Hechos 4:26 - El Nuevo Testamento y Salmos

²⁶ Aꞌɨ́ɨmaj ɨ maj tyihuáꞌijtyeꞌ ɨ tyeɨ́tyee, majta ɨ maj vaꞌcán jɨn tyityatatyíj iiyeꞌej cháanacaj japua. Tyámuaꞌ mu juꞌuurej mej mij huatyényoꞌseꞌen aꞌɨ́jcɨ jimi ɨ Tavástaraꞌ, majta aꞌɨ́jcɨ jimi ɨ Cɨríistuꞌ.

Hechos 4:26 ပူးပေါင်းရင်းမြစ်များ

SALMOS 2:1

¿Jiꞌnye mej mij juꞌɨtziityeꞌ a chájtaꞌ joꞌmaj joꞌcháatɨmee ɨ maj quee tyáꞌtzaahuatyeꞌ? ¿Jiꞌnye mej mij chaꞌmanaꞌaj tyámuaꞌ juꞌuurej?

SALMOS 2:2

Ɨ maj rey jɨn tyityetyuꞌuj majta tajtúhuan jɨmeꞌ aꞌɨ́jcɨ japua ɨ chuéj camu tyáꞌastej, majta néijmiꞌi tyiꞌtɨ́j jɨn avíitzij jeꞌej rɨcɨj aꞌɨ́jcɨ jimi ɨ Tavástaraꞌ majta aꞌɨ́jcɨ jimi ɨ tɨ antyíhuaviihuacaꞌ.

San Lucas 4:18

Ɨ júuricamaꞌraꞌ ɨ Dios pu nye jimi séejreꞌ, jiꞌnye aꞌɨ́ɨ pu naꞌantyíhuoj, nyej nyij huoꞌtéꞌexaatyeꞌen ɨ nyúucariaꞌraꞌ ɨ Dios aꞌɨ́ɨjma ɨ maj quee jeꞌej tyéejviicueꞌ, aꞌɨ́ɨ pu unyojoꞌtaꞌítyacaꞌ nyaj huoꞌtéꞌexaatyeꞌen aꞌɨ́ɨjma ɨ maj námiꞌ nyaj nyeríj huiꞌrátoosij, ajta nyaj tyihuóꞌhuaatyeꞌen ɨ maj aracúcuꞌnyijmee, nyajta huaꞌ japua huatányuunyij aꞌɨ́ɨjma ɨ maj jajpuéjtzij,

Hechos 10:38

Aꞌyaa xu tyáꞌmuaꞌreej tɨ ɨ Dios jitzán jaatyájtoo ɨ ju júuricamej ajta ɨ tɨ néijmiꞌi jɨn putyiꞌuurejve, aꞌɨ́jcɨ jimi ɨ Jesús Nazaret tɨ jáꞌmaꞌcan, aꞌyaa pu rɨjcaj jeꞌej tɨ tyíꞌxaꞌpuɨꞌ, ajta tyihuáꞌhuaatyaꞌcaꞌaj néijmiꞌcaa ɨ maj jajpuéetzij aꞌɨ́jcɨ jɨmeꞌ tɨ tyiyáaruꞌ tyihuáꞌijtyaꞌcaꞌaj. Aꞌɨ́ɨ pu néijmiꞌi putyiꞌuuriajvaꞌaj, jiꞌnye Dios pu jitzán séjriaꞌcaꞌaj.

Hebreos 1:9

Muáaj paj jaxɨeꞌveꞌ ɨ tɨ tyámuaꞌ een pajta quee jaxɨeꞌveꞌ ɨ tɨ jeꞌej puaꞌaj een, aꞌɨ́j pu jɨn ɨ Dios muaꞌantyíhuoo, a Dios, ajta muaatáꞌ ɨ paj jɨn jéetzeꞌ huatáꞌtyamuaꞌveꞌen mequee aꞌɨ́ɨmaj ɨ aꞌtyéɨtyeristyamuaꞌ.

El Apocalipsis 11:15

Aj puꞌij ɨ tɨ tajapuá tyíꞌhuɨɨreꞌ ɨ taꞌráahuaꞌpuaj, aꞌɨ́ɨ pu ucájijhuacaꞌ ɨ trompéetaj jitze, aj nu nyij nyúucarij huánamuajriꞌ tɨ caꞌnyíin jɨn atyojoꞌtaxájtacaꞌ u jútyeꞌ aꞌyan tɨjɨn: Aꞌɨ́jna ɨ tɨ tyíꞌijta íiyan cháanacaj japua aꞌɨ́ɨ pu arí aꞌɨ́ɨn puéꞌeen ɨ Dios ajta ɨ tavástaraꞌ, aꞌɨ́ɨ mu tyiꞌíitaj muáꞌjuꞌun jusén jɨmeꞌ.

El Apocalipsis 12:10

Aj nu nyij nyúucarij huánamuajriꞌ tɨ caꞌnyíin jɨn utyojoꞌtaxájtacaꞌ u tajapuá aꞌyan tɨjɨn: —Puꞌríj tyaꞌráꞌaj aꞌnáj maj tajapuá huatányuusij, aꞌɨ́jna ɨ tɨ néijmiꞌi jɨn putyíꞌuurej, ajta ɨ tɨ jɨn tyuꞌtaꞌíjtaj ɨ Dios, puꞌríj néijmiꞌi jɨn tyuꞌtaꞌíjtaj aꞌɨ́jna ɨ Cɨríistuꞌ, jiꞌnye puꞌríj ayoꞌcájrɨee aꞌɨ́jna ɨ tɨ jeꞌej puaꞌaj huáꞌuuriajcaꞌaj ɨ taꞌihuáamuaꞌ, ɨ tɨ ajta aꞌnáj tɨnaꞌaj tyihuáꞌxajtziꞌracaꞌaj ɨ Dios jimi.

El Apocalipsis 17:17

Dios pu arí aꞌyan tyihuoꞌcámuaꞌriityej huaꞌ xɨéjnyuꞌcaa tzajtaꞌ mej mij aꞌyan huárɨnyij jeꞌej tɨ aꞌɨ́ɨn tyáꞌxɨeꞌveꞌ, aꞌɨ́j mu jɨmeꞌ juxaꞌaj manaꞌaj rɨnyij mej mij jaatátuiireꞌen aꞌɨ́jcɨ ɨ tyiꞌtɨ́j tɨ jeꞌej puaꞌaj huaséꞌrin ɨ maj jɨn antyúumuaꞌreej, ꞌasta naꞌaj quee aꞌyan atyojoꞌréꞌnyej jeꞌej tɨ ɨ Dios arí tyuꞌtaxájtacaꞌ.