Filipenses 4:20 - El Nuevo Testamento y Salmos

²⁰ Tyicheꞌ jusén jɨn tyéꞌtyojtziꞌreꞌej ɨ Dios, aꞌɨ́jna ɨ tavástaraꞌ. Cheꞌ aꞌyan tyáꞌraꞌnyij.

Filipenses 4:20 ပူးပေါင်းရင်းမြစ်များ

SALMOS 115:1

Tavástaraꞌ, pataꞌaj asɨ́ɨj tyámuaꞌ tyuꞌtáꞌsejrataj, capáj ityájma; ¡tyámuaꞌ paj tyuꞌtyátoonyij, aꞌɨ́jcɨ jɨmeꞌ paj jɨꞌréꞌcan jɨmeꞌ taxɨeꞌveꞌ!

SALMOS 72:19

cheꞌ jusén jɨmeꞌ tyámuaꞌ tyíꞌsejriaꞌaj ɨ tɨ jɨn ántyapuaj ajta huápuɨꞌɨj naa huánamuajrii. ¡Cheꞌ néijmiꞌqueꞌ ɨ cháanacaj japua huataséjreꞌen ɨ tɨ jɨn naa huaséꞌrin! ¡Cheꞌ aꞌyan tyáꞌraꞌnyij!

San Mateo 28:20

siajta huoꞌmuaꞌtyej mej mij néijmiꞌi jaꞌráꞌastej jeꞌej nyaj nyeríj tyajamuaamuáꞌtyej. Nyajta nyáaj aꞌyaa nu jaꞌmua jamuán séeriaꞌaj naꞌmej tɨꞌɨj naꞌaj yutɨj joꞌqueꞌtɨj jaꞌmej ꞌasta naꞌaj quee néijmiꞌi tyeꞌentyipuáꞌrej íiyan cháanacaj japua.

San Mateo 6:9

Aꞌyaa xu sij muaꞌaj tyityeetyényuunyij tɨjɨn: Muáaj, mu paj tatáataj, tajapuá paj jáꞌsejreꞌ, cheꞌ tyámuaꞌ eenyeꞌ ɨ paj jɨn ántyapuaj.

Romanos 11:36

Jiꞌnye néijmiꞌi pu aꞌɨ́jcɨ jimi tyajáꞌmaꞌcan ɨ Dios, aꞌɨ́ɨ pu néijmiꞌi tyúꞌtaahuacaꞌ ajta néijmiꞌi jimi tyíꞌsejreꞌ. Tyicheꞌ aꞌnáj tɨ naꞌaj tyéꞌtyojtziꞌreꞌej ɨ Dios. Cheꞌ aꞌyan tyáꞌraꞌnyij.

Romanos 16:27

Tyicheꞌ jusén jɨmeꞌ tyéꞌtyojtziꞌreꞌej ɨ Dios ɨ tɨ néijmiꞌi jɨn antyúumuaꞌreej, tyicheꞌ ɨ Jesús tɨ ajta Cɨríistuꞌ puéꞌeen jitze maꞌcan tyaatatyójtziꞌreꞌen. Cheꞌ aꞌyan tyáꞌraꞌnyij.

Efesios 3:21

Tyicheꞌ tyaatatyójtziꞌreꞌen ɨ Dios joꞌtyaj jáꞌtasɨꞌrii, tyajta aꞌɨ́jcɨ ɨ Cɨríistuꞌ tɨ ajta Jesús puéꞌeen, tyicheꞌ tyéꞌtyojtziꞌreꞌej tɨꞌɨj naꞌaj yutɨj joꞌqueꞌtɨj jaꞌmej jusén jɨmeꞌ. Cheꞌ aꞌyan tyáꞌraꞌnyij.

Filipenses 1:11

jiꞌnye muaꞌaj xu tyuꞌtaséjrataj ɨ siaj jɨn jéehua tyámuaꞌ naa tyúꞌruuj, aꞌɨ́jna jitze maꞌcan ɨ Jesús tɨ ajta Cɨríistuꞌ puéꞌeen, ajta jéehua tyaatatyójtziꞌreꞌej ɨ Dios.

Filipenses 4:23

Cheꞌ ɨ tavástaraꞌ, aꞌɨ́jna ɨ Cɨríistuꞌ tɨ Jesús puéꞌeen, cheꞌ aꞌɨ́ɨn tyámuaꞌ tyajamuáachaꞌɨɨn.

1 Timoteo 1:17

Tyicheꞌ jaatyátzaahuatyeꞌen tyajta tyaatatyójtziꞌreꞌen aꞌɨ́jcɨ ɨ tajtúhuan tɨ jusén jɨn tyiꞌtyéjvee, capu aꞌnáj muɨꞌnyij, ajta sɨ́ɨj naꞌaj aꞌɨ́ɨn puéꞌeen ɨ Dios. Cheꞌ aꞌyan tyáꞌraꞌnyij.

Judas 1:25

ajta ɨ Dios tɨ sɨ́ɨj naꞌaj puéꞌeen, ɨ tɨ tajapuá huatanyúj, tyicheꞌ aꞌɨ́j tyuꞌtatyójtziꞌreꞌen, jiꞌnye aꞌɨ́ɨ pu vaꞌcán jɨn tyiꞌtyéjvee, ajta néijmiꞌi jɨn tyíꞌijta, aꞌɨ́jna jitze maꞌcan jeꞌej tɨ huarɨ́j ɨ tavástaraꞌ Jesús tɨ ajta Cɨríistuꞌ puéꞌeen, tɨꞌɨj naꞌaj jájcuaj ɨmuáj, ajta ijíij, ajta jusén jɨmeꞌ. Cheꞌ aꞌyan tyáꞌraꞌnyij.

El Apocalipsis 1:6

aꞌɨ́ɨ pu taatáꞌ tyej tyij jamuán tyuꞌtaꞌíjtaj, ajta taꞌantyíhuo tyej tyij tyuꞌtyáhuɨɨreꞌen aꞌɨ́jcɨ jimi ɨ Dios raꞌ, ɨ tɨ ajta jajvástaraꞌ. Cheꞌ aꞌɨ́ɨn huápuɨꞌɨj naa huaséꞌrihuaꞌan, ajta néijmiꞌi jɨn tyuꞌtaꞌíjtaj jusén jɨmeꞌ. Cheꞌ aꞌyan tyáꞌraꞌnyij.

El Apocalipsis 11:13

Aj puꞌij caꞌnyíin jɨn huatóocaꞌtzɨj ɨ cháanacaj, aꞌɨ́j pu jɨn áꞌvatzɨj ɨ tyihuáꞌchiꞌij ɨ chájtaꞌnaj jitze majta aráahuaꞌpuaj víꞌraꞌaj ɨ tyeɨ́tyee huácuij. Majta aꞌɨ́ɨmaj ɨ tyeɨ́tyee ɨ maj quee huácuij, jéehua mu tyiꞌtzɨ́ɨnyeꞌej metyaatatyójtziꞌrej ɨ Dios tajapuá tɨ jáꞌsejreꞌ.

El Apocalipsis 14:7

Aꞌyaa pu caꞌnyíin jɨn tyíꞌxajtacaꞌaj tɨjɨn: —Siataꞌaj jáꞌtyeseꞌ ɨ Dios, siajta tyaatatyójtziꞌreꞌen, jiꞌnye puꞌríj tyaꞌráꞌaj aꞌnáj tɨ huáꞌxɨjtyeꞌen ɨ tyeɨ́tyee. Siataꞌaj jaatyáanajche aꞌɨ́jna ɨ tɨ jaatyátaahuacaꞌ ɨ tajapuá, ajta ɨ cháanacaj, ajta ɨ jájtyij tɨ veꞌéj, ajta ɨ tɨ huajéexaviꞌijmee.

El Apocalipsis 5:12

aꞌyaa mu mij caꞌnyíin jɨn tyíꞌxajtacaꞌaj tɨjɨn: Aꞌɨ́jna ɨ cányaꞌaj ɨ tɨ huatámuꞌvejrityiꞌhuacaꞌ, aꞌyaa pu tyeꞌtyévijtyeꞌ tɨ aꞌɨ́ɨn jaꞌancuriáꞌan ɨ tɨ néijmiꞌi jɨn putyíꞌuurej, ajta tɨꞌij néijmiꞌi jimi tyíꞌsejriaꞌaj, ajta aꞌɨ́ɨn néijmiꞌi tyiꞌmuaꞌréeriaj ajta jeꞌen néijmiꞌi jɨn tyuꞌtyámueꞌtɨn, tyicheꞌ tyaatatyójtziꞌreꞌen aꞌɨ́jna ɨ tɨ naa een, tyajta jimi tyuꞌtáchuiicaj.

El Apocalipsis 7:12

aꞌyaa mu tyuꞌtaxájtacaꞌ tɨjɨn: Cheꞌ aꞌyan tyáꞌraꞌnyij. Ɨ tyaj jimi tyuꞌtáchuiicaj, ajta ɨ tɨ naa een, ɨ tɨ néijmiꞌi tyíꞌmuaꞌreej, ɨ tyaj jɨn tyéꞌtyojtziꞌreꞌ, aꞌɨ́j pu jimi jáꞌmaꞌcan ɨ Dios ɨ jusén jɨmeꞌ séejreꞌ. Cheꞌ aꞌyan tyáꞌraꞌnyij.