El Apocalipsis 19:1 - El Nuevo Testamento y Salmos

¹ Aj nu nyij tányij huóꞌnamuajriꞌ ɨ maj tajapuá caꞌnyíin jɨn muiꞌtɨ́j tyajáꞌxajtacaꞌaj, aꞌyaa mu tɨjɨn: ¡Alelúuyaj! Tyicheꞌ tyaatatyójtziꞌreꞌen ɨ Dios, jiꞌnye aꞌɨ́ɨ pu tajapuá huatanyúj, aꞌɨ́j pu ajta jimi jáꞌmaꞌcan ɨ tɨ naa huaséꞌrin, ajta ɨ tɨ jɨn néijmiꞌi putyíꞌuurej,

El Apocalipsis 19:1 ပူးပေါင်းရင်းမြစ်များ

SALMOS 104:35

¡Micheꞌ huariaꞌxɨj ɨ cháanacaj japua ɨ maj tyíꞌxanaꞌcɨreꞌ! ¡Micheꞌ antyipuaꞌrej ɨ maj jeꞌej puaꞌaj tyityetyúuchaꞌɨj! ¡Tyámuaꞌ nu tyeetyátoosij ɨ Tavástaraꞌ néijmiꞌi ɨ nyajúuricamej jɨmeꞌ! ¡Alelúuyaj!

SALMOS 106:1

¡Alelúuyaj! Setyuꞌtatyójtziꞌreꞌ ɨ Tavástaraꞌ, jiꞌnye aꞌɨ́ɨ pu tyámuaꞌ tyihuojóꞌmuaꞌraj, ajta ɨ tɨ jɨn taxɨeꞌveꞌ jusén jɨmeꞌ pu séejreꞌ.

SALMOS 111:1

Alelúuyaj. Néijmiꞌi nu ɨ nyaxɨéjnyuꞌcaa jɨn tyaatatyójtziꞌreꞌej ɨ Tavástaraꞌ aꞌájna joꞌmaj ɨ tyeɨ́tyee jóosɨɨreꞌ maj tyámuaꞌ een, aꞌájna joꞌmaj néijmiꞌi jóosɨɨreꞌ.

SALMOS 115:18

ajta ityáj tu tyaatatyójtziꞌreꞌej ijíij tyajta jusén jɨmeꞌ. ¡Alelúuyaj!

SALMOS 146:1

¡Alelúuyaj! Néijmiꞌi nu ɨ nyaj júuricamej jɨn tyaatatyójtziꞌreꞌej ɨ Tavástaraꞌ.

SALMOS 148:1

¡Alelúuyaj! ¡Setyuꞌtatyójtziꞌreꞌ ɨ Tavástaraꞌ jútyeꞌ ɨmuáj u tajapuá! ¡Setyuꞌtatyójtziꞌreꞌ ɨ Tavástaraꞌ jútyeꞌ ɨmuáj!

SALMOS 149:1

¡Alelúuyaj! Jájcuacan xu tyuꞌtáchuiicaj ɨ Tavástaraꞌ jimi, aꞌáa xu tyaatatyójtziꞌreꞌen joꞌmaj jóosɨɨreꞌ ɨ maj jimi tyámuaꞌ tyityetyúuchaꞌɨj.

SALMOS 150:1

¡Alelúuyaj! ¡Setyuꞌtatyójtziꞌreꞌ ɨ Dios ɨ tyeyúujraꞌ tzajtaꞌ joꞌtɨj aꞌɨ́ɨn jáꞌsejreꞌ! ¡Setyuꞌtatyójtziꞌreꞌ aꞌájna u tajapuáj joꞌtɨj aꞌɨ́ɨn tyejéꞌijtaj!

SALMOS 3:8

Muáaj, Tavástaraꞌ, aꞌɨ́ɨ paj puéꞌeen ɨ tɨ tajapuá huatányuusij, ¡pataꞌaj tyámuaꞌ tyihuoꞌtyátoonyij, aꞌɨ́ɨjma ɨ maj aꞌáa joꞌcháatɨmee aꞌchájtaꞌnaj jitze!

SALMOS 62:11

Nuꞌríj mueꞌtɨ́j aꞌyan tyáanamuajriꞌ aꞌíjna ɨ Dios tɨ aꞌyan tyaataxájtacaꞌ tɨjɨn: aꞌɨ́jna ɨ tɨ néijmiꞌi putyíꞌuurej ajta ɨ tɨ jɨn taxɨeꞌveꞌ aꞌɨ́ɨ pu jaꞌaꞌrij, tɨ ajta aꞌɨ́ɨn aꞌyan tyihuáꞌnajchityeꞌen séej ajta séej jeꞌej tɨ sɨ́ɨj tyiꞌtɨ́j jɨn huarɨ́j.

San Mateo 6:13

Capáj tyiꞌtáꞌcareꞌen tɨ taamuéꞌtɨn aꞌɨ́jna ɨ tɨ quee xáꞌpuɨꞌ, sulu pataꞌaj tajapuá huatányuunyij. Jiꞌnye muáaj paj tyíꞌijta, pajta néijmiꞌi putyíꞌuurej, aꞌɨ́j paj jɨn jusén jɨmeꞌ séejreꞌ.

El Apocalipsis 11:15

Aj puꞌij ɨ tɨ tajapuá tyíꞌhuɨɨreꞌ ɨ taꞌráahuaꞌpuaj, aꞌɨ́ɨ pu ucájijhuacaꞌ ɨ trompéetaj jitze, aj nu nyij nyúucarij huánamuajriꞌ tɨ caꞌnyíin jɨn atyojoꞌtaxájtacaꞌ u jútyeꞌ aꞌyan tɨjɨn: Aꞌɨ́jna ɨ tɨ tyíꞌijta íiyan cháanacaj japua aꞌɨ́ɨ pu arí aꞌɨ́ɨn puéꞌeen ɨ Dios ajta ɨ tavástaraꞌ, aꞌɨ́ɨ mu tyiꞌíitaj muáꞌjuꞌun jusén jɨmeꞌ.

El Apocalipsis 12:10

Aj nu nyij nyúucarij huánamuajriꞌ tɨ caꞌnyíin jɨn utyojoꞌtaxájtacaꞌ u tajapuá aꞌyan tɨjɨn: —Puꞌríj tyaꞌráꞌaj aꞌnáj maj tajapuá huatányuusij, aꞌɨ́jna ɨ tɨ néijmiꞌi jɨn putyíꞌuurej, ajta ɨ tɨ jɨn tyuꞌtaꞌíjtaj ɨ Dios, puꞌríj néijmiꞌi jɨn tyuꞌtaꞌíjtaj aꞌɨ́jna ɨ Cɨríistuꞌ, jiꞌnye puꞌríj ayoꞌcájrɨee aꞌɨ́jna ɨ tɨ jeꞌej puaꞌaj huáꞌuuriajcaꞌaj ɨ taꞌihuáamuaꞌ, ɨ tɨ ajta aꞌnáj tɨnaꞌaj tyihuáꞌxajtziꞌracaꞌaj ɨ Dios jimi.

El Apocalipsis 19:6

Aꞌyaa nu nyajta tyihuóꞌnamuajriꞌ maj jéehua ɨ tyeɨ́tyee tyíꞌxajtacaꞌaj, aꞌyaa pu namuajriaꞌcaꞌaj tɨꞌɨj joꞌtɨj jájtyij jaꞌancáamuɨꞌyej, ajta aꞌyan namuajriaꞌcaꞌaj tɨꞌɨj ɨ víityee maj tyényuucaꞌan. Aꞌyaa mu tyíꞌxajtacaꞌaj tɨjɨn: ¡Alelúuyaj! Tyicheꞌ tyaatatyójtziꞌreꞌen ɨ Dios, jiꞌnye puꞌríj huatyóochej tɨ tyuꞌtaꞌíjtaj ɨ tavástaraꞌ, ajta ɨ Dios ɨ tɨ néijmiꞌi jɨn antyúumuaꞌreej.