El Apocalipsis 15:3 - El Nuevo Testamento y Salmos

³ Majta aꞌɨ́jna chuiicacaꞌaj jeꞌej tɨ huarɨ́j ɨ Moisés ɨ tɨ tyíꞌhuɨɨriaꞌcaꞌaj ɨ Dios jimi, majta aꞌɨ́jna jɨmeꞌ jeꞌej tɨ huarɨ́j ɨ cányaꞌaj. Aꞌyaa mu tɨjɨn: Huápuɨꞌɨj pu tyámuaꞌ naa huaséꞌrin jeꞌej paj tyiꞌtɨ́j jɨn huarɨ́j, tavástaraꞌ, Dios mu paj néijmiꞌi jɨn antyíaꞌmuaꞌreej, tyámuaꞌ pu een ajta tzáahuatyiꞌraꞌaj séejreꞌ jeꞌej paj tyíꞌijta, muáaj paj jusén jɨmeꞌ tyíꞌijta.

El Apocalipsis 15:3 ပူးပေါင်းရင်းမြစ်များ

SALMOS 100:5

Jiꞌnye ɨ Tavástaraꞌ pu tyámuaꞌ tojoꞌmuaꞌraj; ajta jusén jɨmeꞌ séejreꞌ ɨ tɨ jɨn taxɨeꞌveꞌ ajta ɨ tɨ quee tyiꞌtɨ́j jɨn áꞌɨtzeereꞌ capu aꞌnáj antyipuaꞌrij.

SALMOS 105:5

Xoꞌtámuaꞌreej tɨ aꞌɨ́ɨn vaꞌcán jɨn tyíꞌmuarɨeꞌ ajta naa tyuꞌséꞌrin, ajta jeꞌej tɨ aꞌɨ́ɨn tyaataxájtacaꞌ ɨ tɨ jɨn tyuꞌtaꞌíjtacaꞌ,

SALMOS 111:2

Vaꞌcán pu jɨn tyíꞌmuarɨeꞌ ɨ Tavástaraꞌ, majta ɨ maj jaxɨeꞌveꞌ, aꞌɨ́j mu jitze tyúumuaꞌtyej.

SALMOS 111:7

Jeꞌej tɨ aꞌɨ́ɨn rɨcɨj tyámuaꞌ pu een ajta aꞌyan tyiꞌjaꞌyájna; aꞌyaa pu tyíɨꞌrij tyaj jitzán tyúꞌcaꞌnyej jeꞌej tɨ aꞌɨ́ɨn tyuꞌtaꞌíjtacaꞌ,

SALMOS 139:14

Nyetyiꞌmuatyojtziꞌreꞌ jiꞌnye tyámuaꞌ nu tyoꞌtaséj, jiꞌnye naa pu tyuꞌséꞌrin muáaj paj tyúꞌtaahuacaꞌ. ¡Aꞌɨ́j nu tyámuaꞌ naa tyíꞌmuaꞌreej!

SALMOS 145:17

Tavástaraꞌ pu tyámuaꞌ een ɨ ju juyéj jitze, ajta jéehua tyámuaꞌ tyíꞌuurej jeꞌej tɨ aꞌɨ́ɨn tyíꞌtaxɨeꞌveꞌ.

SALMOS 145:6

Aꞌɨ́j mu tyiꞌxáataj muáꞌjuꞌun muáaj paj tyúꞌtaahuacaꞌ ɨ paj néijmiꞌ jɨn putyiꞌuurej tɨ huápuɨꞌɨj tyéꞌtyesiꞌreꞌ, nyajta nyáaj aꞌɨ́j nu huataxájta ɨ paj vaꞌcán jɨn tyiꞌtyéjvee.

SALMOS 18:30

Aꞌɨ́jna ɨ juyáaraꞌ ɨ Dios néijmiꞌi pu jɨn tyámuaꞌ een, ajta ɨ tɨ jɨn tyaꞌtóoratziiriꞌ ɨ Dios aꞌɨ́j pu jitze ɨꞌríj tyaj jitzán tyúꞌcaꞌnyej, ¡Dios pu huoꞌtyéchaꞌɨɨsij néijmiꞌcaa aꞌɨ́ɨjma ɨ maj jitzán tyíꞌcaꞌnyej!

SALMOS 78:12

Dios pu tyihuoꞌtaséjratyej ɨ tɨ naa tyuꞌséꞌrin aꞌɨ́ɨjma ɨ jáꞌmuahuasimuaꞌcɨꞌɨj aꞌáa tɨ huatacaꞌaj a Soan, aꞌáa tɨ jáꞌsejreꞌ a Egipto:

SALMOS 92:5

Muáaj paj Tavástaraꞌ puéꞌeen, ¡vaꞌcán paj jɨn tyíꞌmuarɨeꞌ!, ¡pajta huápuɨꞌɨj jaayíꞌtɨn jeꞌej paj yeꞌej tyámuaꞌ tyúꞌmuaꞌtyij!

SALMOS 99:4

Muáaj paj Rey puéꞌeen ɨ tɨ néijmiꞌi putyíꞌuurej ajta aꞌɨ́j xɨeꞌveꞌ ɨ tɨ xáꞌpuɨꞌ; muáaj paj néijmiꞌcaa juxaꞌaj panaꞌaj tyuꞌtyájtoo. Pajta tyámuaꞌ naa tyihuóꞌixaaj ɨ yójmuaꞌmuaꞌ aꞌɨ́jcɨ ɨ Jacob aꞌɨ́jcɨ ɨ tɨ xáꞌpuɨꞌ ajta ɨ tɨ huatóojeꞌyej.

San Juan 1:17

jiꞌnye aꞌɨ́jna ɨ nyúucarij ɨ maj jɨn tyíꞌijta aꞌɨ́j pu jitze maꞌcan ɨ Moisés yan huatyátuiihuacaꞌ, ajta ɨ tyaj jɨn huátaxɨeꞌveꞌen ajta ɨ tɨ jɨꞌréꞌcan jɨmeꞌ aꞌɨ́j pu jitze tyejeꞌrámaꞌcan ɨ Jesús tɨ ajta Cɨríistuꞌ puéꞌeen.

1 Timoteo 1:17

Tyicheꞌ jaatyátzaahuatyeꞌen tyajta tyaatatyójtziꞌreꞌen aꞌɨ́jcɨ ɨ tajtúhuan tɨ jusén jɨn tyiꞌtyéjvee, capu aꞌnáj muɨꞌnyij, ajta sɨ́ɨj naꞌaj aꞌɨ́ɨn puéꞌeen ɨ Dios. Cheꞌ aꞌyan tyáꞌraꞌnyij.

Hebreos 3:5

Aꞌyaa puꞌij, aꞌɨ́jna ɨ Moisés, ɨ tɨ tyiꞌtɨ́j jɨn tyíꞌhuɨɨriaꞌcaꞌaj, néijmiꞌi pu jɨn tyámuaꞌ huarɨ́j ɨ chiꞌraꞌan tzajtaꞌ ɨ Dios, aꞌyaa pu tyíꞌhuɨɨriaꞌcaꞌaj tɨꞌij jaataxáj jeꞌej tɨ tyiꞌtɨ́j ɨ Dios tyuꞌtaxájtaj.

El Apocalipsis 1:8

“Nyáaj nu aꞌɨ́ɨn puéꞌeen ɨ taꞌnájcaj, nyajta ɨ tuꞌvéꞌtyajtɨj”, aꞌyaa pu tyíꞌxaj aꞌɨ́jna ɨ tavástaraꞌ, tɨ ajta Dios puéꞌeen ɨ tɨ néijmiꞌi putyíꞌuurej, ɨ tɨ ajta jájcuaj ɨmuáj séjriaꞌcaꞌaj, ajta ɨ tɨ jusén jɨn séeriaꞌaj jaꞌmej.

El Apocalipsis 11:17

aꞌyaa mu tyuꞌtaxájtacaꞌ tɨjɨn: Tyetyiꞌmuatyojtziꞌreꞌ, tavástaraꞌ, Dios mu paj néijmiꞌi jɨn antyíaꞌmuaꞌreej, mu paj jájcuaj ɨmuáj séjriaꞌcaꞌaj pajta ijíij séejreꞌ, jiꞌnye muáaj paj períj vaꞌcán jɨn tyeꞌentyájrupij, pajta períj huatyeꞌchej pej pij tyuꞌtaꞌíjtaj.

El Apocalipsis 14:3

Majta aꞌɨ́jna chuiicacaꞌaj ɨ chuíicarij tɨ jájcuaj aꞌɨ́jna jimi ɨ Dios, majta aꞌɨ́ɨmaj jimi ɨ maj muáacuaj ɨ maj júurij, majta huaꞌ jimi ɨ huáasij. Capu aꞌtɨ́j jaayíꞌtɨhuaꞌaj tɨ jáarɨꞌrej aꞌɨ́jna ɨ chuíicarij, sulu aꞌɨ́ɨ muꞌuj ɨ maj anxɨtyej japuan huáꞌpuatyej japuan muáacuaj víꞌraꞌaj aráꞌasej, ɨ tɨ ajta huóꞌhuɨɨ íiyan cháanacaj japua.

El Apocalipsis 14:8

Ajtáhuaꞌaj pu sɨ́ɨj ɨ tɨ tajapuá tyíꞌhuɨɨreꞌ cújtaꞌ tyuꞌxájtasimeꞌej, aꞌyan tɨjɨn: —Puꞌríj áꞌvej, puꞌríj áꞌvej aꞌɨ́jna ɨ Babilonia, aꞌɨ́jna ɨ tɨ huoꞌtyátɨmueꞌraj aꞌɨ́jna jɨmeꞌ ɨ tɨ huaꞌ jamuán huóoxanaꞌcɨrej ɨ maj aꞌyan séejreꞌ ɨ cháanacaj japua.

El Apocalipsis 17:14

Aꞌɨ́ɨ mu mij jaatanyoꞌsiꞌtyeꞌej aꞌɨ́jcɨ ɨ cányaꞌaj, ajta aꞌɨ́ɨ pu ɨ cányaꞌaj huoꞌtyámueꞌtɨj, majta aꞌɨ́ɨmaj jamuán séejreꞌ ɨ Dios tɨ huoꞌtajé ajta jeꞌen huaꞌantyíhuoj mej mij tyámuaꞌ eenyeꞌ, jiꞌnye ɨ tavástaraꞌ pu tyihuáꞌijtyeꞌ aꞌɨ́ɨmaj ɨ maj huaꞌ vástaraꞌ puéꞌeen ɨ tyeɨ́tyee, ajta aꞌɨ́ɨn puéꞌeen ɨ tajtúhuan tɨ néijmiꞌcaa tyíꞌijtyeꞌ ɨ séecan ɨ tajtúhuaanyij.

El Apocalipsis 19:16

Ajta ɨ máancajraꞌan jitze, huáritaꞌ pujmuaꞌ aꞌyaa pu tyéꞌyuꞌsiꞌ tɨjɨn: “Huaꞌ tajtúhuan ɨ tajtúhuaanyij, ajta ɨ tɨ tyihuáꞌijtyeꞌ ɨ maj tyíꞌijta.”

El Apocalipsis 19:2

aꞌɨ́ɨ pu tzáahuatyiꞌraꞌaj jɨn huáꞌxɨjtyeꞌen, ajta jeꞌej tɨ tyeꞌtyévijtyeꞌ; aꞌɨ́ɨ pu arí joꞌxɨ́jtyej aꞌɨ́jcɨ ɨ íitaj tɨ jutyéviraꞌ jɨn jamueꞌtɨcaꞌaj ɨ túmii, ajta caꞌnyíjraꞌaj huoꞌtaꞌ néijmiꞌqueꞌ ɨ cháanacaj japua, mej mij jamuán huóoxanaꞌcɨreꞌen. Dios puꞌij aꞌɨ́jna puéjtzij jaatáꞌ aꞌɨ́jna jɨmeꞌ tɨ ɨ íitɨꞌ huoꞌcuij aꞌɨ́ɨmaj ɨ maj jahuɨɨreꞌ ɨ Dios.

El Apocalipsis 4:8

Majta aꞌɨ́ɨmaj ɨ maj muáacuaj ɨ maj júurij, aꞌɨ́ɨ mu aráseej puaꞌmácan ajta anájmaꞌcaaj sɨ́ɨj ajta sɨ́ɨj, ajta jéehua jɨꞌsíj jitzán séjriaꞌcaꞌaj, jéjreꞌ ajta tyétyeꞌ. Aꞌnáj tɨnaꞌaj mu aꞌyan tyíꞌxajtacaꞌaj majta aꞌyan tyíꞌchuiicacaꞌaj tɨjɨn: Tyámuaꞌ pu een, tyámuaꞌ pu een, tyámuaꞌ pu een ɨ tavástaraꞌ, Dios pu aꞌɨ́ɨn puéꞌeen ɨ tɨ néijmiꞌi jɨn antyúumuaꞌreej, aꞌɨ́ɨ pu anaquéej séjriaꞌcaꞌaj, ajta ijíij séejreꞌ, ajta jusén jɨn séeriaꞌaj taꞌmej.