San Marcos 3:34 - El Nuevo Testamento y Salmos

³⁴ Aj puꞌij huoꞌséerajraa ɨ tyeɨ́tyee ɨ maj jimi ataquéetɨmaꞌcaj, tɨꞌquij aꞌyan tyihuoꞌtéꞌexaaj tɨjɨn: —Aꞌíi mu aꞌɨ́ɨn puéꞌeen ɨ nyináana majta ɨ nyeꞌihuáamuaꞌ.

San Marcos 3:34 ပူးပေါင်းရင်းမြစ်များ

SALMOS 22:22

Nyáaj nu aꞌ jitze maꞌcan tyihuoꞌtéꞌexaatyeꞌej ɨ nyeꞌihuáamuaꞌ, nyajta tyimuaatatyójtziꞌreꞌej aꞌájna joꞌmaj aꞌɨ́ɨmaj jóosɨꞌrii.

San Mateo 28:10

aj puꞌij Jesús aꞌyan tyihuoꞌtéꞌexaaj tɨjɨn: —Caxu tyíꞌtzɨɨnyeꞌej. Séricuj siataꞌaj huojoꞌtéꞌexaatyeꞌen ɨ nyeꞌihuáamuaꞌ maj jóꞌcɨɨnyej aꞌájna a Galileea, aꞌáa mu nyejeꞌseejran.

San Marcos 3:33

Jesús pu aꞌyan tyihuoꞌtéꞌexaaj tɨjɨn: —¿Aꞌtanyíj aꞌɨ́ɨn puéꞌeen ɨ nyináana majta ɨ nyeꞌihuáamuaꞌ?

San Marcos 6:6

Ajta jeꞌej puaꞌaj tyóomuaꞌajcaj jiꞌnye camu ɨ tyeɨ́tyee jimi tyáꞌtzaahuatyaꞌcaꞌaj. Aꞌáa pu ɨ Jesús véjriꞌ joꞌcháꞌcanyaꞌaj, tyihuaꞌmuaꞌtyáaj.

San Juan 20:17

Jesús pu aꞌyan tyaatéꞌexaa tɨjɨn: —Capáj nyaꞌɨtzaaj, jiꞌnye canu nyeexúj aꞌáa joꞌmej ɨ nyavástaraꞌ jimi. Ajta áricuj pataꞌaj aꞌyan tyihuoꞌtéꞌexaatyeꞌen ɨ nyeꞌihuáamuaꞌ nyej nyajtáhuaꞌaj joꞌmej aꞌɨ́jcɨ jimi ɨ nyavástaraꞌ, tɨ ajta jaꞌmuavástaraꞌ puéꞌeen, nyajta aꞌɨ́jcɨ jimi ɨ nyaj Dios ɨ tɨ ajta jaꞌmua Dios puéꞌeen.

Romanos 8:29

Ajta aꞌɨ́ɨjma ɨ tɨ Dios jájcuaj ɨmuáj arí huáꞌmuajtyajcaꞌaj, aꞌyaa pu tyihuaꞌantyíhuoo tɨꞌij aꞌyan huóꞌuurej tɨꞌɨj aꞌɨ́jna ɨ yójraꞌ, ajta tɨꞌij aꞌɨ́ɨn pueꞌéenyeꞌej táꞌraꞌnyij ɨ taꞌnájcaj aꞌɨ́ɨjma jimi ɨ ihuáamuaꞌmuaꞌ.