San Marcos 7:21 - El Nuevo Testamento y Salmos

²¹ Jiꞌnye tzajtaꞌ ɨ tyévij, ɨ xɨéjnyuꞌcariaꞌraꞌ tzajtaꞌ, aꞌúu pu jeꞌrányinyiij ɨ muaꞌtzíiraꞌaj tɨ jeꞌej puaꞌaj een, tɨ caꞌnyíjraꞌaj jatáꞌcaa ɨ tyévij tɨꞌij jaataxɨéꞌveꞌen tɨ séej jamuán huáhuiꞌnyij tɨquee jatyéviꞌtɨn, tɨꞌij tyuꞌnáhuaꞌan, naꞌríij tɨ tyuꞌjéꞌcaj,

San Marcos 7:21 ပူးပေါင်းရင်းမြစ်များ

SALMOS 119:36

Tyuꞌtáꞌ tɨꞌij ɨ nyaxɨéjnyuꞌcaa aꞌɨ́j huátaxɨeꞌveꞌen muáaj paj jɨn tyuꞌtaꞌíjtacaꞌ quee aꞌɨ́jcɨ ɨ tɨ avíitzij jɨn huamueꞌtɨchiꞌhuacaꞌ.

SALMOS 14:1

Aꞌɨ́ɨmaj ɨ maj quee maꞌumuámuaꞌreꞌ aꞌyaa mu tyíꞌmuaꞌtzej tɨ quee ɨ Dios séejreꞌ, néijmiꞌi mu meríj jeꞌej puaꞌaj huarɨ́j, tyiꞌtɨ́j mu jɨn huápuɨꞌɨj jeꞌej puaꞌaj huarɨ́j, ¡capu sɨ́ɨj séejreꞌ tɨ tyámuaꞌ tyiꞌtyúuchaꞌɨɨj!

SALMOS 14:3

Ajta néijmiꞌi mu meríj aꞌɨ́j jitze ucájrupij ɨ juyéj tɨ jeꞌej puaꞌaj een, néijmiꞌi mu juxaꞌaj tyiꞌtɨ́j jɨn meríj jeꞌej puaꞌaj huarɨ́j. ¡Capu cheꞌ sɨ́ɨj séejreꞌ tɨ tyámuaꞌ tyiꞌtyúuchaꞌɨɨcaj! ¡Capu naꞌaj sɨ́ɨj maꞌ jáꞌsejreꞌ!

SALMOS 53:1

Aꞌɨ́ɨmaj ɨ maj quee maꞌumuámuaꞌreꞌ aꞌyaa mu tyíꞌmuaꞌtzej tɨquee ɨ Dios maꞌ jáꞌsejreꞌ néijmiꞌi mu meríj jeꞌej puaꞌaj tyityoꞌcájrupij, néijmiꞌi mu meríj tyiꞌtɨ́j jɨn jeꞌej puaꞌaj huarɨ́j, ¡capu sɨ́ɨj séejreꞌ tɨ tyámuaꞌ tyiꞌtyúuchaꞌɨɨj!

SALMOS 53:3

Majta néijmiꞌi mu meríj yaa pujmuaꞌ huárupij, néijmiꞌi mu juxaꞌaj tyiꞌtɨ́j jɨn meríj jeꞌej puaꞌaj huarɨ́j. ¡Capu cheꞌ sɨ́ɨj séejreꞌ tɨ tyámuaꞌ tyiꞌtyúuchaꞌɨɨcaj! ¡Capu naꞌaj sɨ́ɨj maꞌ jáꞌsejreꞌ!

San Mateo 15:19

Jiꞌnye tzajtaꞌ pu jáꞌmaꞌcan néijmiꞌi ɨ muaꞌtzíiraꞌaj tɨ jeꞌej puaꞌaj een, tɨ caꞌnyíjraꞌaj jatáꞌcaa tɨꞌij tyiꞌtɨ́j jɨn jeꞌej puaꞌaj huárɨnyij, tɨpuaꞌaj tyityáacuiꞌnyij, naꞌríij séej jamuán huóoxanaꞌcɨreꞌen, nusu tɨ tyuꞌnáhuaꞌan, naꞌríij tyuꞌhuéꞌtaj, naꞌríij tɨ jeꞌej puaꞌaj tyihuáꞌxajtaj ɨ juxaꞌaj tyeɨ́tyee.

San Mateo 9:4

Ajta ɨ Jesús pu jáamuaꞌreeriꞌ jeꞌej maj yeꞌej tyíꞌmuaꞌajcaa, aj puꞌij aꞌyan tyihuoꞌtaꞌíhuoꞌriꞌ tɨjɨn: —¿Jiꞌnye siaj sij huápuɨꞌɨj jeꞌej puaꞌaj tyíꞌmuaꞌtzej mu jutzájtaꞌ?

San Marcos 7:20

Aꞌyaa pu ajta tyuꞌtaxájtacaꞌ tɨjɨn: —Aꞌɨ́jna ɨ tɨ tyévij jitze éejnyinyii, aꞌɨ́ɨ pu xaa jeꞌej puaꞌaj joorej.

San Marcos 7:22

tɨ séej jamuán huóoxanaꞌcɨreꞌen tɨ quee jatyéviꞌtɨn, tɨ tyíꞌnyacuaꞌtzaj, tɨ jeꞌej puaꞌaj rɨjcaj, nusu tɨ huáꞌcuanamuaj, tɨ jeꞌej puaꞌaj huojoꞌmuaꞌraj, naꞌríij tɨ jeꞌej puaꞌaj tyihuáꞌxajtaj, ajta tɨ jéehua óotzaahuatyeꞌej, ajta quee jitzán juxɨéꞌvaꞌaj jeꞌej tɨ tyihuáꞌhuɨɨreꞌ ɨ séecan.

San Lucas 16:15

Aꞌyaa pu tyihuoꞌtéꞌexaaj ɨ Jesús tɨjɨn: —Muaꞌaj xu aꞌɨ́ɨn puéꞌeen ɨ siaj aꞌyan tyúusejrataj siaj tyámuaꞌ tyityetyúuchaꞌɨj ɨ tyeɨ́tyee jimi, Ajta Dios pu jamuaꞌreej jeꞌej siaj een mu jutzájtaꞌ, aꞌɨ́jna tɨ naa huaséꞌrin ɨ tyeɨ́tyee jimi, aꞌɨ́ɨ pu jeꞌej puaꞌaj huaséꞌrin ɨ Dios jimi.

Hechos 5:4

¿Nyiquee muéetzij jaꞌaꞌricaꞌaj ɨ chuéj? Ajta patɨꞌɨj jáatoj, ¿nyiquee ajta muéetzij muaꞌ aꞌricaꞌaj ɨ túmii? ¿jiꞌnye tɨꞌij aꞌyan tyimuoꞌtámiteerastej pej pij aꞌyan tyiꞌtɨ́j huáꞌuurej? Capáj aꞌɨ́ɨjma putyuꞌcuanamuaj ɨ tyeɨ́tyee, sulu ɨ Dios paj huácuanamuaj.

Hechos 8:22

Huatapuáꞌcɨtaj aꞌíjcɨ ɨ paj jɨn jeꞌej puaꞌaj rɨcɨj, pajta jaatáhuaviij ɨ Dios, tɨꞌij tyimuaatúꞌuunyiꞌ aꞌɨ́jcɨ jɨmeꞌ ɨ paj asɨ́ɨj aꞌyan tyéejtyoj muaꞌ tzajtaꞌ.

Romanos 7:5

Jiꞌnye tyatɨꞌɨj aꞌyan tyíꞌtyechajcaꞌaj matɨꞌɨj ɨ maj jeꞌej puaꞌaj tyityetyúuchaꞌɨj, aꞌɨ́jna ɨ nyúucarij ɨ maj jɨn tyíꞌijta, aꞌyaa pu tyitaatyáhuɨɨ tyej tyij jáamuaꞌreej tyaj quee xáꞌpuɨꞌ rɨjcaa, aꞌɨ́j tutyij huamueꞌtɨj tyej tyij huácuiꞌnyij.

Romanos 7:8

Ajta aꞌɨ́jna ɨ tɨ jeꞌej puaꞌaj een aꞌíj pu jitze huóocaꞌan, tɨꞌij nye jitze jaatyátoonyij néijmiꞌi ɨ tɨ jeꞌej puaꞌaj een. Jiꞌnye tɨpuaꞌaj quee séjreꞌej ɨ nyúucarij ɨ maj jɨn tyíꞌijta, capu ɨꞌríj tyaj jáamuaꞌreej tyiꞌtɨ́j tɨ jeꞌej puaꞌaj een.

Colosenses 3:5

Siataꞌaj jaatapuáꞌcɨtaj néijmiꞌi ɨ tɨ jeꞌej puaꞌaj een ɨ tɨ jaꞌmua jitze séejreꞌ, cheꞌ quee aꞌtɨ́j juxanaꞌcɨriaꞌaj, caxu tóoaꞌcareꞌen tɨ tyajamuaataꞌíjtyeꞌej ɨ tɨ jaꞌmua tzajtaꞌ eerányinyii, caxu cheꞌ jahuoocaj ɨ tɨ jaꞌmua jitze juxɨeꞌveꞌ tɨ ajta jeꞌej puaꞌaj een, siajta quee tyíꞌnyacuaꞌtzaj, jiꞌnye ɨ Dios jimi aꞌyaa pu een tɨꞌɨj ɨ aꞌtɨ́j tɨ janaꞌmichej ɨ tɨquee Dios puéꞌeen.

Tito 3:3

Jiꞌnye jájcuaj ɨmuáj tu tyajta ityáj aꞌyan éenyeꞌej, catu tyiꞌtɨ́j muaꞌreeriacaꞌaj catu tyajta tyiꞌtɨ́j jáꞌastyajcaꞌaj. Aꞌyaa tu éenyeꞌqueꞌ jeꞌej puaꞌaj tyíꞌtyechajcaꞌaj tyahuaꞌajchaꞌɨ́ɨriaꞌaj ɨ taxaꞌaj tyeɨ́tyee, majta aꞌɨ́ɨn tájchaꞌɨɨriaꞌcaꞌaj ityájma, tyajta tajɨ́ɨmuaꞌaj tájaaxɨejviꞌracaꞌaj séej jamuán tyajta séej.

Santiago 2:4

Tɨpuaꞌaj aꞌyan siarɨjca, aꞌɨ́j xu jɨn quee juxaꞌaj sianaꞌaj tyihuáꞌsej ɨ juxaꞌaj tyeɨ́tyee, sulu aꞌyaa xu tyihuáꞌxɨjtyeꞌ ɨ juxaꞌaj tyeɨ́tyee, aꞌɨ́jna jɨmeꞌ tɨquee xáꞌpuɨꞌ een.