San Marcos 10:18 - El Nuevo Testamento y Salmos

¹⁸ Jesús pu aꞌyan tyaatéꞌexaa tɨjɨn: —¿Jiꞌnye een jɨmeꞌ aꞌyan petyíꞌnyejee yee nyaj tyámuaꞌ een? Sɨ́ɨj puꞌuj séejreꞌ ɨ tɨ tyámuaꞌ een, aꞌɨ́ɨ pu aꞌɨ́ɨn puéꞌeen ɨ Dios.

San Marcos 10:18 ပူးပေါင်းရင်းမြစ်များ

SALMOS 119:68

Muáaj paj tyámuaꞌ tyihuojóꞌmuaꞌraj, pajta tyámuaꞌ tyiꞌtyíaꞌchaꞌɨj, náamuaꞌtyej ɨ nyúucarij paj jɨn tyíꞌijta.

SALMOS 145:9

Tavástaraꞌ pu jɨꞌréenyaꞌaj séejreꞌ néijmiꞌcaa jimi, ajta tyámuaꞌ naa tyíꞌchaꞌɨj ɨ tɨ tyúꞌtaahuacaꞌ.

SALMOS 86:5

Jiꞌnye muáaj, Tavástaraꞌ, tyámuaꞌ paj tyihuojóꞌmuaꞌraj pajta tyúꞌuunyiꞌ; néijmiꞌi paj jɨn huaꞌxɨeꞌveꞌ aꞌɨ́ɨjma ɨ maj muéetzij jimi jahuoo.

San Mateo 19:17

Jesús pu aꞌyan tyaatéꞌexaa tɨjɨn: —¿Jiꞌnye een jɨmeꞌ aꞌɨ́jna petyíꞌnyeꞌihuoꞌ tyiꞌtɨ́j tɨ xáꞌpuɨꞌ? Sɨ́ɨj puꞌuj aꞌɨ́ɨn puéꞌeen ɨ tɨ xáꞌpuɨꞌ een. Ajta tɨpuaꞌaj páaxɨeꞌveꞌej paj jusén jɨmeꞌ júurij puáꞌraꞌnyij, aꞌɨ́j paj aráꞌastej jeꞌej tɨ ɨ Dios tyuꞌtaꞌíjtacaꞌ.

San Marcos 10:17

Tɨꞌɨj ɨ Jesús arí joꞌyiꞌmuɨ́ɨcaj sɨ́ɨj pu aꞌtɨ́j ajeꞌréꞌnyej huatéechisimaꞌaj, aj puꞌij tyítunutacaꞌ ɨ Jesús jimi, tɨꞌquij aꞌyan tyaataꞌíhuoꞌriꞌ tɨjɨn: —Maeestro mu paj tyámuaꞌ een, ¿jiꞌnye náarɨnyij tɨꞌij náacɨꞌtyij nyaj júurij náꞌraꞌnyij jusén jɨmeꞌ?

San Marcos 10:19

Papuꞌríj jamuaꞌreej jeꞌej tɨ ɨ Dios tyuꞌtaꞌíjtacaꞌ: “Capáj tyíꞌtyacuiꞌcareꞌen,” “pajta quee tyíꞌxanaꞌcɨreꞌej,” “capáj tyíꞌnahuaꞌaj,” “capáj hueꞌtzij aꞌtɨ́j taavijriaꞌaj pajta quee aꞌtɨ́j cuanamuaj,” “huoꞌtyátzaahuatyeꞌ aꞌ táataj pajta aꞌ náanaj.”

San Lucas 18:19

Jesús pu aꞌyan tyuꞌtanyúj tɨjɨn: —¿Jiꞌnye een jɨmeꞌ aꞌyan petyíꞌnyaxaj yee nyaj tyámuaꞌ tyíꞌtyevij? Sɨ́ɨj pu aꞌɨ́ɨn puéꞌeen ɨ tɨ naa tyíꞌtyevij, aꞌɨ́ɨ pu aꞌɨ́ɨn puéꞌeen ɨ Dios.

Romanos 3:12

Néijmiꞌi mu meríj jeꞌej puaꞌaj huarɨ́j, majta néijmiꞌi meríj huóoxanaꞌcɨrej. Capu maꞌ aꞌtɨ́j tɨ tyámuaꞌ tyiꞌtyúuchaꞌɨɨj. Capu naꞌaj sɨ́ɨj aꞌtɨ́j maꞌ jáꞌsejreꞌ.

Santiago 1:17

néijmiꞌi ɨ tɨ tyámuaꞌ tyíꞌeen tɨ ajta quee tyiꞌtɨ́j jɨn tyáꞌɨtzeereꞌ ɨ tɨ tyajamuaacɨꞌɨj, tajapuá pu tyajáꞌmaꞌcan, aꞌɨ́jna jimi ɨ Dios ɨ tɨ néijmiꞌi tyúꞌtaahuacaꞌ. Ajta aꞌɨ́jna ɨ Dios capu aꞌnáj seequéj juꞌuurej, capu ajta aꞌnáj huariáꞌtɨcaꞌrij aꞌɨ́jna jimi.

1 Juan 4:16

Aꞌyaa tutyij aꞌɨ́jna jɨn tyáꞌmuaꞌreej, tyajta tyáꞌtzaahuatyeꞌ tɨ ɨ Dios taxɨeꞌveꞌ, ajta aꞌɨ́jna ɨ tɨ aꞌyan tyihuáꞌxɨeꞌveꞌ ɨ juxaꞌaj tyeɨ́tyee, aꞌɨ́ɨ pu ɨ Dios jimi séejreꞌ, ajta Dios pu ajta aꞌɨ́j jimí séejreꞌ ɨ tyévij.

1 Juan 4:8

Aꞌɨ́jna ɨ tɨquee huaꞌxɨeꞌveꞌ ɨ juxaꞌaj tyeɨ́tyee, capu jamuaꞌtyej ɨ Dios, jiꞌnye Dios pu aꞌɨ́ɨn puéꞌeen ɨ tɨ taxɨeꞌveꞌ.