San Marcos 3:5 - El Nuevo Testamento y Salmos

⁵ Aj puꞌij Jesús huoꞌséerajraa nyuꞌcamuɨꞌɨj, ajta huatóoxaamujrityej aꞌɨ́ɨjma jimi ɨ maj quee jaxɨeꞌvaꞌcaꞌaj maj jáanamuaj, tɨꞌquij aꞌyan tyaatajé aꞌɨ́jcɨ ɨ tyáataj tɨjɨn: —Huatátzaaraj muaꞌ muácaꞌ. Aj puꞌij ɨ tyáatɨꞌ jaatátzaaracaꞌ ɨ jumuácaꞌ tɨꞌquij huarúj.

San Marcos 3:5 ပူးပေါင်းရင်းမြစ်များ

SALMOS 95:10

Huáꞌpuatyej nyinyiꞌraꞌaj nu áꞌtyeej nyaj nyúꞌcamuɨꞌ aꞌɨ́ɨjma jimi ɨ tyeɨ́tyee, nyajta aꞌyan tyuꞌtaxájtacaꞌ tɨjɨn: Aꞌíimaj ɨ tyeɨ́tyee huápuɨꞌɨj mu jeꞌej puaꞌaj tyityaajúꞌ, ¡camu jaꞌastej ɨ nyúucarij ɨ nyaj jɨn tyuꞌtaꞌíjtacaꞌ!”

San Mateo 12:13

Aj puꞌij ɨ Jesús aꞌyan tyaatéꞌexaa aꞌɨ́jcɨ ɨ tɨ cɨyáaxaraꞌ ɨ jumuácaꞌ jitze tɨjɨn: —Huatátzaaraj muaꞌ muácaꞌ, aj puꞌij aꞌɨ́jna ɨ tyáatɨꞌ jaatátzaaracaꞌ ɨ jumuácaꞌ, aj puꞌij huarúj, aꞌyaa pu éenyeꞌej jaꞌraa tɨꞌɨj ɨ sɨ́ɨj ɨ muácaꞌraꞌan.

San Marcos 3:4

Ajta jeꞌen aꞌyan tyihuoꞌtaꞌíhuoꞌriꞌ ɨ séecan tɨjɨn: —¿Tyiꞌtanyí jɨn jeꞌej tyíɨꞌrij tɨꞌij aꞌtɨ́j aꞌyan huárɨnyij aꞌájna xɨcáaraꞌ jitze ɨ maj jitzán jusoꞌpii, nyi tɨ tyámuaꞌ huárɨnyij, caꞌ tɨ jeꞌej puaꞌaj huárɨnyij? ¿Nyi maj séej tyúꞌhuaatyeꞌen caꞌ maj séej antyipuáꞌrityeꞌen? Majta aꞌɨ́ɨmaj camu jeꞌej tyuꞌtaxájtacaꞌ.

San Lucas 13:15

Jesús pu aꞌyan tyuꞌtanyúj tɨjɨn: —Mu siaj quee tyámuaꞌ tyíꞌhuɨɨreꞌ ɨ Dios jimi, ¿nyij sequée hueꞌejxɨɨxɨj ɨ juyaꞌmuáj, tɨpuaꞌaj púuyej, naꞌríij púuruꞌ siaj sij uhuojoꞌvéiꞌtyeꞌen aꞌájna xɨcáaraꞌ jitze ɨ maj jitzán jusoꞌpii?

San Lucas 17:14

Tɨꞌɨj Jesús huoꞌséj, aꞌyaa pu tyihuoꞌtéꞌexaaj tɨjɨn: —Siataꞌaj ujóꞌjuꞌ huaꞌ jimi ɨ maj tyíꞌhuɨɨreꞌ u tyeyúuj tzajtaꞌ siaj sij huatóosejrata aꞌɨ́ɨjma jimi. Matɨꞌɨj móoj ajoojúꞌcaj, aj puꞌij capuaꞌriacaꞌaj ɨ atzáj matɨꞌɨj mij naa éenyeꞌej muáꞌraa.

San Lucas 6:10

Ajta jeꞌen huoꞌséerajraa ɨ maj aꞌáa jaꞌtaváatɨmaꞌcaa, tɨꞌquij aꞌyan tyaatéꞌexaa aꞌɨ́jcɨ ɨ tɨ quee támeevej tɨjɨn: —Huatátzaaraj muaꞌ muácaꞌ. Aj puꞌij ɨ tyáatɨꞌ jaatátzaaracaꞌ, tɨꞌquij huarúj ɨ jumuácaꞌ jitze.

San Juan 9:7

Ajta aꞌyan tyaatéꞌexaa tɨjɨn: —Áricuj aꞌájna joꞌtɨj jaꞌrájmuaa a tɨ aꞌyan tyajaꞌrájtyapuaj tɨjɨn Siloé (Siloé aꞌyaa pu huatóomuaꞌaj tɨjɨn: ɨ tɨ huataꞌítyiꞌhuacaꞌ.) Aꞌáa puꞌij joꞌmej aꞌɨ́jna ɨ tɨ arácun tɨꞌɨj ij acóojɨstaꞌmij, ajta tɨꞌɨj ujaꞌrájraa puꞌríj atányeericaꞌaj.

Romanos 11:25

Nyeꞌihuáamuaꞌ, aꞌyaa nu tyáꞌxɨeꞌveꞌ siaj yoꞌitéej xáꞌraꞌnyij aꞌɨ́jna ɨ tɨ aviitziꞌ ɨ Dios jimi, siaj sij quee tyiꞌtɨ́j jɨn óotzaahuatyeꞌej. Aꞌɨ́ɨmaj ɨ maj Israel jitze ajtyámaꞌcan jeꞌcáj mu quee tyihuojóꞌitej, aꞌyaa pu tyihuóꞌruuj mej mij séecan tyáꞌantzaahuatyeꞌen ɨ maj quee Israel jitze ajtyámaꞌcan.

2 Corintios 3:14

Majta aꞌɨ́ɨmaj camu jaataxɨéꞌvej maj yoꞌitéej muáꞌraꞌnyij, majta móocheꞌ aꞌyan rɨcɨj, matɨꞌɨj joꞌjíjvej aꞌɨ́jna ɨ nyúucarij tɨ míꞌmaꞌcan, óocheꞌ pu aꞌyan huaséꞌrin cuxáa muaꞌranámiꞌhuajmee, ajta tɨquee eexúj aꞌtɨ́j huoꞌtáxɨɨxɨ, jiꞌnye aꞌɨ́j pu jitze maꞌcan ɨ Cɨríistuꞌ jeꞌej tyíɨꞌrij.

Efesios 4:18

majta quee tyiꞌtɨ́j jóꞌitej. Camu aꞌɨ́ɨmaj jamuaꞌreej jeꞌej tɨ tyíꞌeen ɨ Dios jimi, jiꞌnye camu tyihuojóꞌitej aꞌɨ́jna jɨmeꞌ maj quee tóocuaꞌnyii ɨ juxɨéjnyuꞌcaa tzajtaꞌ.

Efesios 4:26

Tɨpuaꞌaj xaatanyínyuꞌcacuj, caxu aꞌɨ́jcɨ jɨn ootyáꞌɨtzeꞌrihuaꞌan ɨ Dios jimi, caxu siajta áꞌtyeeviꞌ siaj nyinyuꞌcacuj tyiꞌtɨ́j jɨmeꞌ.

Efesios 4:30

Caxu xaamújriraꞌaj jatáꞌcareꞌen ɨ júuricamaꞌraꞌ ɨ Dios, ɨ tɨ jɨn ɨ Dios jáꞌmuamajtyen tɨjɨn jitzán xu ajtyámaꞌcan tɨꞌɨj atyojoꞌréꞌnyej aꞌnáj tɨ jaꞌmua japua huatányuusij.

Hebreos 3:10

Aꞌɨ́j nu jɨn huoꞌtájaaxɨejviꞌriꞌ néijmiꞌcaa aꞌɨ́ɨmaj ɨ tyeɨ́tyee, nyajta aꞌyan tyuꞌtaxájtacaꞌ tɨjɨn: “Aꞌnáj tɨnaꞌaj mu jeꞌej puaꞌaj tyíꞌmuaꞌtzej ɨ jutzájtaꞌ, majta quee aꞌnáj jaxɨeꞌveꞌ maj jáamuaꞌtyij jeꞌej nyej nyáaj tyíꞌijta.”

Hebreos 3:17

Ajta aꞌɨ́ɨjma ɨ Dios tɨ huáꞌpuatyej nyinyiꞌraꞌaj huáꞌjaaxɨejviꞌ aꞌɨ́ɨmaj mu aꞌɨ́ɨn puéꞌeen ɨ maj ootyáꞌɨtzee ɨ jimí, majta jeꞌen huáꞌcuii aꞌájna joꞌtɨj quee jáꞌtyiꞌtɨj.

Hebreos 5:9

ajta tɨꞌɨj néijmiꞌi jɨn tyámuaꞌ huarɨ́j, aj puꞌij aꞌɨ́jna jɨn tyeꞌentyájrupij tɨꞌij aꞌɨ́ɨn huiꞌrátoonyij jusén jɨmeꞌ néijmiꞌcaa ɨ maj jimi tyáꞌtzaahuatyeꞌ,

El Apocalipsis 6:16

aꞌyaa mu tyihuáꞌjeevacaꞌaj ɨ jɨríj majta ɨ tyetyéj tɨjɨn: —Siataꞌaj tajapuá rájvetyij siaj sij taꞌváꞌnaj tɨꞌij quee taaséj aꞌɨ́jna ɨ tɨ acájca ɨ ɨpuárij jitze, ajta tɨꞌij quee puéjtzij táacɨꞌtyij aꞌɨ́jna jɨmeꞌ ɨ cányaꞌaj tɨ jɨn nyúꞌcamuɨꞌ.