El Apocalipsis 6:10 - El Nuevo Testamento y Salmos10 Aꞌyaa mu caꞌnyíin jɨn tyíꞌxajtacaꞌaj tɨjɨn: —Tavástaraꞌ, mu paj jɨꞌréenyaꞌaj séejreꞌ, pajta quee tyiꞌtɨ́j jɨn áꞌɨtzeereꞌ, ¿aꞌnáj nyij pahuáꞌxɨjtyeꞌen aꞌɨ́ɨjma ɨ maj cháanacaj japua joꞌcháatɨmee, aꞌɨ́jna jɨmeꞌ ɨ maj táacuij? အခန်းကိုကြည့်ပါ။ |
El Apocalipsis 6:10
33 ပူးပေါင်းရင်းမြစ်များ
Nyeꞌihuáamuaꞌ mu nyaj jáꞌmuaxɨeꞌveꞌ, caxu puéjtzij jatáꞌcareꞌen ɨ aꞌtɨ́j tɨ jeꞌej puaꞌaj jamuáaruuj, sulu cheꞌ ɨ Dios puéjtzij jaatáꞌan, jiꞌnye aꞌyaa pu tyéꞌyuꞌsiꞌ ɨ yuꞌxarij jitze tɨjɨn: “Aꞌyaa pu nyéetzij tyíꞌnyacɨꞌpuaj nyaj puéjtzij jaatáꞌan aꞌɨ́jcɨ ɨ tɨ jeꞌej puaꞌaj muaꞌuurej, nyáaj nu tyíꞌnajchitan, aꞌyaa pu tyíꞌxaj ɨ tavástaraꞌ.”
Jéehua mu majta ɨ tyeɨ́tyee huataséjreꞌej aꞌɨ́ɨjma jimi ɨ maj Israel jitze ajtyámaꞌcan, ɨ maj hueꞌtzij jɨn tyihuáꞌmuaꞌtyej, aꞌɨ́j mu jɨn jéehua jaꞌmua jimi séejreꞌ aꞌɨ́ɨmaj ɨ maj hueꞌtzij jɨn tyajaꞌmuamuaꞌtyej. Avíitzij mu jɨn aꞌyan rɨcɨj muaꞌajmaj jimi, aꞌyaa mu mij aꞌɨ́jna jamuojoꞌrɨésij, majta jatyáhueꞌtacaa ɨ tavástaraꞌ aꞌɨ́jna ɨ tɨ ajta huaꞌ jɨmeꞌ tyuꞌnájchitacaꞌ, aꞌɨ́j pu jɨn aꞌyan tyihuáꞌcɨꞌtyij tɨ ɨ Dios jiyeꞌtzín huaꞌantyipuáꞌrityeꞌen.
Majta aꞌɨ́ɨmaj ɨ maj séej chuéj japua jáꞌmaꞌcan jéehua mu huatanyínyuꞌcacucaꞌ, ajta arí tyaꞌráꞌaj aꞌnáj paj pajta muáaj huatanyúꞌcaj, puꞌríj atyojoꞌréꞌnyej aꞌájna xɨcáaraꞌ paj jitzán huáꞌxɨjtyeꞌen aꞌɨ́ɨmaj ɨ maj meríj huácuij, pajta tyámuaꞌ tyihuoꞌtáꞌsij aꞌɨ́ɨjma ɨ maj a jitze maꞌcan tyíꞌxaj, majta ɨ maj muéetzij jimi tyámuaꞌ tyíꞌtyesejreꞌ, majta aꞌɨ́ɨmaj ɨ maj aꞌjimi tyáꞌtzaahuatyeꞌ, tɨpuaꞌaj ɨ maj vaꞌcán jɨn tyityatatyíj, naꞌríij cɨléenyeꞌ jɨn metyityatatyíj, pajta huaꞌantyipuaꞌrityeꞌsij aꞌɨ́ɨjma ɨ maj jeꞌej puaꞌaj jaꞌuurej ɨ cháanacaj.
Ajta ɨ tajapuá siaj jáꞌsejreꞌ, siataꞌaj huatóotyamuaꞌveꞌen, aꞌɨ́jna jɨmeꞌ ɨ chájtaꞌnaj, siataꞌaj huatóotyamuaꞌveꞌen muaꞌaj mu siaj jɨꞌréꞌnyeꞌej séejreꞌ ɨ Dios jimi, siajta muaꞌaj mu siaj antyíhuaviihuacaꞌ, siajta muaꞌaj mu siaj Dios jitze maꞌcan tyíꞌxaxaꞌaj, néijmiꞌi xu huatóotyamuaꞌveꞌen, jiꞌnye tɨꞌɨj ɨ Dios joꞌxɨ́jtyej aꞌɨ́jcɨ ɨ íitaj, aj pu muaꞌajmaj tyámuaꞌ tyajamoꞌxáꞌpuɨꞌɨntariꞌriꞌ.
aꞌɨ́ɨ pu tzáahuatyiꞌraꞌaj jɨn huáꞌxɨjtyeꞌen, ajta jeꞌej tɨ tyeꞌtyévijtyeꞌ; aꞌɨ́ɨ pu arí joꞌxɨ́jtyej aꞌɨ́jcɨ ɨ íitaj tɨ jutyéviraꞌ jɨn jamueꞌtɨcaꞌaj ɨ túmii, ajta caꞌnyíjraꞌaj huoꞌtaꞌ néijmiꞌqueꞌ ɨ cháanacaj japua, mej mij jamuán huóoxanaꞌcɨreꞌen. Dios puꞌij aꞌɨ́jna puéjtzij jaatáꞌ aꞌɨ́jna jɨmeꞌ tɨ ɨ íitɨꞌ huoꞌcuij aꞌɨ́ɨmaj ɨ maj jahuɨɨreꞌ ɨ Dios.
’Pataꞌaj aꞌyan tyaataꞌítyiꞌ aꞌɨ́jcɨ ɨ tɨ aꞌɨ́jna jɨn antyúumuaꞌreej tɨꞌij huóꞌchaꞌɨɨn aꞌɨ́ɨjma ɨ maj aꞌáa jóosɨꞌrii a Filadelfia tɨ jɨmeꞌ yee: “Aꞌyaa pu tyíꞌxaj aꞌɨ́jna ɨ tyámuaꞌ een tɨ ajta tzáahuatyiꞌraꞌaj jɨn tyíꞌxaj, aꞌɨ́ɨ pu aꞌɨ́jna jɨn antyúumuaꞌreej tɨ huoꞌtáꞌan mej mij aꞌáa joꞌtyájrutyej joꞌtɨj jáꞌsejreꞌ aꞌɨ́jna ɨ tɨ jitzán eerámaꞌcan ɨ David, tɨpuaꞌaj aꞌɨ́ɨn tyaꞌantácuunaj, capu ɨꞌríj tɨ aꞌtɨ́j tyeꞌtyáanaj, naꞌríij aꞌɨ́ɨn tyeꞌtyáanaj, capu ajta ɨꞌríj tɨꞌij aꞌtɨ́j tyaꞌantácuunaj:
ကြော်ငြာတွေ