San Marcos 2:8 - El Nuevo Testamento y Salmos

⁸ Ajta ɨ Jesús pu jáamuaꞌreeriꞌ jeꞌej maj yeꞌej tyíꞌmuaꞌajcaa, aꞌyaa puꞌij tyihuoꞌtaꞌíhuoꞌriꞌ tɨjɨn: —¿Jiꞌnye siaj sij aꞌyan tyíꞌmuaꞌtzej?

San Marcos 2:8 ပူးပေါင်းရင်းမြစ်များ

SALMOS 139:2

muáaj paj néijmiꞌi muaꞌreej jeꞌej nyaj tyiꞌtyínyechaꞌɨj, tyij pajta aꞌɨmuáj jáꞌsejreꞌ muáaj paj jamuaꞌreej jeꞌej nyaj tyíꞌmuaꞌtzej.

San Mateo 12:15

Tɨꞌɨj ɨ Jesús jáamuaꞌreeriꞌ jeꞌej maj tyaaxáꞌpuɨꞌɨntarej, aj puꞌij iirájraa, majta jéehua ɨ tyeɨ́tyee jamuán joꞌcɨ́j. Ajta ɨ Jesús pu néijmiꞌcaa pu tyúꞌhuaaj ɨ maj tyíꞌcucuiꞌcaꞌaj,

San Mateo 16:7

Majta aꞌɨ́ɨmaj ɨ maj Jesús jamuán huacɨ́j, aꞌyaa mu jujɨ́ɨmuaꞌaj tyúuꞌixaatyaꞌcaꞌaj tɨjɨn: —Aꞌyaa pu tyíꞌtaꞌixaatyeꞌ, jiꞌnye catu yaꞌráaɨꞌpuj ɨ páan.

San Mateo 9:4

Ajta ɨ Jesús pu jáamuaꞌreeriꞌ jeꞌej maj yeꞌej tyíꞌmuaꞌajcaa, aj puꞌij aꞌyan tyihuoꞌtaꞌíhuoꞌriꞌ tɨjɨn: —¿Jiꞌnye siaj sij huápuɨꞌɨj jeꞌej puaꞌaj tyíꞌmuaꞌtzej mu jutzájtaꞌ?

San Marcos 2:7

“¿Jiꞌnye tyóocaꞌnyej tɨꞌij aꞌyan tyíꞌxajtaj aꞌmújna? Nyúucariaꞌraꞌ pu jeꞌej puaꞌaj namuajreꞌ ɨ Dios jimi. Aꞌɨ́ɨ puꞌuj ɨ Dios jaayíꞌtɨn tɨꞌij tyihuoꞌtúꞌuunyiꞌ ɨ maj jɨn ootyáꞌɨtzee.”

San Marcos 2:9

¿Tyiꞌtanyí quee tyésiꞌ, nyi nyaj aꞌyan tyaatéꞌexaatyeꞌen ɨ tɨquee tyéjchevej yee: “Nuꞌríj tyimuaatúꞌuunyiꞌriꞌ ɨ paj jɨn quee xáꞌpuɨꞌ huarɨ́j ɨ Dios jimi”, nusu nyaj aꞌyan yee: “Ájchesij, pajta jaꞌantyiꞌɨꞌɨj muaꞌ utáatzij pajta jeꞌen jóꞌraꞌnyij”?

San Marcos 7:21

Jiꞌnye tzajtaꞌ ɨ tyévij, ɨ xɨéjnyuꞌcariaꞌraꞌ tzajtaꞌ, aꞌúu pu jeꞌrányinyiij ɨ muaꞌtzíiraꞌaj tɨ jeꞌej puaꞌaj een, tɨ caꞌnyíjraꞌaj jatáꞌcaa ɨ tyévij tɨꞌij jaataxɨéꞌveꞌen tɨ séej jamuán huáhuiꞌnyij tɨquee jatyéviꞌtɨn, tɨꞌij tyuꞌnáhuaꞌan, naꞌríij tɨ tyuꞌjéꞌcaj,

San Lucas 24:38

Aꞌyaa pu tyihuoꞌtéꞌexaaj tɨjɨn: —¿Jiꞌnye siaj sij huápuɨꞌɨj tyíꞌtzɨɨnyeꞌ? ¿Jiꞌnye huápuɨꞌɨj tyajaꞌmuatyesiꞌhuarityeꞌ siaj tyáꞌantzaahuatyeꞌen?

San Lucas 5:22

Ajta aꞌɨ́jna ɨ Jesús aꞌɨ́ɨ pu jáamuaꞌreeriꞌ jeꞌej maj tyíꞌmuaꞌajcaa, aꞌyaa puꞌij tyihuoꞌtaꞌíhuoꞌriꞌ tɨjɨn: —¿Jiꞌnye siaj sij aꞌyan tyíꞌmuaꞌtzej?

San Lucas 6:8

Ajta ɨ Jesús pu jamuaꞌreeriacaꞌaj jeꞌej maj tyíꞌmuaꞌajcaa, aꞌɨ́j pu jɨn aꞌyan tyaatéꞌexaa aꞌɨ́jcɨ ɨ tɨ quee támeeveꞌej tɨjɨn: —Ájchesij maj jéꞌtaꞌ huatyéjchaxɨj. Aj puꞌij aꞌɨ́jna ɨ tyáatɨꞌ ájchej, tɨꞌquij huatyéechaxɨj,

San Juan 21:17

Huéeicaj jitze pu ajtáhuaꞌaj ɨ Jesús aꞌyan tyaataꞌíhuoꞌriꞌ tɨjɨn: —Simón mu paj yójraꞌ puéꞌeen ɨ Juan, ¿nyi tzáahuatyiꞌraꞌaj jɨn pényaxɨeꞌveꞌ? Ajta aꞌɨ́jna ɨ Pedro, jéehua pu huatóoxaamujri tɨꞌɨj ɨ Jesús aꞌyan huéeicaj tyaataꞌíhuoꞌriꞌ tɨpuaꞌaj jaxɨeꞌvaꞌaj, aj puꞌij aꞌyan tyaatéꞌexaa tɨjɨn: —Nyavástaraꞌ, muáaj paj néijmiꞌi muaꞌreej, muáaj paj jamuaꞌree nyaj muaxɨeꞌveꞌ. Jesús pu aꞌyan tyaatéꞌexaa tɨjɨn: —Pataꞌaj tyámuaꞌ tyihuóꞌchaꞌɨɨn ɨ nyetyeɨ́ɨtyeristyamuaꞌ.

San Juan 6:64

Ajta séecan mu jaꞌmua jimi séejreꞌ ɨ maj quee tyáꞌtzaahuatyeꞌ. Aꞌyaa pu tyihuoꞌtéꞌexaaj ɨ Jesús, jiꞌnye aꞌɨ́ɨ pu arí jamuaꞌreeriacaꞌaj aꞌtyán maj puéꞌeenyeꞌej ɨ maj quee tyáꞌtzaahuatyeꞌ, ajta aꞌtɨ́j tɨ aꞌɨ́ɨn puéꞌeenyeꞌej ɨ tɨ aꞌɨ́j tyuꞌtátuiireꞌsij.

Hechos 5:3

Aj puꞌij ɨ Pedro aꞌyan tyaatéꞌexaa tɨjɨn: —Ananías, ¿jiꞌnye petyaatáꞌ tɨ ɨ tyiyáaruꞌ muaꞌantyimuéꞌtɨn tɨꞌij caꞌnyíjraꞌaj muaatáꞌ paj jáacuanamuaj ɨ júuricamaꞌraꞌ ɨ Dios aꞌɨ́jcɨ jɨmeꞌ ɨ paj jeꞌcácaa huatyáꞌɨtziirej ɨ túmii ɨ paj jaamuéꞌtɨj aꞌɨ́jcɨ jɨmeꞌ ɨ chuéj paj huátoo?

Hechos 8:22

Huatapuáꞌcɨtaj aꞌíjcɨ ɨ paj jɨn jeꞌej puaꞌaj rɨcɨj, pajta jaatáhuaviij ɨ Dios, tɨꞌij tyimuaatúꞌuunyiꞌ aꞌɨ́jcɨ jɨmeꞌ ɨ paj asɨ́ɨj aꞌyan tyéejtyoj muaꞌ tzajtaꞌ.

Hebreos 4:13

Ajta néijmiꞌi ɨ Dios tɨ tyúꞌtaahuacaꞌ capu tyiꞌtɨ́j ɨꞌríj tɨꞌij jimi huatyóoꞌavaaj, néijmiꞌi pu jimi tyíꞌsejreꞌ, ajta aꞌyan tyúuxɨeꞌveꞌ tyaj néijmiꞌi jimi huatátasejrataj.

El Apocalipsis 2:23

Nyajta huáꞌcuiꞌnyij ɨ yójmuaꞌmuaꞌ ɨ íitɨꞌ, aꞌyaa mu mij néijmiꞌi ɨ maj jusɨꞌrii ɨ Dios jimi tyáꞌmuaꞌreeren nyaj aꞌɨ́ɨn puéꞌeen ɨ tɨ júꞌmuaꞌree jeꞌej tɨ aꞌtɨ́j tyíꞌmuaꞌtzej ɨ jutzájtaꞌ, nyajta aꞌyan tyihuoꞌtáꞌsij séej nyajta séej jeꞌej tɨ tyiꞌtɨ́j jɨn huarɨ́j.