2 Corintios 6:2 - El Nuevo Testamento y Salmos

² Jiꞌnye aꞌyaa pu aꞌɨ́ɨn tyíꞌxaj ɨ yuꞌxarij jitze tɨjɨn: Aꞌáa nu muáanamuajriꞌ tɨꞌɨj ajitze juxɨéꞌvaꞌcaꞌaj, nyajta aꞌájna xɨcáaraꞌ jitze muaatáhuɨɨ nyajta muiꞌrájtoo. Ajta ijíij pu aꞌáan putyajáꞌrɨcɨj siaj jaꞌancuriáꞌan. Ijíij pu aꞌájna putyíꞌrɨcɨj ɨ xɨcáaraꞌ tɨ jitzán Dios jamuiꞌrátoonyij.

2 Corintios 6:2 ပူးပေါင်းရင်းမြစ်များ

SALMOS 69:13

Nyajta nyáaj, Tavástaraꞌ, nyáaj nu muéetzij jimi huatyényuusij. Nyaj Dios, ¡pataꞌaj ijíij naatáhuɨɨreꞌen! Aꞌɨ́jcɨ jɨmeꞌ ɨ paj jéehua nyaxɨeꞌveꞌ, ¡ijíij paj naatájeevej! Aꞌɨ́jcɨ jɨmeꞌ paj jɨn tyámuaꞌ een, ¡nyajapuáj paj huatányuunyij!

San Lucas 18:37

Matɨꞌɨj mij aꞌyan tyaatéꞌexaa tɨjɨn: —Ya pu jaꞌvéꞌmej aꞌɨ́jna ɨ Jesús, Nazaret tɨ jáꞌmaꞌcan.

San Lucas 4:19

nyej nyij huoꞌtéꞌexaatyeꞌen tɨ arí atyojoꞌréꞌnyej aꞌnáj tɨ ɨ tavástaraꞌ tyámuaꞌ huáꞌuurej.

Hebreos 3:13

Sulu siataꞌaj caꞌnyíjraꞌaj huatóoaꞌan séej siajta séej jamuán aꞌnáj tɨnaꞌaj, ijíij siaj siooj júurij, tɨꞌij quee sɨ́ɨj tyeꞌtyánaamuan ɨ jutzájtaꞌ tyiꞌtɨ́j jɨmeꞌ tɨ hueꞌtzij puéꞌeen ajta jeꞌen aꞌɨ́jna jɨn jeꞌej puaꞌaj huárɨnyij.

Hebreos 3:7

Aꞌɨ́j pu jɨn, aꞌyájna tɨꞌɨj tyíꞌxaj ɨ júuricamaꞌraꞌ ɨ Dios ɨ yuꞌxarij jitze aꞌyan tɨjɨn: Tɨpuaꞌaj muaꞌaj ijíij siáanamuaj jeꞌej tɨ ɨ Dios tyíꞌxaj,

Hebreos 4:7

Aꞌɨ́j pu jɨn ɨ Dios arí ajtáhuaꞌaj séej xɨcáaraꞌ jitze tyaꞌtáraj ajta aꞌyan jaatamuaꞌaj tɨjɨn: “ijíij”, aꞌɨ́jna pu jimi aꞌyan aráꞌtyeej tyaataxájtacaꞌ ɨ David aꞌnáj tɨ aꞌyan atyojoꞌréꞌnyesij, aꞌyaa pu tyuꞌtaxájtacaꞌ tɨjɨn: Tɨpuaꞌaj ijíij muaꞌaj siáanamuaj jeꞌej tɨ tyíꞌxaj ɨ Dios, caxu tyiꞌtyánaamuan ɨ jutzájtaꞌ.