꞌrij muáꞌraa, aj mu mij jamuán joꞌcɨ́j.

San Mateo 8:2

Aj puꞌij sɨ́ɨj tyáatɨꞌ aveꞌréꞌnyej ɨ Jesús jimi, tyíꞌcuiꞌcaꞌaj aꞌɨ́jna jɨmeꞌ tɨ cáꞌatzaj aꞌɨ́ɨ puꞌij jimi tyítunutacaꞌ ɨ Jesús, ajta aꞌyan tyaatéꞌexaa tɨjɨn: —Nyavástaraꞌ tɨpuaꞌaj muaꞌráanajchij pataꞌaj tyináahuaatyeꞌen.

San Mateo 9:28

Tɨꞌɨj Jesús utyájrupij u chiꞌtáj, aj mu mij jimi aveꞌréꞌnyej ɨ maj aracúcuꞌnyijmee, aj puꞌij aꞌyan tyihuoꞌtaꞌíhuoꞌriꞌ tɨjɨn: —¿Nyi setyáꞌtzaahuatyeꞌ nyaj tyajaꞌmuahuaatyeꞌen? Matɨꞌɨj mij aꞌyan tyityaatanyúj tɨjɨn: —Aꞌyaa pu tyiꞌjaꞌyájna tavástaraꞌ.

San Marcos 5:19

Ajta ɨ Jesús capu jaatáꞌ, sulu aꞌyaa pu tyaatéꞌexaa tɨjɨn: —Áricuj jóꞌraꞌ joꞌpaj jaꞌchej huaꞌ jamuán aꞌihuáamuaꞌ, pajta jeꞌen néijmiꞌi huoꞌtéꞌexaatyeꞌen jeꞌej tɨ muáaruuj ɨ tavástaraꞌ, ajta jeꞌej tɨ tyimuáꞌancuꞌvaxɨj.

San Marcos 9:21

Jesús pu aꞌyan tyaataꞌíhuoꞌriꞌ ɨ táatajraꞌ tɨjɨn: —¿Aꞌchunyéj arí áꞌtyeej tɨ aꞌyan tyeꞌtyáꞌsacaa? Ajta ɨ táatajraꞌ aꞌyaa pu tyuꞌtanyúj tɨjɨn: —Tɨꞌɨj naꞌaj jeꞌej tyiꞌcɨ́leenyeꞌej.

San Marcos 9:23

Jesús pu aꞌyan tyaatéꞌexaa tɨjɨn: —¿Jiꞌnye pej pij aꞌyan tyíꞌxaj yee: tɨpuaꞌaj peeyíꞌtɨhuaꞌan? Néijmiꞌi pu tyíɨꞌrij aꞌɨ́jcɨ jimi ɨ tɨ tyáꞌtzaahuatyeꞌ.

San Lucas 7:13

Tɨꞌɨj Jesús jaaséj, jéehua pu huatóoxaamujri ɨ íitaj jimi, aꞌyaa pu tyaatéꞌexaa tɨjɨn: —Capáj ayiinyaj.