Hechos 2:28 - El Nuevo Testamento y Salmos

²⁸ Muáaj paj naataséjraj ɨ juyéj tɨ aꞌáa jóꞌnyee joꞌtɨj júuricamej jáꞌsejreꞌ. Pajta naatáꞌsij nyaj huatányetyamuaꞌveꞌen aꞌájna joꞌpaj jáꞌsejreꞌ.

Hechos 2:28 ပူးပေါင်းရင်းမြစ်များ

SALMOS 16:11

Panaataséjratyeꞌsij ɨ juyéj tɨ jitzán séejreꞌ ɨ júuricamej. Jéehua pu tyámuaꞌviꞌraꞌaj séejreꞌ aꞌájna joꞌpaj muáaj jáꞌsejreꞌ, tyámuaꞌ pu jusén jɨmeꞌ tyíꞌeen muéetzij jimi.

SALMOS 17:15

Ajta aꞌyan tyiꞌjɨꞌréꞌcan jɨmeꞌ, nyej nyáaj nyaxáahuaj séeriaꞌaj naꞌmej aꞌɨ́jcɨ jɨmeꞌ nyaj aꞌ nyéerimij huaséj, ¡nyaj muéetzij jimi séjreꞌej nyatɨꞌɨjta huájɨstij!

SALMOS 21:4

Júuricamej pu muaatáhuaviiriꞌ, muáaj pej pij jaatáꞌ, júuricamej tɨ áꞌtyeeren ajta quee tyiꞌtɨ́j jɨn jeꞌej rɨnyij.

SALMOS 21:6

Jusén jɨmeꞌ paj tyámuaꞌ tyeetyájtoo, jéehua pu jutyamuaꞌveꞌ aꞌɨ́jcɨ jɨmeꞌ paj jitzán séejreꞌ.

SALMOS 25:4

Tavástaraꞌ, naataséjratyeꞌ aꞌ juyéj, pataꞌaj aꞌɨ́j jitze tyámuaꞌ tyináaviꞌtɨsimeꞌen,

SALMOS 42:5

¿Jiꞌnye nyij tyiꞌtɨ́j jɨn tyíꞌnyaxaahuataj? ¿Jiꞌnye nyij tyiꞌtɨ́j jɨn jeꞌej tyéꞌnyamuaꞌastɨj naꞌmej? Nyáaj nu nyeríj ɨ Dios jitze tyíꞌcaꞌnyej, aꞌɨ́jcɨ ɨ nyej nyooj tyeꞌtyóotziꞌreꞌej naꞌmej. ¡Aꞌɨ́ɨ pu nyaj Dios puéꞌeen ajta ɨ tɨ nyaj japua huatányuusij!

San Juan 14:6

Jesús pu aꞌyan tyaatéꞌexaa tɨjɨn: —Nyáaj nu aꞌɨ́ɨn puéꞌeen ɨ juyéj, nyajta ɨ tɨ tzáahuatyiꞌraꞌaj jɨn tyíꞌxaj, nyajta nu aꞌɨ́ɨn puéꞌeen ɨ júuricamej. Nyéetzij puꞌuj jimi jeꞌej tyíɨꞌrij tɨꞌij aꞌtɨ́j aꞌáa jaꞌráꞌastij ɨ nyavástaraꞌ jimi.

Hechos 2:27

jiꞌnye capáj tyuꞌtáꞌsij nyaj huámuɨꞌnyij, capáj tyuꞌtáꞌsij nyaj aꞌáan jaꞌséeriaꞌaj náꞌraꞌnyij joꞌmaj joꞌtyáꞌɨtzeꞌrii ɨ muɨꞌchítyee, capáj pajta tyuꞌtáꞌsij tɨ huatyéjpetyej aꞌɨ́jcɨ ɨ tyéviraꞌ ɨ tɨ muahuɨɨreꞌ.

Hechos 2:29

’Nyeꞌihuáamuaꞌ, aꞌyaa nu tyajáꞌmuaꞌixaatyeꞌ tzáahuatyiꞌraꞌaj jɨmeꞌ, tɨꞌɨj ɨ David huamuɨ́ꞌ, majta jeꞌen jaꞌváꞌnaj, ijíij óocheꞌ pu yésejreꞌ iiyeꞌej Jerusalén joꞌmaj yaꞌváꞌnaj.

Hebreos 12:2

Tyicheꞌ aꞌɨ́jcɨ jitze rányejnyeꞌrej ɨ Jesús, aꞌɨ́j pu jitze jáꞌmaꞌcan ɨ tyaj jɨn tyáꞌtzaahuatyeꞌ, aꞌɨ́ɨ pu ajta aꞌɨ́ɨn puéꞌeen ɨ tɨ néijmiꞌi tyámuaꞌ tyíꞌuurej. Jesús pu jóꞌviicueꞌriꞌ matɨꞌɨj yóꞌtatej ɨ cúruuj jitze, capu jitzán juxɨéꞌvaꞌcaꞌaj maj aꞌɨ́jna jɨn jaatatyéviꞌraꞌastaj, jiꞌnye aꞌɨ́ɨ pu jamuaꞌreeriacaꞌaj tɨjɨn tɨꞌɨj japuéjtzitaren aj puꞌij téꞌej huatóotyamuaꞌveꞌsij, ajta ujaꞌajcáayixɨj muácaꞌtaꞌ ɨ Dios.