San Marcos 5:9 - El Nuevo Testamento y Salmos

⁹ Jesús pu aꞌyan tyaataꞌíhuoꞌriꞌ tɨjɨn: —¿Jiꞌnye puaꞌantyapuaj? Aj puꞌij aꞌyan tyuꞌtanyúj tɨjɨn: —Aꞌyaa nu ántyapuaj tɨjɨn Legión, jiꞌnye tyámuaꞌ tu tyíꞌtyamuiꞌij.

San Marcos 5:9 ပူးပေါင်းရင်းမြစ်များ

San Mateo 12:45

Aj puꞌij ɨ júuricamej uhuajaꞌráviꞌtɨj séecan ɨ maj aráahuaꞌpuaj aráꞌasej ɨ maj jéetzeꞌ jeꞌej puaꞌaj een quee ɨ aꞌɨ́jna, aj mu mij néijmiꞌi utyárutyij mej mij iiráatyaꞌaj muáꞌraꞌnyij ɨ tyévij tzajtaꞌ, ajta jeꞌen aꞌyan tyeꞌráamej tɨ jéetzeꞌ jeꞌej puaꞌaj éenyeꞌej taꞌmej aꞌɨ́jna ɨ tyévij quee tɨꞌɨj jájcuaj éenyeꞌej. Aꞌyaa puꞌij tyihuáꞌuurej aꞌɨ́ɨjma ɨ maj jeꞌej puaꞌaj tyíꞌtyetyeɨtyee.

San Mateo 26:53

¿Nyi pequee jamuaꞌreej nyej nyáaj jaayíꞌtɨn nyaj jaatáhuaviij ɨ nyavástaraꞌ tɨꞌij huéeicatyej víꞌraꞌaj huojoꞌtaꞌítyej ɨ maj tajapuá tyíꞌhuɨɨreꞌ?

San Marcos 5:10

Aꞌɨ́ɨ puꞌij aꞌyan jéehua tyáꞌhuaviiracaꞌaj aꞌɨ́jcɨ ɨ Jesús tɨquee hueꞌráꞌityacareꞌen aꞌájna.

San Marcos 5:15

Matɨꞌɨj aꞌáa joꞌréꞌnyej joꞌtɨj jeꞌej jéꞌeenyeꞌej ɨ Jesús, aj mu mij aꞌɨ́j huaséj ɨ tyévij ɨ tyiyáaruꞌuj maj tzajtaꞌ úꞌsejriaꞌcaꞌaj, aꞌáa pu joꞌtácatyii, capu cheꞌ jutɨmueꞌracaꞌaj, puꞌríj tyámuaꞌ éenyaꞌcaꞌaj aꞌɨ́jna ɨ tyévij. Jéehua mu ɨ tyeɨ́tyee tyuꞌtátzɨɨn,

San Marcos 5:8

Aꞌyaa pu tyíꞌxajtacaꞌaj, jiꞌnye Jesús pu aꞌyan tyaatájeevacaꞌaj tɨjɨn: —Tyiyáaruꞌ mu paj jeꞌej puaꞌaj metyóomuaꞌrej, iirájraꞌ mu tyévij tzajtaꞌ.

San Lucas 8:30

Jesús puꞌij aꞌyan tyaataꞌíhuoꞌriꞌ tɨjɨn: —¿Jiꞌnye puaꞌantyapuaj? Aꞌyaa pu tyuꞌtanyúj aꞌɨ́jna ɨ aꞌtɨ́j tɨjɨn: —Ɨ tyaj séej víꞌraꞌaj aráꞌasej. Aꞌyaa pu tyuꞌtaxájtacaꞌ, jiꞌnye jéehua mu ɨ tyiyáaruꞌuj tzajtaꞌ séjriaꞌcaꞌaj,