San Marcos 11:3 - El Nuevo Testamento y Salmos

³ Tɨpuaꞌaj aꞌtɨ́j aꞌyan tyajáꞌmuaꞌihuoꞌraj yee: “¿Jiꞌnye sijta tyaꞌrájxɨna mu púuruꞌ?”, aꞌyaa xu tyaatéꞌexaatyeꞌen yee: “Aꞌɨ́j pu jitzán juxɨeꞌveꞌ ɨ tavástaraꞌ”, siajta aꞌyan tyaatéꞌexaatyeꞌen tɨjɨn: “Jiyeꞌtzín tu tyijtá yajaváꞌtoosij”.

San Marcos 11:3 ပူးပေါင်းရင်းမြစ်များ

SALMOS 110:3

Aꞌɨ́ɨjma mu aꞌtyéɨtyeristyamuaꞌ muaatátuiireꞌej aꞌɨ́jcɨ xɨcáaraꞌ jitze ɨ paj jitzán tyuꞌtyámueꞌtɨj. Aꞌɨ́jcɨ japua ɨ jɨríj tɨ tyámuaꞌ een, ajta aꞌyájna tɨꞌɨj ɨ tɨ huarɨéenajyiꞌij tɨꞌɨjta huatapuaꞌrej aꞌɨ́j paj jɨn tɨꞌɨj pu panaꞌaj jajajcuareꞌ tɨꞌɨjta ɨ xɨcáj eeréꞌnyej.

SALMOS 24:1

Tavástaraꞌ pu jaꞌaꞌrij néijmiꞌi ɨ cháanacaj, ajta néijmiꞌi ɨ tɨ jitzán tyíꞌsejreꞌ, majta néijmiꞌi ɨ maj jitzán ajoꞌcháatɨmee.

San Marcos 11:2

Aꞌyan tyihuoꞌteꞌexáatyeꞌej tɨjɨn: —Séricuj, siataꞌaj aꞌáa jaꞌtanyéj a chájtaꞌ a tɨ véjriꞌ jáꞌsejreꞌ, tɨpuaꞌaj seríj aꞌáa jaꞌráꞌastij, aꞌáa xu púuruꞌ jáꞌtyoonyij tɨ quee xu aꞌnáj aꞌtɨ́j japuan aváꞌcaj, aꞌáa pu jeꞌejtápiꞌhuaj jaꞌmej. Aj xu sij jeꞌejxɨsta, siajta jeꞌen uyaꞌráaja.

San Marcos 11:4

Matɨꞌɨj mij ujóꞌjuꞌ, aꞌáa mu mij puaꞌquéj cáayej jitze yoꞌtyoj aꞌɨ́jcɨ ɨ púuruꞌ, aꞌáa pu jeꞌejtápiꞌhuacaꞌaj avéjriꞌ puéertaj jitze, matɨꞌɨj mij jeꞌejxɨstacaꞌ.

San Marcos 14:15

Aꞌɨ́ɨ puꞌij jamuaataséjratyeꞌsij ánɨmuaj ɨ chiꞌij tɨ uhuaréꞌyoo, puꞌríj tyámuaꞌ naa tyúꞌruuj, aꞌúu xu tyámuaꞌ tyúꞌuurej ɨ tyaj tyíꞌcuaꞌnyij.

Hechos 1:24

Aj mu mij huatyéenyuj ɨ Dios jimi, aꞌyaa mu tɨjɨn: —Tavástaraꞌ, muáaj paj jamuaꞌreej jeꞌej tɨ yeꞌej tyíꞌmuaꞌtzej ɨ jutzájtaꞌ sɨ́ɨj ajta ɨ sɨ́ɨj, taataséjratyeꞌ aꞌtanyíj períj antyíhuo aꞌíijma ɨ maj huaꞌpuaj.

Hechos 10:36

Dios pu aꞌyan tyihuoꞌtajé aꞌɨ́ɨmaj ɨ maj Israel jitze eerámaꞌcan, aꞌɨ́ɨ pu huoꞌtéꞌexaa ɨ nyúucarij tɨ tyúꞌtyamuaꞌvisteꞌ, aꞌɨ́jcɨ jɨmeꞌ ɨ Cɨríistuꞌ, aꞌɨ́jna ɨ tɨ néijmiꞌcaa vástaraꞌ.

Hechos 17:25

Capu aꞌyan tyúuxɨeꞌveꞌ maj tyiꞌtɨ́j jɨn jahuɨɨriaꞌaj, jiꞌnye aꞌɨ́ɨ pu néijmiꞌcaa tatáꞌcaa tyej tyij júurij táꞌraꞌnyij, ajta tatáꞌcaa ɨ áacaj tyej tyij ucayáatɨyiꞌcan, ajta tyitatáꞌcaa néijmiꞌi ɨ tɨ tyitáꞌɨtziityeꞌ.

2 Corintios 8:9

Jiꞌnye xuꞌríj muaꞌaj jamuaꞌreej tɨ ɨ tavástaraꞌ Jesús, ɨ tɨ ajta Cɨríistuꞌ puéꞌeen, aꞌɨ́ɨ pu néijmiꞌi tyíꞌijchaꞌɨj aꞌyan tyuꞌtóosejratacaꞌ tɨꞌɨj sɨ́ɨj tɨquee jeꞌej tyéejviicueꞌ, tɨꞌij jaꞌmua japua huatányuunyij, siaj sij muaꞌaj aꞌɨ́jna jɨn aꞌɨ́ɨn pueꞌéenyeꞌej xáꞌraꞌnyij ɨ maj tyaꞌancuriáaꞌsij ɨ Cɨríistuꞌ jimi.