Hechos 2:21 - El Nuevo Testamento y Salmos

²¹ Ajta aꞌtɨ́j tɨnaꞌaj tɨ ɨ Dios jimi huatyényuunyij, aꞌɨ́jna ɨ Dios japuan pu huatányuusij aꞌɨ́jcɨ ɨ aꞌtɨ́j.

Hechos 2:21 ပူးပေါင်းရင်းမြစ်များ

SALMOS 86:5

Jiꞌnye muáaj, Tavástaraꞌ, tyámuaꞌ paj tyihuojóꞌmuaꞌraj pajta tyúꞌuunyiꞌ; néijmiꞌi paj jɨn huaꞌxɨeꞌveꞌ aꞌɨ́ɨjma ɨ maj muéetzij jimi jahuoo.

San Mateo 28:19

Siataꞌaj sij joꞌcɨ́xɨꞌɨn néijmiꞌqueꞌ ɨ cháanacaj japua siaj sij huóꞌixaatyeꞌen ɨ tyeɨ́tyee mej mij naꞌráꞌastijreꞌen, siajta huóꞌɨɨraj nyúucaritzeꞌ ɨ tɨ nyavástaraꞌ, siajta nyúucaritzeꞌ ɨ yójraꞌ, siajta nyúucaritzeꞌ ɨ júuricamaꞌraꞌ ɨ Dios,

Hechos 2:20

Ajta ɨ xɨcáj jáꞌmuɨꞌnyij, capu cheꞌ huanyéeriꞌcɨj jaꞌmej. Ajta ɨ máxcɨrɨeꞌ, aꞌyaa pu éenyeꞌej jaꞌmej tɨꞌɨj ɨ xúureꞌej. Aj puꞌij atyojoꞌréꞌnyesij aꞌájna xɨcáaraꞌ jitze tɨꞌɨj aꞌɨ́ɨn ɨ tavástaraꞌ yavaꞌcányesij íiyan ɨ cháanacaj japua, naa pu tyuꞌséꞌrihuaꞌaj jaꞌmej aꞌájna xɨcáaraꞌ jitze.

Hechos 22:16

Ajta ijíij, capáj jéehua tyiꞌchóꞌveꞌej. Ájchesij, pataꞌaj huáɨꞌhuaj nyúucaritzeꞌ ɨ tavástaraꞌ, tɨꞌij aꞌɨ́ɨn tyimuaatúꞌuunyiꞌ ɨ paj jɨn ootyáꞌɨtzee ɨ Dios jimi.”

Hechos 9:11

Aj puꞌij aꞌyan tyaatéꞌexaa aꞌɨ́jna ɨ tavástaraꞌ tɨjɨn: —Ájchesij áricuj, aꞌájna cáayej jitze tɨ aꞌyan tyajaꞌrájtyapuaj tɨjɨn tɨ huatóojeꞌyej, pataꞌaj aꞌáa tyojoꞌtaꞌíhuoꞌ a Judas tɨ jaꞌchej, aꞌɨ́jcɨ jɨmeꞌ ɨ aꞌtɨ́j tɨ aꞌyan ántyapuaj tɨjɨn Saulo, Tarso tɨ jáꞌmaꞌcan, aꞌɨ́ɨ pu jahuoo ɨ Dios jimi.

Hechos 9:15

Ajta ɨ tavástaraꞌ aꞌyaa pu tyaatéꞌexaa tɨjɨn: —Áricuj, nyáaj nu jaꞌantyíhuoj aꞌɨ́jcɨ ɨ aꞌtɨ́j tɨꞌij nyéetzij jitze maꞌcan tyihuoꞌtéꞌexaatyeꞌen, aꞌɨ́ɨjma ɨ maj séej chuéj japua jaꞌchej, ajta ɨ maj vaꞌcán jɨn tyíꞌijta, ajta aꞌɨ́ɨjma ɨ maj aꞌáa joꞌcháatɨmee aꞌájna a Israel.

1 Corintios 1:2

Muaꞌaj mu siaj aꞌáa jóosɨꞌrii ɨ Dios jimi aꞌájna a Corinto, ɨ siaj Cɨríistuꞌ jitze maꞌcan tyámuaꞌ tyíꞌtyesejreꞌ aꞌɨ́jna jɨmeꞌ tɨ aꞌɨ́ɨn jamuaatajé siaj sij jimí séeriaꞌaj xáꞌraꞌnyij, majta néijmiꞌi ɨ maj majta aꞌyan tyíꞌxaj tɨ Jesús huaꞌ vástaraꞌ puéꞌeen, majta ɨ maj jitzán ajtyámaꞌcan.

Hebreos 4:16

Tyicheꞌ taxáahuaj ajtyáxɨɨrej joꞌtɨj joꞌtyéjvee ɨ ɨpuárij ɨ tɨ jitzán acájca ɨ Dios tɨ jéehua taxɨeꞌveꞌ, tɨꞌij aꞌɨ́ɨn táꞌancuꞌvaxɨꞌɨn ajta jeꞌen táahuɨɨreꞌen tyatɨꞌɨj áꞌviicueꞌriaꞌaj.