San Juan 8:15 - El Nuevo Testamento y Salmos

¹⁵ Aꞌyaa xu muaꞌaj tyihuáꞌxɨjtyeꞌ jeꞌej siaj jujɨ́ɨmuaꞌaj tyéejtyoovej. Nyajta nyáaj, canu aꞌtɨ́j jaꞌxɨjtyeꞌ,

San Juan 8:15 ပူးပေါင်းရင်းမြစ်များ

San Lucas 12:14

Jesús pu aꞌyan tyuꞌtanyúj tɨjɨn: —¿Aꞌtanyíj tyinaꞌantyáarujtyej juées jɨmeꞌ nyej nyij nyáaj tyuꞌxáꞌpuɨꞌɨntareꞌen jaꞌmua jimi?

San Juan 12:47

Ajta aꞌɨ́jna ɨ tɨ janamuaj ɨ nyenyúucaa ajta quee náꞌastijreꞌ, canu nyáaj aꞌɨ́ɨn puéꞌeen ɨ nyaj jaꞌxɨjtyeꞌen, jiꞌnye canu nyáaj aꞌɨ́jna jɨn mujoꞌvéꞌmej nyej nyij huoꞌxɨ́jtyeꞌen ɨ maj aꞌyan huacháatɨmee ɨ cháanacaj japua, sulu nyej nyij huaꞌ japua huatányuunyij.

San Juan 18:36

Ajta aꞌɨ́jna ɨ Jesús aꞌyaa pu tyaatéꞌexaa tɨjɨn: —Aꞌɨ́jna ɨ nyaj jɨn tyíꞌijta, capu yan maꞌcan ɨ cháanacaj japua. Tɨpuaꞌaj aꞌyan nyamaꞌcantajcheꞌ, tyeɨ́tyee mu nye jimi tyiꞌhuɨ́ɨriaꞌcajcheꞌ ɨ maj huatyényoꞌseꞌen mej mij quee naatyéeviꞌ aꞌɨ́ɨmaj ɨ maj Israel jitze ajtyámaꞌcan. Ajta ɨ nyaj jɨn tyíꞌijta capu aꞌyan maꞌcan.

San Juan 3:17

Jiꞌnye capu ɨ Dios aꞌɨ́jna jɨn uyoꞌtaꞌítyacaꞌ ɨ juyój tɨꞌij puéjtzij huoꞌtáꞌan ɨ maj yan huacháatɨmee ɨ cháanacaj japua, sulu tɨꞌij néijmiꞌcaa huáhuɨɨreꞌen aꞌɨ́jcɨ jitze maꞌcan.

San Juan 7:24

Caxu aꞌɨ́jna jɨn aꞌyan tyihuáꞌxɨjtyeꞌej jeꞌej tɨ sɨ́ɨj huaséꞌrin. Siatɨꞌɨjtá séej áꞌxɨjtyeꞌej, aꞌyaa xu huárɨnyij jeꞌej tɨ tyiꞌtyéevijtɨj tzáahuatyiꞌraꞌaj jɨmeꞌ.

San Juan 8:11

Aj puꞌij ɨ íitɨꞌ aꞌyan tyuꞌtanyúj tɨjɨn: —Nyavástaraꞌ, capu maꞌ aꞌtɨ́j tɨ nye jitze tyíꞌpuaꞌrityeꞌ. Jesús pu aꞌyan tyaatéꞌexaa tɨjɨn: —Canu nyajta nyáaj tyiꞌtɨ́j a jitze puaꞌrityeꞌ, áricuj jóꞌraꞌ, capáj cheꞌ jaxanaꞌcɨriaꞌaj.

Romanos 2:1

Tɨpuaꞌaj muáaj aꞌtɨ́j jitzán petyíꞌpuaꞌrityeꞌej, capu ɨꞌríj paj aꞌyan tyuꞌtaxáj yee capáj muáaj tyiꞌtɨ́j jɨn jeꞌej puaꞌaj huarɨ́j, jiꞌnye muáaj paj aꞌyan chaꞌtaj panaꞌaj jeꞌej puaꞌaj tyiꞌtyíaꞌchaꞌɨj matɨꞌɨj aꞌɨ́ɨmaj.

1 Corintios 2:15

Ajta ɨ tɨ jitzán séejreꞌ ɨ júuricamaꞌraꞌ ɨ Dios, néijmiꞌi pu tyíꞌsej ajta néijmiꞌi tyojóꞌitej, ajta quee aꞌtɨ́j huatácɨꞌpej tɨ aꞌɨ́j ooxɨ́jtyeꞌen.

2 Corintios 5:16

Aꞌɨ́j pu jɨn, catu cheꞌ aꞌtɨ́j jeꞌej puaꞌaj tyíꞌmuaꞌtziireꞌ, tyij tyajta tyooj jájcuaj aꞌyan tyíꞌmuaꞌajcaa ɨ Cɨríistuꞌ jimi tɨ tyévij naꞌaj puéꞌeenyeꞌej, ajta ijíij catu cheꞌ aꞌyan tyíꞌmuaꞌtzej.

Santiago 2:4

Tɨpuaꞌaj aꞌyan siarɨjca, aꞌɨ́j xu jɨn quee juxaꞌaj sianaꞌaj tyihuáꞌsej ɨ juxaꞌaj tyeɨ́tyee, sulu aꞌyaa xu tyihuáꞌxɨjtyeꞌ ɨ juxaꞌaj tyeɨ́tyee, aꞌɨ́jna jɨmeꞌ tɨquee xáꞌpuɨꞌ een.