El Apocalipsis 5:8 - El Nuevo Testamento y Salmos

⁸ tɨꞌɨj jaꞌancuréꞌpij aꞌɨ́jcɨ ɨ yuꞌxarij, aꞌɨ́ɨmaj ɨ maj muáacuaj ɨ maj júurij, majta ɨ huáasij ɨ maj seityéj japuan muáacuaj aráꞌasej, aꞌɨ́ɨ mu néijmiꞌi ecóotutaxɨj aꞌɨ́jcɨ jimi ɨ cányaꞌaj. Néijmiꞌi mu aꞌɨ́ɨmaj ɨ áarpaj tyiꞌtyéɨꞌcaꞌaj, majta túxaꞌaj ooroj tɨ jɨn tyíꞌtaavijhuacaꞌaj, ajta cuáanyeꞌej avaꞌjɨstíjmaꞌcaa aꞌɨ́jcɨ jitze ɨ túxaꞌaj, aꞌɨ́ɨ puꞌij aꞌɨ́ɨn puéꞌeen ɨ maj jɨn jahuoocaꞌaj aꞌɨ́ɨmaj ɨ maj tyeɨ́tyeristyamuaꞌmuaꞌ puéꞌeen ɨ Dios.

El Apocalipsis 5:8 ပူးပေါင်းရင်းမြစ်များ

SALMOS 141:2

Cheꞌ aꞌyan eenyeꞌ ɨ nyaj jɨn huatyényuusij a jimi tɨꞌɨj ɨ ɨ́ɨjcua, ajta ɨ nyaj aꞌ jimi ajméjcaꞌtaxɨꞌɨn, aꞌyájna tɨꞌɨj chúmuaꞌ maj aꞌjimi tyuꞌtámuꞌvejritaj.

SALMOS 150:3

¡Aꞌɨ́j xu jitze tyaatatyójtziꞌreꞌen ɨ aꞌhuáj! ¡Setyuꞌtatyójtziꞌreꞌ aꞌɨ́jcɨ jitze ɨ canárij siajtáhuaꞌaj séecan jitze ɨ canárij tɨ seequéj tyíeꞌen!

SALMOS 33:2

Setyuꞌtatyójtziꞌreꞌ ɨ Tavástaraꞌ aꞌɨ́jcɨ jɨmeꞌ ɨ áarpaj, siajta jimi tyuꞌtáchuiicaj aꞌɨ́jcɨ jɨmeꞌ ɨ canárij,

SALMOS 43:4

Aj nu nyij aꞌáa jaꞌráꞌastij joꞌtɨj joꞌtyéjvee ɨ maj japuan muanaꞌmichej, nyaj Dios, aꞌáa nu nyij tyimuaatatyójtziꞌreꞌej nyetyiꞌchuíicaj aꞌɨ́jcɨ jitze ɨ canárij, jiꞌnye muáaj, nyaj Dios, muáaj paj néijmiꞌi ɨ nyajúuricamej jitze nyetyamuaꞌvisteꞌej.

SALMOS 81:2

Setyuꞌtáchuiicaj aꞌɨ́j setyiꞌhuáaristyaꞌaj ɨ quéetzarij, siajta aꞌɨ́jcɨ jitze ɨ áarpaj siajta ɨ canárij jitze.

San Juan 1:29

Yaa ariáꞌpuaꞌaj, Juan pu jaaséj aꞌɨ́jcɨ ɨ Jesús tɨ ajaꞌváꞌmaꞌcaꞌaj aꞌɨ́jcɨ jimi, aj puꞌij aꞌyan tyuꞌtaxájtacaꞌ tɨjɨn: —Cásɨꞌ xaaséj, aꞌmúu pu aꞌɨ́ɨn puéꞌeen ɨ cányaꞌaj ɨ Dios tɨ jaatámuꞌvejritaj, ɨ tɨ jɨn tyihuoꞌtúꞌuunyiꞌraj ɨ maj jɨn ootyáꞌɨtzee néijmiꞌi ɨ maj yan séejreꞌ ɨ cháanacaj japua.

San Juan 5:23

mataꞌaj mij néijmiꞌi jaatyátzaahuatyeꞌen aꞌɨ́jcɨ ɨ yójraꞌ aꞌyájna matɨꞌɨj tyáꞌtzaahuatyeꞌ ɨ vástariaꞌraꞌ. Aꞌɨ́jna ɨ tɨquee tzáahuatyiꞌraꞌaj tyíchaꞌɨj aꞌɨ́jcɨ jimi ɨ yójraꞌ, capu ajta jaꞌtzaahuatyeꞌ ɨ vástariaꞌraꞌ, jiꞌnye aꞌɨ́ɨ pu aꞌɨ́ɨn puéꞌeen ɨ tɨ uyoꞌtaꞌítyacaꞌ.

Hebreos 1:6

Ajta aꞌɨ́jna jitze maꞌcan ɨ juyój, aꞌyaa pu tyihuoꞌtéꞌexaaj aꞌɨ́ɨjma ɨ maj aꞌyan cháanacaj japua huacháatɨmee tɨjɨn: Micheꞌ néijmiꞌi ɨ maj tyíꞌhuɨɨreꞌ ɨ Dios jimi jaatyáanajche.

El Apocalipsis 13:8

Majta aꞌɨ́jcɨ ɨ tyiꞌtɨ́j tɨ jeꞌej puaꞌaj huaséꞌrin néijmiꞌi mu jaatyánajchacaꞌ ɨ maj aꞌyan huacháatɨmee ɨ cháanacaj japua, aꞌɨ́ɨmaj ɨ maj quee ooyúꞌsiꞌhuacaꞌ jájcuaj ɨmuáj tɨꞌɨj naꞌaj tyuꞌtyátaavijhuacaꞌ ɨ cháanacaj ɨ yúꞌxariaꞌraꞌ jitze aꞌɨ́jna ɨ cányaꞌaj tɨ huatámuꞌvejrityiꞌhuacaꞌ.

El Apocalipsis 15:2

Aꞌyaa nu nyajta tyiꞌtɨ́j tyuꞌséj tɨ naa tyíꞌmeꞌestij, aꞌáa pu joꞌmuáanyijmee tɨꞌɨj jájtyaꞌhuaa ɨ tɨéj tzajtaꞌ, aꞌáa mu joꞌtyúꞌuucaꞌaj áarpaj metyiꞌtyaɨꞌɨj aꞌɨ́ɨmaj ɨ maj jaatyáamueꞌtɨj aꞌɨ́jcɨ ɨ tɨ jeꞌej puaꞌaj huaséꞌrin, majta ɨ tyévij tɨ jahuɨɨreꞌ, majta ɨ tɨ jɨn tyíꞌitej ɨ tɨ jɨn ántyapuaj.

El Apocalipsis 15:7

Ajta sɨ́ɨj ɨ maj muáacuaj ɨ maj júurij, aꞌɨ́ɨ puꞌij túxaꞌaj tyihuoꞌráɨꞌpuꞌtyej aꞌɨ́ɨjma ɨ maj aráahuaꞌpuaj aráꞌasej ɨ tɨ jitzán avaꞌajɨstíjmee ɨ tɨ jɨn huápuɨꞌɨj nyúꞌcamuɨꞌ ɨ Dios ɨ tɨ jusén jɨmeꞌ júurij.

El Apocalipsis 19:4

Majta aꞌɨ́ɨmaj ɨ huáasij ɨ maj seityéj japuan muáacuaj aráꞌasej, majta ɨ maj muáacuaj ɨ maj júurij, néijmiꞌi mu ecóotutaxɨj, mej mij jaatyáanajche ɨ Dios, ɨ tɨ acájca ɨpuárij jitze. Aꞌyaa mu tyíꞌxajtacaꞌaj tɨjɨn: —¡Cheꞌ aꞌyan tyáꞌraꞌnyij! ¡Alelúuyaj!

El Apocalipsis 4:10

aꞌɨ́ɨmaj ɨ huásij ɨ maj seityéj japuan muáacuaj aráꞌasej, aꞌɨ́ɨ mu tyítunutaxɨj aꞌɨ́jcɨ jimi ɨ tɨ ɨpuárij jitze acájca, majta jaatyánajchij, majta tyuꞌtátuiireꞌsij aꞌɨ́jcɨ jimi ɨ tyuucúrun, majta aꞌyan tyíꞌxajtacaꞌaj tɨjɨn:

El Apocalipsis 4:4

ajtáhuaꞌaj pu séecan ɨ ɨpuárij tyaꞌtaváatɨmaꞌcaa joꞌtɨj joꞌtyéjvee aꞌɨ́jna ɨ ɨpuárij seityéj japuan muáacuaj pu tyaꞌráꞌaxcaa, majta ɨ huáasij acatyéꞌtyaꞌajmaꞌcaa ɨ ɨpuárij jitze, cuéeinaviꞌ mu tyíꞌchajcaa, majta cúruun tyoꞌcarújtyaꞌajmaꞌcaa ɨ jumuꞌúj jitze ooroj tɨ jɨn tyíꞌtaavijhua.

El Apocalipsis 4:6

Aꞌájna joꞌtɨj joꞌtyéjvee aꞌɨ́jna ɨ ɨpuárij, aꞌyaa pu éenyeꞌej huariáꞌmuanyicaꞌaj a chóotaꞌ tɨꞌɨj tyiꞌtɨ́j tɨ naa tyíꞌmeꞌestij tɨ ajta tátzaj. Ajta aꞌájna jéꞌtaꞌ, joꞌtɨj joꞌtyéjvee aꞌɨ́jna ɨ ɨpuárij, muáacuaj mu ɨ maj júurij ataváatɨmaꞌcaa, majta jéehua jɨꞌsíj huaꞌ jitze séjriaꞌcaꞌaj, ɨ huaꞌ nyéerimij jitze ajta huaꞌhuaritaꞌ.

El Apocalipsis 4:8

Majta aꞌɨ́ɨmaj ɨ maj muáacuaj ɨ maj júurij, aꞌɨ́ɨ mu aráseej puaꞌmácan ajta anájmaꞌcaaj sɨ́ɨj ajta sɨ́ɨj, ajta jéehua jɨꞌsíj jitzán séjriaꞌcaꞌaj, jéjreꞌ ajta tyétyeꞌ. Aꞌnáj tɨnaꞌaj mu aꞌyan tyíꞌxajtacaꞌaj majta aꞌyan tyíꞌchuiicacaꞌaj tɨjɨn: Tyámuaꞌ pu een, tyámuaꞌ pu een, tyámuaꞌ pu een ɨ tavástaraꞌ, Dios pu aꞌɨ́ɨn puéꞌeen ɨ tɨ néijmiꞌi jɨn antyúumuaꞌreej, aꞌɨ́ɨ pu anaquéej séjriaꞌcaꞌaj, ajta ijíij séejreꞌ, ajta jusén jɨn séeriaꞌaj taꞌmej.

El Apocalipsis 5:11

Aj nu nyij atányeeriacaꞌ, nyajta jeꞌen muiꞌcaa huánamuajriꞌ ɨ maj tajapuá tyíꞌhuɨɨreꞌ ɨ maj aꞌáa jaꞌtaváatɨmaꞌcaa joꞌtɨj joꞌtyéjvee ɨ ɨpuárij, joꞌmaj majta jáꞌsejriaꞌcaꞌaj ɨ maj muáacuaj ɨ maj júurij, majta aꞌɨ́ɨjma jimi ɨ huáasij. Aꞌɨ́ɨ mu huápuɨꞌɨj muiꞌcaa, capu ámiteeriaꞌcaꞌaj aꞌchu maj puaꞌmacaꞌaj,

El Apocalipsis 5:12

aꞌyaa mu mij caꞌnyíin jɨn tyíꞌxajtacaꞌaj tɨjɨn: Aꞌɨ́jna ɨ cányaꞌaj ɨ tɨ huatámuꞌvejrityiꞌhuacaꞌ, aꞌyaa pu tyeꞌtyévijtyeꞌ tɨ aꞌɨ́ɨn jaꞌancuriáꞌan ɨ tɨ néijmiꞌi jɨn putyíꞌuurej, ajta tɨꞌij néijmiꞌi jimi tyíꞌsejriaꞌaj, ajta aꞌɨ́ɨn néijmiꞌi tyiꞌmuaꞌréeriaj ajta jeꞌen néijmiꞌi jɨn tyuꞌtyámueꞌtɨn, tyicheꞌ tyaatatyójtziꞌreꞌen aꞌɨ́jna ɨ tɨ naa een, tyajta jimi tyuꞌtáchuiicaj.

El Apocalipsis 5:14

Majta aꞌɨ́ɨmaj ɨ maj muáacuaj ɨ maj júurij, aꞌyaa mu tyuꞌtaxájtacaꞌ tɨjɨn: —Cheꞌ aꞌyan tyáꞌraꞌnyij. Majta aꞌɨ́ɨmaj ɨ huáasij, aꞌɨ́ɨ mu tyítunutaxɨj majta jaatyánajchacaꞌ ɨ Dios.

El Apocalipsis 5:6

Aj nu nyij cányaꞌaj huaséj aꞌájna jéꞌtaꞌ joꞌtɨj joꞌtyéjvee aꞌɨ́jna ɨ ɨpuárij, ajta jéꞌtaꞌ aꞌɨ́ɨjma jimi ɨ maj muáacuaj ɨ maj júurij, ajta jéꞌtaꞌ aꞌɨ́ɨjma jimi ɨ huáasij, aꞌyaa pu huaséꞌrihuaꞌaj cuxáa meríj jaajéꞌcatacaꞌaj. Ajta arahuaꞌpuácaa avaꞌahuájmaꞌcaa, ajta arahuaꞌpuácaa avaꞌjɨꞌsíjmaꞌcaa, ajta ɨ jɨꞌsáaraꞌ ɨ taꞌráahuaꞌpuaj, aꞌɨ́ɨ pu aꞌɨ́ɨn puéꞌeen ɨ júuricamaꞌraꞌ ɨ Dios ɨ tɨ aꞌyan yoꞌtaꞌítyacaꞌ íiyan cháanacaj japua.

El Apocalipsis 6:1

Aj nu nyij jaaséej tɨꞌɨj ɨ cányaꞌaj séej jajsújtzaꞌan ɨ tɨ ájviꞌtyijhuacaꞌaj ɨ yuꞌxarij jitze, aj nu nyij séej huánamuajriꞌ ɨ tɨ huaꞌ jitze ajtyámaꞌcan ɨ maj júurij ɨ maj muáacuaj, aꞌyaa puꞌij tyuꞌtaxájtacaꞌ aꞌyan namuáariaꞌcan tɨꞌɨj maj huatyényuunyij tɨjɨn: —Mujoꞌtéꞌyiꞌij.